Isayas 5:23 - Hanunuu

²³ Pagpalpasan niyu ti manga may kasalanan dahil may pabagsak, dapat unman niyu pagpakan-an katadlungan ti ud may kasalanan.

Isayas 5:23 Iomraidhean Croise

1 Hari 21:13

Bag-u may rinmas-ug duwa ka daut pag tawu, tinmukaw sa atubangan ni Nabut, ag binangdanan nida inda sa atubangan manga tawu. Magkun sida, “Sinaadan ni Nabut ti Diyus hanggan ti hari.” Nakan dinara nida si Nabut sa luwas banwa, ag binintuk tugka sa namatay.

2 Krunika 19:7

Paggalang kamu sa Panginuun, ag pagpihu kamu matadlung dahil balaw pagpasnuan Panginuun nita Diyus ti unman may katadlungan, ti maghusay may pagkilingan, ag ti magtanggap suhul.”

Kanta 94:21

Nagkausa sida sa paglaban sa manga matadlung ag pagsintinsiyahan nida kamatayan ti manga balaw may kasalanan.

Kabagawan 17:15

Pagkadat-an Panginuun ti tawu magsintinsiya sa unman may kasalanan ngatay magsintinsiya palpasan ti may kasalanan.

Kabagawan 17:23

Ti daut pag tawu magtanggap suhul hampay balaw miburayhaw ti katadlungan.

Kabagawan 24:24

Nu palpasan nimu ti may kasalanan, saadan kawu ag kagalitan manga tawu.

Isayas 1:23

Kanmu manga takinan manga supakil ag kaibahan manga mananakaw. Gustu nida pirmi may upa, ag magpanhagad pamakaun. Balaw nida pag-apinan ti karampatan manga ulila ag balaw diman nida pagpatingihan ti manga buranday magdangup.

Isayas 10:1

Kaawaawa kamu manga manugbuwat balaw matadlung pag kasuguan, mag-api sa manga pugri niku pag nasakupan ag mag-irang katadlungan sa kanda. Sa panab-anan tunda pag kasuguan, pagbul-un niyu ti kasiyunan manga buranday hanggan manga ilu.

Isayas 28:7

Dapat kainda, pasuray-suray ti manga manughandug hanggan ti manga purupita dahil sa kanda kalanguhan, balaw yi sa kang-ud kanda naisipan. Salan yi ti pagkaintindi manga purupita sa pangakakitun, balaw kang-ud ti manga pasya manga manughandug.

Isayas 29:21

hanggan ti tanan manga magbangdan balaw may tutuu sa kaparihu, ti manga marapudil hampay lang papaniwalaun nida ti manga manughusay, hanggan ti pudilun pag kastigus hampay balaw mapakan-an katadlungan ti manga unman may kasalanan.

Isayas 32:7

Daut kay manga paraan manugdaya. Pag-ipadamhak niya ti manga pugri sa panab-anan niya kapudilan, una sa udas nida maghagad katadlungan.

Isayas 59:15

Ungud, nadura yi ti katutuuhanan, ag ti manga mag-aman sa kadautan pag-unuunuhun. Nakitan tunda Panginuun ag nanruku siya dahil sa unman may katadlungan.

Amus 5:12

Dahil alam niku nu kabitay kay kayamu ag nu kabitay kay ka buyat kanyu manga kasalanan. Pag-unuunuhun niyu ti manga tawu unman may kasalanan ag pagkuwartahan waya niyu. Unman niyu pagpakan-an katadlungan ti manga pugri sa hurusayan.

Mikas 3:11

Pagkampihan niyu sa hukuman ti manga magpakaun suhul sa kanyu. Ag kamu pag manga manughandug magtudlu lang nu pagbayadan. Katunda diman kamu pag manga purupita, maghula lang kamu nu may kuwarta. Magsarig waya kamu awatan Panginuun, dahil magkun kamu, ‘Kaibahan di nimi ti Panginuun. Nakan unman may una hintay pag kadautan ti rumas-ug sa kanmi.’

Mikas 7:3

Antigu sida magbuwat kadautan. Ti manga takinan ag manga talaghusay magtanggap upa. Magsunud lang sida sa gustu manga tawu bantug ag may kapangyarihan. Magkarausa sida hampay baliktadun ti katadlungan.

Matiyu 23:35

Nakan ngani mitama gid sa kanyu ti kaparusahan sa nagmatay sa manga matadlung pag manga tawu sa bilug kalibutan ginan waya sa nanmatay sa kan Abil hanggan sa nanmatay sa kan Sakaryas ti anak ni Barakyas, kanyu minatay sa tab-anan Balay Diyus ag surunugan hayup handug sa Diyus.

Diyuturunumiyu 16:19

Kailangan danga nida paglubaga ti matarung ag kailangan balaw sida may pagkampihan sa pagsintinsiya. Danga sida magtanggap suhul dahil ti suhul makabuta sa madunung hanggan sa matadlung, ag makapasalan sa kanda magpasya.

Santiyagu 5:6

Kanyu sinintinsiyahan bag-u ipinamatay ti manga tawu una unman may kasalanan ag unman sida naglaban sa kanyu.