Isayas 5:12 - Hanunuu

¹² May manga patunug waya kamu hanggan manga intus sa kanyu manga karan-an. Dapat balaw niyu pag-intindihun ti pagbuwatun Panginuun.

Isayas 5:12 Iomraidhean Croise

Gimpuunan 31:27

Hayga pinaumang nimu aku ag ginminan kawu unman may paalam? Nu magsabi lang kawu, paginanun mana niku kawu may kabayaan sa panab-anan karantahan ag pamakaransing hanggan alpa.

2 Samwil 19:35

Aku duy 80 yi ka timpu, ag balaw yi niku alam nu hintay ti tuhay sa masarap ag sa balaw masarap. Balaw yi niku magkalasahan kang pagkan-un ag pag-inmun. Balaw yi niku mag-asaydan ti manga magkanta. Pabuyat lang aku sa kanmu, Mahal Hari.

Hub 34:27

Pagbuwatun niya inda dahil nag-apas sida sa pagsunud sa kanya, ag unman nida pagsundun kay manga palakaw.

Kanta 28:5

Dahil pag-ipasipala nida kanmu manga pagbuwatun. Nakan padamhakan nimu sida ag pabay-ani sa inda pag kahamtangan.

Isayas 22:13

Bagkus ngap nanhandaan kamu ag nagbarayaan. Nangiyaw kamu manga baka ag karanidu, bag-u nangaran-an ag nanginuman. Magkun kamu, “Pagmasulung kita, mangaun ag manginum, dahil aldaw barang mamatay yi kita.”

Isayas 24:8

udyi madnugan ti manga mararinu pag tunug manga pamakaransing ag alpa, hanggan ti huruyawan manga tawu magbarayaan.

Isayas 29:1

Magkun ti Panginuun, “Kaawaawa ti Hirusalim, ti banwa ulian ni Dabid! Sigi, pagdaus tunda pag banwa kay manga pista kada timpu.

Isayas 5:19

Pagsabihun waya niyu, “Daldaliun mana Banal pag Diyus Israil buwatun ti pagsabihun niya pag parusa hampay makitan yi nimi. Pagtutuu mana kay gayak, hampay maalaman nimi inda.”

Isayas 56:12

Magkun waya sida, “Abala kamu, mam-ul kita irinmun ag manlanguhan! Higit waya aldaw kaysa taynguna.”

Isikil 26:13

Paapasun niku kanyu manga magkarantahan hanggan pagpatunug manga alpa.

Danyil 5:23

Bagkus ngap binwat nimu kanmu sadili abwat man sa Panginuun sa langit. Ipinab-ul nimu ti manga irinman ginan sa Balay Diyus ag ininman niyu inda kaibahan kanmu matinudukun pag manga bisita, manga asawa, ag iba waya asawa panawuhun. Bukud waya siyun, sinamba nimu ti manga diyus buwat sa pilak, gintu, galang, baul, kayu, ag batu — manga unman maghiling pag diyus, unman magdungug, ag unman makaintindi. Dapat unman nimu dinayaw ti Diyus, ti maghiyaput kanmu buhi ag magpapalad sa tanan nimu pagbuwatun.

Lukas 16:19

Sinabi ni Hisus magkun, “May usa ngani ka tawu mayaman, kay rutay parihu sa rutay manga hari kay pagkarinu, masyadu gid marinu. Subra gid sa kanya kay karan-unun sirang-sirang.

1 Kurintu 14:7

Una manga bagay unman may arup-arup, ga manga palawta manga alpa nu unman mag-atuatu kabitay pag maalaman tawu nu hintay ti pagpatunuhan.

Hudas 1:12

Daka gid pag kakay-ahan niyu, pagbul-an yi halaga kamu sa kanda magpaminsan sa kanyu karan-an magtar-arian, dahil aranghadu sida sa magkaun. Unman sida may pag-isipun nu unman kanda lang sadili. Sida ga manga rurum pagdarahun durus dapat unman waydi may ipakaun uran. Sida ga manga puun kayu unman magburak una mana kay udas mamurak, naayit una gamut, ungud namatay yi.

1 Samwil 12:24

Pagmaginalangun yi gid kamu sa Panginuun, ag pagsirbi sa kanya may katapatan sa buu niyu tagipusuun. Isip-isipa gid niyu nu kabitay kay kadaka kay binwat sa kanyu.