Isayas 5:16 - Hanunuu

¹⁶ Dapat ti Panginuun Makamaskihan dayawun sa kay magpihu. Sa panab-anan matadlung niya pagpihu, pag-ipakakit niya siya Banal pag Diyus.

Isayas 5:16 Iomraidhean Croise

1 Krunika 29:11

Makamaskihan gid kawu, paggalangun, kilala, ag pagdayawun. Dahil kanmu ti tanan pag bagay sa langit ag sa daga. Kawu ti hari, Panginuun, ag abwat kawu sa tanan.

Kanta 21:13

Pagdayawun kawu, Panginuun, dahil sa kanmu kabisugan. Manganta kami manga pagdayaw dahil sa kanmu kapangyarihan.

Kanta 46:10

Magkun siya, “Apasi yi niyu ti paggira. Ag kilalan-a niyu aku ti Diyus. Kamu pag manga nasyun sa buu kalibutan dumayaw sa kangku.”

Kanta 9:16

Napaburayhaw ti Panginuun nu si unu gid siya sa panab-anan pagsintinsiya niya matadlung, ag ti daut ngap pag manga tawu ti nidamhak sa kanda daut pag manga pagbuwatun.

Isayas 12:4

Pagras-ug ati pag sirang, manganta kamu: “Dayawa niyu ti Panginuun! Sambaha niyu siya! Tultulan niyu sa manga nasyun kay manga binuwat. Tultulan niyu siya ti kailangan dapat dayawun.

Isayas 2:11

Rumas-ug ti sirang ti Panginuun lang ti dayawun. Ipaababa niya ti palabi-labihun hanggan ti marapadayaw.

Isayas 2:17

Ipakababa ngani niya ti manga marapayabang hanggan ti marapadayaw. Ti Panginuun lang ti maipaabwat sa ati pag sirang.

Isayas 2:9

Nakan Panginuun, ipaababa nimu ti kada usa sa kanda, hampay mangay-a sida. Danga nimu sida pagpatawada.

Isayas 28:17

Buwatun niku panukat ti katadlungan. Ipapalid niku sa bagyu hanggan sa baha ti kapudilan pagsarigan niyu rumibri sa kanyu.

Isayas 29:23

Dahil nu nakitan nida ti manga binwat niku, galangun nida aku, ti Banal pag Diyus ni Hakub. Ag magkaimaw sida dala sa kangku, sa Diyus Israil.

Isayas 30:18

Dapat mag-alagad ti Panginuun kamu pumakarani sa kanya hampay kaawaan niya. Alistu di siya iparanas sa kanyu kay pasunaid. Dahil ti Panginuun imaw ti Diyus matadlung, mapalad ti magsarig sa kanya.

Isayas 33:10

Magkun ti Panginuun, “Kumimut yi aku taynguna, ag dayawun aku manga tawu.

Isayas 33:5

Ti Panginuun abwat sa tanan! Dahil siya mag-uli sa langit. Ipalantag niya ti katadlungan ag katuwiran sa Hirusalim.

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Isayas 6:3

Magsarabihan sida sa usa kag sa usa: “Banal, Banal, Banal ti Panginuun Makamaskihan! Kay kadayawan magsakup sa buu kalibutan.”

Isayas 61:8

“Dahil aku, ti Panginuun, magbaya sa katadlungan. Magkagalit aku sa manga mananakaw ag sa iba pag kadautan. Sa kang katapatan, pirimyuhan niku kang manga nasakupan ag mamwat aku usa ka kasunduan unman may katapusan sa kanda.

Isayas 8:13

Aku, ti Panginuun Makamaskihan, kailangan niyu kilalan-un banal. Aku ti dapat niyu kadalaan ag galangun.

Isikil 20:41

Nu mab-ul yi niku kamu sa tuhay-tuhay pag manga nasyun nu naan nagkarawayak kamu, tanggapun niku kamu bilang ga mabanglu pag handug. Ipakakit niku sa kanyu kang kabanalan habang magbantay ti iba pag manga nasyun.

