Isayas 5:11 - Hanunuu

¹¹ Kaawaawa kamu ti manga surip waya magbangun hampay man-umpisa man-inuman ag manlanguhan tugka sa yabi.

Isayas 5:11 Iomraidhean Croise

2 Samwil 19:35

Aku duy 80 yi ka timpu, ag balaw yi niku alam nu hintay ti tuhay sa masarap ag sa balaw masarap. Balaw yi niku magkalasahan kang pagkan-un ag pag-inmun. Balaw yi niku mag-asaydan ti manga magkanta. Pabuyat lang aku sa kanmu, Mahal Hari.

Kabagawan 20:1

Ti mag-inum makalangu makapasamuk sa tawu ag kurang sa intindi.

Kabagawan 23:32

Dahil nu malangu yi kawu, tumuhay kanmu pakiramdam, ga sa kinagat kawu may dalit pag ulay.

Isayas 22:13

Bagkus ngap nanhandaan kamu ag nagbarayaan. Nangiyaw kamu manga baka ag karanidu, bag-u nangaran-an ag nanginuman. Magkun kamu, “Pagmasulung kita, mangaun ag manginum, dahil aldaw barang mamatay yi kita.”

Isayas 24:9

Madura ti manga magkarantahan sa kanda mag-irinuman, ti irinmun bumaliw mapait.

Isayas 28:1

Kaawaawa ti Samarya, parihu sa sangbaw busang kayu kadayawan manga manuglangu pag takinan manga taga Israil. Ti banwa Samarya sa maabunda pag karatagan, dapat kay karinuan madura parihu sa busang magkarubay.

Isayas 28:3

Tinatatataan niya ti Samarya, imaw ti sangbaw busang kayu kadayawan manga manuglangu pag takinan taga Israil.

Isayas 5:22

Kaawaawa kamu, kamu pag manga mabisug mag-inum intus ag anad sa magsimbug.

Isayas 56:12

Magkun waya sida, “Abala kamu, mam-ul kita irinmun ag manlanguhan! Higit waya aldaw kaysa taynguna.”

Habakuk 2:15

“ ‘Kaawaawa kamu! Sa kanyu pangagalit pagpakay-ahun niyu kanyu manga kaarani pag nasyun. Ga paglanguhun niyu sida hampay makitan niyu sida uba-uba.

Habakuk 2:5

Sa kay tutuu, balaw masarigan ti kayamanan. Ag ti manga tawu magpadayaw-dayaw maramuun sa kayamanan pirmi magkaarimputu ag unman may kahusayan. Parihu sida sa kamatayan unman may kabusugan. Imaw ngani inda nakan pagbihagun nida ti mayamu pag manga nasyun.

Lukas 21:34

“Dapat pag-aman kamu barang magumun kamu sa kasulungan hanggan sa maglangu ngatay sa subra pag irisipun tungkul sa kanyu kahamtangan sitay sa babaw daga. Barang bigla rumas-ug sa kanyu tunda pag kaudasan ga suduk kamu unman alistu.

Ruma 13:13

Pag-ugali sa mayad dahil sa karayawan yi kita, danga pag-abalaha ti udas sa maglangu, sa magulu pag kasulungan, danga pagpasibut-i ti sadili daut kagustuhan pagkatawu, una sa kahalayan, una sa irisgan, una sa hirirakan.

1 Kurintu 6:10

ti manga magtakaw, ti manga maramuun, ti manga manuglangu, ti manga magmuransa hanggan ti manga manuglupig dayu gid sida masakup sa kay paghari Diyus.

Galasya 5:21

ti maghirirakan, ti maglangu, ti magkadara sa kasayahan, hanggan ti iba waya buwat parihu sa kainda pag buwat. Pagsabihan niku kamu parihu diman sa kaybi, balaw gid makapasakup sa kay paghari Diyus ti tawu nu buwatun niya ti katunda pag manga bagay.

1 Samwil 25:36

Pagka rinmas-ug si Abigil sa kay balay, magkasayahan sida ni Nabal ga pista yi sa kaharian. Masyadu gid masulung si Nabal ag langu yi gid siya, nakan unman yi niya itinultul tugka sa surip sa kan Nabal kay pagpasampak sa kan Dabid.