Isayas 5:14 - Hanunuu

¹⁴ Magkabukas yi maluang ti kalubngan. Pag-alagdun maipaslud sa kanya ti manga kilala ag makapangyarihan pag nasakupan Hirusalim, hanggan ti manga nasakupan mag-iringayan ag magbarayaan.

Isayas 5:14 Iomraidhean Croise

Kanta 49:14

Itinagka yi mamatay sida parihu sa manga karanidu. Ag ti kamatayan imaw ti mag-antabay sa kanda atabug sa lulubngan parihu sa manug-alaga mag-antabay sa manga karanidu. Sa sirang pagribri Diyus, humari sa kanda ti manga magkabuhi matadlung. Kanda manga bangkay magkararunut. Ti lulubngan imaw ti kanda ulian.

Kanta 55:15

Mana kadaka lang mamatay kang manga kalaban. Mana milbung sida buhi sa lulubngan. Dahil ti kadautan asan diman sa kanda hanggan sa kanda manga ulian.

Kabagawan 1:12

Buhi sida kainda ag mayad kay bilug dapat matyun nita sida; miparihu sida sa manga tawu miamut sa ulian manga namatay.

Kabagawan 27:20

Balaw magkasawaan ti kamatayan; katunda diman ti paghangadun tawu.

Kabagawan 30:16

ti ulian manga namatay, ti baug pag babayi, ti daga unman may danum, ag ti apuy.

Isayas 14:11

Taynguna tigbak yi kawu, udyi kawu may kapangyarihan, udyi diman waydi ti giritarahan manga alpa hampay dayawun kawu. Kanmu igyaan hanggan kumut sapat yi.’

Isayas 14:9

“Magkalaguluhan ti manga namatay sa kanmu pagras-ug ag alistu yi sida sulangun kawu. Ti manga karadwa daan makapangyarihan sa kalibutan magkalaguluhan sa pagkamusta sa kanmu. Magtindug sa kanda turukawan ti karadwa manga hari para sulangun kawu.

Isayas 21:4

Pagkulbaan aku ag pagtakigan sa dala. Mana makapahari aku sa pagsangday init, dapat balaw mahimu, dahil magkadala aku sa mahimu mangyari.

Isayas 24:8

udyi madnugan ti manga mararinu pag tunug manga pamakaransing ag alpa, hanggan ti huruyawan manga tawu magbarayaan.

Isayas 30:33

Dugay yi nakaalistu ti rugar sunugan sa hari Asirya. Daka inda ag abasad, alistu yi ti mayamu pag pamagba. Ti arup Panginuun ga maglabdab asupri imaw ti pumalabdab sa pamagba.

Isikil 7:12

Hu, arani yi gid ti sirang kaparusahan. Danga magbaya ti magbili, ngatay magkaruku ti magpabili, dahil kang pangagalit matanggap tanan.

Danyil 5:30

Sa tunda diman pag yabi, minatay si Bilsasar hari manga taga Babilunya.

Nahum 1:10

Parihu kamu sa manga langu masabudan sa dugihan pag halaman. Rurisun gid kamu parihu sa magtutud dayami.

Habakuk 2:5

Sa kay tutuu, balaw masarigan ti kayamanan. Ag ti manga tawu magpadayaw-dayaw maramuun sa kayamanan pirmi magkaarimputu ag unman may kahusayan. Parihu sida sa kamatayan unman may kabusugan. Imaw ngani inda nakan pagbihagun nida ti mayamu pag manga nasyun.

Matiyu 7:13

Magkun si Hisus, “Pagsaka kamu sa diit pag sabian. Dahil daka ti sabian ag laun pagka dalan atabug sa kadamhakan. Tunda ti paglakawan mayamu tawu.

Lukas 17:27

Nagkaun ti manga tawu, nag-inum, nagpangasawa sida ag ipinaasawa hanggan sa ati katpung pag sirang pagka sinmaka si Nuwi sa kay sakayan ag binmaha daka napapas sida tanan.

Lukas 21:34

“Dapat pag-aman kamu barang magumun kamu sa kasulungan hanggan sa maglangu ngatay sa subra pag irisipun tungkul sa kanyu kahamtangan sitay sa babaw daga. Barang bigla rumas-ug sa kanyu tunda pag kaudasan ga suduk kamu unman alistu.