Isayas 5:17 - Hanunuu

¹⁷ Ti nawayak pag banwa imaw ti pag-ulian manga mayaman, binuwat lang pasturan manga karanidu.

Isayas 5:17 Iomraidhean Croise

Nihimyas 9:37

Ti abunda pag manga patubas daga niatag sa manga hari kanmu pinili ti humari sa kanmi dahil sa kanmi manga kasalanan. Pagbuwatun nida ti gustu nida buwatun sa kanmi hanggan sa kanmi manga pag-alagaun pag hayup, ag masyadu kanmi pag-agwantahun.”

Kanta 119:70

Inda pag manga marapadayaw unman may pan-intindi sa kanmu kasuguan, dapat aku magbaya sa pagsunud sa inda.

Kanta 17:10

Unman sida may pangaawa, ag palabi-labihun nu magbagaw.

Kanta 17:14

Ribrihan aku sa inda pag manga tawu magkahilig lang sa manga bagay sitay sa kalibutan. Parusahi sida parusa iinalistu nimu sa kanda, hanggan yi kanda manga kalay-awan. Alistuhi diman parusa kanda manga laki.

Kanta 73:7

Kanda manga tagipusuun punu kadautan, ag kanda pirmi pag-isipun ti pagbuwat daut.

Isayas 1:7

Udyi makinabangan kanyu nasyun; kanyu manga banwa nagkarairub yi. Habang mabantayan kamu, pagbul-un manga taga iba daga ti burak niyu manga tanum sa kanyu tanman. Dinaut nida kanyu daga tugka sa udyi kamu may makinabangan.

Isayas 10:16

Nakan mamadara sakit ti Makamaskihan Panginuun, imaw ti pumalumuy sa makurasug pag sundalu Asirya. Irubun Panginuun ti manga kayamanan niya sa maglabdaban pag apuy.

Isayas 17:2

Udyi may mangulian sa banwa Aruwir. Bumaliw pasturan wadi inda manga hayup, ag balaw may mamalag sa kanda ati.

Isayas 32:14

Ti mayamu tawu pag banwa hanggan ti marig-un pag bahagi inda balaw yi maulianan. Ti tagudtud hanggan ti barantayan pag bantayaw bumaliw ga pangawakawaan tugka aban. Inda bumaliw ulian manga talun asnu ag pasturan manga karanidu.

Isayas 40:11

Alagaan niya kay manga nasakupan ga pastur mag-alaga sa kay manga karanidu. Pagsalilihun niya ti dariit pag karanidu madahan niya pag giyahan ti manga inaan karanidu.

Isayas 65:10

Papaladan niku sida ti manga magpakarani sa kangku. Ti manga karatagan Sarun hanggan Akur buwatun paraharaban nida manga hayup.

Isayas 7:25

Udyi may mangatag sa tagudtud dati pagtanuman nida, dahil marikut yi ag napnu tanum madugi. Bumaliw wadi inda pasturan manga baka, hanggan karanidu ag kambing.

Hirimyas 5:28

Tinmabul sida ag binmisug kanda manga bilug. Subra kanda magbuwat kadautan. Unman nida pagpakan-an katadlungan ti manga ulila ag balaw nida pag-ilaban ti karampatan manga pugri.

Karukuan 5:2

Kanmi manga daga hanggan manga balay bin-ul manga day-uhan.

Husyas 4:16

Maganit kay ulu ti manga taga Israil, parihu sa dumaraga baka. Nakan kabitay niku sida maalagaan parihu sa manga karanidu sa karatagan?

Husyas 8:7

“Parihu lang sida ga magpamgas durus ag mag-ani buhawi. Parihu diman sa tirigu unman may uhay, unman inda makapakaun karan-unun. Una waydi mamurak, iba nasyun di waydi ti kumaun.

Mikas 2:12

Magkun ti Panginuun, “Kamu pag manga nasawad nasakupan Israil ag Huda, tipunun gid niku kamu ga manga karanidu sa tudiran aw ngatay ga kaban hayup sa labuan. Mapunu manga tawu kanyu kadagaan.

Sipanyas 2:14

Bumaliw pasturan inda manga baka, kambing, ag iba waya pag kalasi manga hayup. Umapun ti manga bukaw sa manga nadaut tulduk, ag madnugan kanda uni sa manga gaha. Madaut ti manga sabian ag magkaratangkas ti manga sidru pag kayu.

Sipanyas 2:6

Nakan kanyu manga daga sa saruy dagat bumaliw paraharaban ag tudir manga karanidu.

Lukas 21:24

Matyun sida manga sundalu may armas baladaw, kay iba bihagun darahun tag sa una naan pag nasyun. Tatatataan manga balaw Hudiyu ti Hirusalim hanggan sa udwaya lumawuy ti kaudasan kapangyarihan manga balaw Hudiyu.”

Diyuturunumiyu 28:33

Ti manga tawu balaw niyu magkakilala imaw ti kumaun sa tanan niyu binudlayan, bag-u pirmi kamu apihun ag pakurianan.

Diyuturunumiyu 32:15

Nagmaalwan ti manga Israilita dapat naglaban sida. Nagtabul sida ag nagbisug, dapat pinatlikudan nida ti Diyus, ti naglalang sa kanda, ag binugyahan nida ti palalan-iban nida pag batu imaw ti kanda Manugribri.