Isikil 28:22

Sabihi siya aku, ti Panginuun Diyus, magkun: Kalaban niku kawu, Sidun. Dayawun aku manga tawu nu parusahan yi niku kawu, bag-u maalaman nida aku ti Panginuun. Sa panab-anan inda, maipakakit niku sa kanda kang kabanalan.

Isikil 28:25

Magkun waya gid ti Panginuun Diyus, “Tipunun yi niku ti nasakupan Israil ginan sa manga nasyun nu naan pag nawayak sida. Sa panab-anan niku buwatun sa kanda, maipakakit niku kang kabanalan sa manga nasyun. Mangulian ti manga Israilita sa kanda sadili daga, ti daga ipinakaun niku sa kang suruguun si Hakub.

Isikil 36:23

Aku, ti Panginuun Diyus magkun, ipakakit niku kang pagkabanal kaabwat-abwatan pag ngaran pinakan-an niyu kakay-ahan sa manga nasyun. Bag-u maalaman tunda pag manga nasyun aku ti Panginuun nu ipakakit niku kang pagkabanal sa kanda sa panab-anan niku buwatun sa kanyu.

Isikil 38:16

Girahun nimu kang nasakupan manga Israilita parihu sa rurum magsangput sa kanda. Hu, Gug, ipagira niku sa kanmu kang banwa, hampay sa panab-anan nimu maipakilala niku sa manga nasyun kang kabanalan. Bag-u maalaman nida aku ti Panginuun.”

Isikil 38:23

Sa panab-anan inda ipakakit niku kang kapangyarihan ag kabanalan sa tanan nasyun. Bag-u maalaman nida aku ti Panginuun.”

Danyil 4:37

Nakan taynguna pagdayawun niku ag pagkilalan-un ti Hari langit, dahil hustu ag matadlung ti tanan niya pagbuwatun, ag pag-ipaababa niya ti una si unu ti magpadayaw-dayaw.”

Libitiku 10:3

Magkun si Muysis sa kan Aarun, “Tunda ngani kay ibug sabihun Panginuun katpung magkumun siya, ‘Kailangan kilalan-un manga manughandug kang kabanalan, ag kailangan dayawun aku sa atubangan tanan manga tawu.’ ” Unman nakasagut si Aarun.

Bilang 20:13

Inda pag rugar pag-ingarnan bulbugan Miriba dahil nanlaban ti manga Israilita sa Panginuun sa inda pag rugar, ag sitay diman pag ipinakakit Panginuun sa kanda kay kadayawan.

Ruma 2:5

Dapat ay sa kaganitan nimu tagipusuun ud waydi mag-ampu sa kanmu kasalanan, pagpakadugangan nimu ti parusa kay ganti Diyus sa kanmu nu ipaburayhaw kay galit Diyus aban sa kaudasan niya matadlung pag sintinsiya.

1 Pidru 1:16

Angay sa isinurat sa Banal Kasuratan, magkun ti Diyus, “Ilubus ipasakup niyu kanyu sadili sa kangku, dahil aku banal.”

1 Pidru 2:15

Dahil katida gid kay kagustuhan Diyus, kamu pagbuwat mayad hampay imaw kanyu panalu sa pagbagawun manga tawu unman nakaintindi.

1 Pidru 3:15

Galangun niyu sa kanyu tagipusuun si Kiristu, imaw ti Panginuun. Pagmay alistu kamu pirmi kanyu isagut nu may humagad paliwanag tungkul sa kanyu pagsarig.

Ipinakakit 3:7

“Isurat nimu inda para sa anghil magbantay sa iglisya sa banwa Piladilpiya: “Inda ti magsabi imaw yi ngani ti banal ag masarigan, ti may bitbit susi ni Hari Dabid. Nu siya ti nagbukas unman may makasiradu. Unman waydi may makabukas nu siya ti nagsiradu:

Ipinakakit 4:8

Tigtigun-um ka pakpak ti upat ka linalang may buhi, lipus mata sa kanda buu bilug. Unman may apas sida magkanta sirang yabi magkun, “Banal, banal, banal ti Panginuun Diyus Makamaskihan sa tanan. Ti Diyus kaybi ginan hanggan taynguna hanggan waya aban.”