Isayas 5:20 - Hanunuu

²⁰ Kaawaawa kamu ti magsabi kuntay ti daut mayad ti mayad daut. Ti kadudulman pagsabihun niyu rayaw ag ti rayaw pagsabihun niyu kadudulman. Ti mapait pagsabihun niyu matagsing ag ti matagsing pagsabihun niyu mapait.

Isayas 5:20 Iomraidhean Croise

Hub 17:12

Dapat magsabi sida, ti dulum buwatun niku sirang. Magkun sida, ‘Sa kadudulman may karayawan.’

Pag-ighit 23:7

Danga kamu magbangdan unman may katutuuhanan. Danga niyu pagmatya ti manga matadlung ngatay unman may kasalanan pag tawu, dahil parusahan gid niku una si unu ti bumuwat inda.

Kabagawan 17:15

Pagkadat-an Panginuun ti tawu magsintinsiya sa unman may kasalanan ngatay magsintinsiya palpasan ti may kasalanan.

Kabagawan 4:17

Ti kadautan hanggan pagpuya ga karan-unun ag irinmun para sa kanda.

Isayas 24:9

Madura ti manga magkarantahan sa kanda mag-irinuman, ti irinmun bumaliw mapait.

Isayas 29:21

hanggan ti tanan manga magbangdan balaw may tutuu sa kaparihu, ti manga marapudil hampay lang papaniwalaun nida ti manga manughusay, hanggan ti pudilun pag kastigus hampay balaw mapakan-an katadlungan ti manga unman may kasalanan.

Isayas 30:10

Magkun sida sa manga purupita, ‘Danga yi niyu sabihun sa kanmi ti tungkul sa manga ipinaburayhaw Diyus sa kanyu. Danga yi niyu sabihun sa kanmi ti matadlung. Sabihun niyu sa kanmi ti manga bagay makapasulung sa kanmi ag ti manga balaw matupad pag pangakakitun.

Isayas 32:5

Ti manga unman may namuangan balaw yi dayawun, ag ti manga magdaya balaw yi galangun.

Isikil 13:19

Paglabagun niyu aku sa atubangan niku nasakupan dahil lang sa pira ka akup sibada ag pira ka bilug tinapay. Sa panab-anan niyu pamudil, pagkumnun niyu mamatay ti balaw dapat mamatay, ag pagkumnun diman niyu balaw mamatay ti dapat mamatay. Ag magpaniwala kang nasakupan sa kanyu kapudilan.

Amus 5:7

Kaawaawa kamu! Pag-ikadaut niyu ti katuwiran ag pagbul-an halaga niyu ti katadlungan.”

Mikas 3:2

Dapat dayu kamu sa mayad ag gustu niyu ti daut. Pag-unuunuhun niyu kang manga kasimanwa; bilang ga paghilapun niyu sida ag pagbul-an nayi kanda manga but-ul, pagkatapus pagtuktukun kanda manga but-ul ag paggurutun ti manga nayi ag pagtamaun bag-u pagkan-un.

Habakuk 1:4

Nakan nagbaliw unman may pulus ti kasuguan. Ag unman diman pag-ipatupad ti katadlungan dahil ti manga tawu may kasalanan imaw ti magpanalu sa atubangan husgadu balaw ti unman may kasalanan. Nakan nadura ti katadlungan.”

Malakyas 2:17

Magkun waya gid si Malakyas sa manga Israilita, “Magbugya yi ti Panginuun sa kanyu manga pagbagawun. Dapat magpaingana waya kamu, ‘Hayga, unu kanmi pagbagawun nakan magbugya yi siya?’ Magbagaw kamu ti tanan magbuwat daut mayad sa magbantay Panginuun ag magbaya siya sa kanda. Magpuya waya kamu magkun, ‘Naan yi ti Diyus katadlungan?’ ”

Malakyas 3:15

Masabi waya ngani nita mapalad ti mayabang pag manga tawu. Sa kay tutuu, sida ti manga magbuwat daut mag-unlad. Una pagsubukan nida ti Diyus unman diman sida pagparusahan.’ ”

Lukas 16:15

Dapat sinabi ni Hisus sa kanda magkun, “Kamu magpabalhinguun lang sa atubangan manga tawu, dapat alam di gid Diyus kanyu manga tagipusuun. Dahil ti pagpahalagahan manga tawu, pagbugyahan sa kay magbantay Diyus.

Diyuturunumiyu 25:1

“Nangus may magtalaluhan duwa ka tawu ag dinara nida kanda kasaba sa talaghusay, ag sinabi manga manughusay nu si unu sa kanda duwa ti may kasalanan ag ti unman may kasalanan.

2 Pidru 2:1

Dapat kaybi may naglutaw diman sa nasakupan Israil manga pudilun pag purupita. Una sa kanyu may lumutaw diman aban manga pudilun pag manga manugtudlu. Itudlu nida sa lihim kanda salan pag manga adal, imaw tigdaut sa pagsarig manga tawu, pagdayuun nida ti Panginuun ti naglukat sa kanda. Nakan ngani bigla sida ipadamhak sa kamatayan.