Isayas 5:10 - Hanunuu

¹⁰ Ti duwa ka iktarya ubasan tumubas lang unum ka galun intus. Ag ti sampulu ka takal binhi tumubas lang usa ka takal.”

Isayas 5:10 Iomraidhean Croise

Pag-ighit 37:22

Ti manga pamarinu hanggan ti manga sanga kinamhan kaibahan sa pagbuwat kay bilug palaulian sulu.

Isayas 32:13

Ti daga niku manga nasakupan tubuan manga ilamnun ag dugihan pag halaman. Magkaradura ti masulung pag ulian hanggan banwa.

Isayas 7:23

Sa ati diman pag udas, ti ubasan may 1,000 puun, kay halaga 1,000 pulud pilak bumaliw marikut ag mapnu tanum madugi.

Hirimyas 48:33

Unman yi may masaydan kasulungan ag kabayaan sa manga tanman hanggan ag sa manga ubasan sa daga Muab. Unman yi magbulus ti pin-gis ubas sa manga pirigsan. Udyi may manga manugpigis ubas maghuyaw sa baya. May manga maghuyaw ngani, dapat ay bukun yi huyaw sa baya.

Huwil 1:17

Nadaut ti manga binhi sa tigangan pag daga. Dahil nalayung ti manga butir, unman may sukad ti balay haramnuan, nakan nadaut lang tanan.

Libitiku 26:26

Kurangun kanyu karan-unun, nakan usa lang wadi ka dapugan ti gamitun sampulu ka babayi sa pagtama tinapay, bag-u tunga-tungaun wadi nida inda sa kanyu. Tutuu may pagkan-un di kamu dapat udyi kamu magkabsug.

Libitiku 27:16

Nu ihinandug tawu sa Panginuun ti kabaliw niya daga kay minana sa kay ginurang, pakan-an inda manughandug halaga angay sa kayamuun binhi kang-ud mipamgas sa tunda pag daga: sa kada saku binhi, ti halaga daga 20 ka bilug pilak.

Hagay 1:6

Mayamu kanyu ipinamgas, dapat pira-pira kay tubas. May karan-unun kamu, dapat kurang. May irinmun kamu, dapat unman kang-ud. May rutay kamu, dapat pagramigun di kamu. May pagtanggapun kamu upa, dapat madali magkatabu.

Hagay 2:16

Dahil kaybi, nu mag-atag kamu sa kanyu tumpuk manga tirigu magsarig kamu makatipun 20 ka takal, dapat kanyu magkab-ul 10 wadi. Nu mag-atag kamu sa kanyu pirigsan ubas magsarig kamu makapigis 50 ka galun, dapat kanyu magkab-ul 20 wadi ka galun.

Diyuturunumiyu 28:38

“Mayamu kanyu itanum dapat pira-pira lang kanyu anihun, dahil kan-un inda manga apan.

Diyuturunumiyu 28:39

Mananum kamu ubas bag-u kanyu alagaan inda, dapat unman kamu makaputi kay burak inda ngatay makainum kay intus, dahil kan-un inda manga basul.