Isayas 49:8 - Hanunuu

⁸ Inda ti pagsabihun Panginuun, “Sa kang-ud pag kaudasan iribri niku kawu, dungugun ag awatan. Alagaan niku kawu, sa panab-anan nimu, bumuwat aku kasunduan sa manga tawu. Utru nimu ipatindug ti daga Israil nawayak, bag-u ipakaun nimu inda sa kang manga nasakupan.

Isayas 49:8 Iomraidhean Croise

2 Samwil 7:13

Siya ti pumatindug Balay Diyus para sa kang kadayawan, ag pihuun niku kay linahi ti humari hanggan aban.

Kanta 2:8

Hagada nimu sa kangku ti manga nasyun tugka sa pinakaarayu pag bahagi kalibutan, ag tupadun niku inda ipakaun sa kanmu.

Kanta 69:13

Dapat magdarangin aku sa kanmu, Panginuun. Sa udas kaawaan nimu aku, saguta kang darangin angay sa kanmu daka pag pagmahal sa kangku. Dahil tapat kawu sa pagribri,

Kanta 75:3

Nu matandug ti kalibutan ag takigan sa dala ti manga mag-uli siyun, aku ti manparig-un sa kay patakinan kalibutan.

Isayas 26:3

Panginuun, pakan-i nimu lubus pag kahusayan ti tawu kawu pirmi ti pag-isipun dahil magsarig siya sa kanmu.

Isayas 27:3

Aku ti Panginuun ti mag-alaga sa ubasan. Pagbunyagan niku inda ag pagbantayan sirang yabi hampay balaw madaut.

Isayas 41:10

Danga kawu magkaarimputu dahil aku kanmu Diyus. Pabisugun niku kawu ag awatan. Alagaan niku kawu sa panab-anan niku kamaskihan imaw ti rumibri sa kanmu.

Isayas 42:1

Magkun ti Panginuun, “Inda kang pag pabisugun pag manugsirbi. Pinili niku siya ag magbaya aku sa kanya. Asan sa kanya kang Ispiritu, ilantag niya ti katadlungan sa manga nasyun.

Isayas 42:6

Magkun siya sa kay manugsirbi, “Aku ti Panginuun magtawag sa kanmu hampay ipakakit kang katadlungan. Awatan ag alagaan niku kawu, sa panab-anan nimu mamuwat aku kasunduan sa manga tawu. Buwatun niku kawu parihu sa sulu magpakaun rayaw sa manga nasyun,

Isayas 44:26

Dapat pagtupadun niku ti hula niku manugsirbi hanggan manga manugbarita. Pagsabihun niku ti Hirusalim ulianan uman, hanggan ti iba waya pag banwa Huda nagkaradaut utru maan ipatindug.

Isayas 49:19

Nidamhak kawu ag nagbaliw mapanglaw, dapat taynguna ulianan yi kawu nimu nasakupan. Unman yi sida harus mag-itabu sa kanmu. Ti manga nagwayak sa kanmu pumakarayu yi.

Isayas 51:16

Itinudlu niku sa kanyu kang bagaw, ag pagbaliwahan niku kamu sa panab-anan niku kamaskihan. Aku ti nagpauli langit hanggan paratukawan kalibutan, ag aku ti magkumun sa Israil, ‘Kawu kang nasakupan.’ ”

Isayas 51:3

“Kaawaan niku ti Hirusalim nawayak. Ti manga tigangan buwatun niku ga halamanan Idin. Humari sa Hirusalim ti kabayaan, ti pagpasalamat hanggan ti karantahan.

Isayas 54:3

Dahil dumaka kanyu katugkaan, sakupun nimu manga nasakupan ti iba manga nasyun, ag kanda ulianan ati ti manga banwa tinayakan.

Isayas 55:6

Pagpakarani yi kamu sa Panginuun ag pagtawag sa kanya habang asan di waya siya hampay awatan kamu.

Isayas 57:13

Dayu gid ungud makaawat sa kanyu ti manga diyus-diyusan niyu nu manhagad kamu awat sa kanda. Sida tanan pulidun durus; mipayag sida sa usa lang ka huyup. Dapat ti manga magsarig sa kangku mangulian sa daga ag mansamba sa kang banal pag bantud.

Isayas 58:12

Ipatindug maan niyu manga sinulput ti manga banwa dugay yi nawayak ag hiwatun nida kay manga patakinan. Makilala kamu ti manughiwat kanda manga daut pag alad batu hanggan manga balay.

Isayas 58:5

Sa kanyu balaw maghandum karan-unun, pagsaktan niyu kanyu sadili. Mayungduan kamu bilang labung kugun. Magsulung kamu rutay saku ag magpaigya sa dapug. Tida aw ti pag-ingarnan niyu balaw maghandum karan-unun? Kanyu isip makapasulung tunda sa kangku?

Isayas 61:2

Sinugu diman niya aku hampay ibarita kuntay taynguna yi pag panahun pag-iribri Panginuun kay manga nasakupan ag parusahan kanda manga kalaban. Sinugu diman niya aku hampay libangun ti manga maruku sa Siun, sa halip mamauli sida dapug, kurunahan ngap ngatay paulian lana kanda ulu tanda nida kabayaan. Bumaliw sida ga puun kayu matibay itinanum Panginuun. Kilalan-un sida matadlung pag tawu para sa ikadayaw Panginuun.

Isayas 61:4

Ipatindug uman kanda manga banwa dugay yi nagba.

Isayas 65:9

May sawadan di aku buhi sa manga linahi ni Hakub hanggan sa lahi ni Huda bag-u sida ti mumana kang rugar may mayamu pag kabantudan. Sida kang manga pinili ag manga manugsirbi ti mangulian sa inda pag daga.

Matiyu 26:28

Dahil inda kang dugu itinalaghut Diyus sa taratu. Ibuhus kang dugu sa ikapatawad manga kasalanan mayamu tawu.

2 Kurintu 6:2

Dahil kay pagsabihun magkun, “Kang dinungug kamu sa insaktu pag udas, ag inawatan niku sa sirang karibrihan. Inawatan niku kamu pagka udas karibrihan.” Pagpatingi kamu, taynguna yi ti udas hampay matanggap niyu ti kaayadan ginan sa Diyus. Malu taynguna yi ngani ti udas karibrihan.

Ipisu 1:6

Dayawun nita siya dahil sa makadululaw pag kaayadan kay ipinapalad niya sa kanta sa panab-anan niya pagmahalun pag Anak.

Hibriyu 12:24

Ag kamu nagpakarani sa kan Hisus. Sa kanya pag itinalaghut ti bag-u taratu. Kay dugu ni Hisus ti magtudlu sa kanta mayad man pag manga katutuuhanan, balaw lang ga kay dugu ni Abil.

Hibriyu 5:7

Pagka sa babaw waya daga si Hisus, nandarangin siya, ainalsa kay busis, nanlumi nagdangup sa Diyus sa may kamaskihan makaribri sa kanya sa kamatayan. Ag nadnugan diman kay darangin dahil sa kay nagpakumbaba nagpasakup sa Diyus.

Hibriyu 8:6

Lalu gid mahalaga kay natanggap ni Hisus pag katungkulan sa manughandug balaw lang ga kanda ni Aarun pag katungkulan. Dahil ti taratu kay pagpamahalaan ni Hisus lalu diman waydi mahalaga, inda pag taratu kay pinagkapuun lalu mayad pag manga itinaratu.