Isayas 49:7 - Hanunuu

⁷ Ti Panginuun, ti Manugribri ag Banal pag Diyus Israil, magkun sa tawu pagpuyaan ag pagkayagtingan manga nasyun hanggan manugsirbi manga takinan, “Makitan manga hari nu si unu gid ungud kawu ag tumindug sida hampay galangun kawu. Ti manga takinan yumuk-ub sa kanmu. Mangyari inda dahil sa kangku, ti Panginuun matinupadun, ti Banal pag Diyus Israil. Aku ti nagpili sa kanmu.”

Isayas 49:7 Iomraidhean Croise

Gimpuunan 27:29

Mana pumasakup ag sumirbi sa kanmu ti mayamu manga tawu. Mana kawu ti humari sa kanmu manga katawuhan ag pumasakup sida sa kanmu. Mana ti magsaad sa kanmu, saadan diman, ag ti magpapalad sa kanmu, papaladan diman.”

Kanta 47:9

Nagtiripun ti manga takinan manga nasyun kaibahan sa nasakupan Diyus ni Abraham. Dahil ti manga takinan sa kalibutan Diyus ti may apu. Pagdayawun gid siya.

Kanta 68:31

Ti manga taga Ihiptu pumasakup sa kanmu. Ti manga taga Itiyupya mandali-dali mangayaw kanda manga pamakaun sa kanmu.

Kanta 69:19

Alam nimu nu kabitay nida aku pinakay-a ag inaway. Nakitan nimu ti tanan niku manga kalaban.

Isayas 14:1

Kaawaan Panginuun ti Israil ag utru niya piliun bilang kay nasakupan. Utru pauliun niya sida sa kanda sadili daga, ag may manga day-uhan kumuyug mangulian kaibahan sa nasyun Israil.

Isayas 19:21

Ipakilala Panginuun kay sadili sa kanda, ag sa ati pag sirang kilalan-un nida ti Panginuun. Sambahun nida siya sa panab-anan tuhay-tuhay pag manga handug. Manaratu sida sa Panginuun, ag tupadun nida tida.

Isayas 19:23

Sa ati pag sirang, magkaimaw daka pag dalan ginan sa Ihiptu atabug sa Asirya. Ti manga taga Ihiptu hanggan ti manga taga Asirya pabalik-balik sa Ihiptu ag sa Asirya, bag-u mirinsan sida mansamba.

Isayas 27:13

Nu tumunug ti budyung mabisug, magbinalik sa Hirusalim ti magkakurian pag manga Israilita nabihag Asirya ag Ihiptu. Sambahun nida ti Panginuun sa banal pag bantud Hirusalim.

Isayas 42:1

Magkun ti Panginuun, “Inda kang pag pabisugun pag manugsirbi. Pinili niku siya ag magbaya aku sa kanya. Asan sa kanya kang Ispiritu, ilantag niya ti katadlungan sa manga nasyun.

Isayas 48:17

“Magkun ti Panginuun kanyu Manugribri, ti Banal pag Diyus Israil: Aku ti Panginuun niyu Diyus ti nagtudlu sa kanyu nu hintay ti mayad para sa kanyu, aku diman ti naggiya sa kanyu tabug sa hustu pag dalan.

Isayas 48:7

Taynguna di waya inda pag buwatun, hampay balaw kamu sumabi alam yi niyu inda.

Isayas 49:1

Pagpatingi kamu sa kangku, kamu ti manga mag-uli sa ararayu pag rugar: Udwaya aku ilinusad, pinili yi aku Panginuun hampay manirbi sa kanya.

Isayas 49:23

Sumirbi sa kanmu ti manga hari hanggan ti manga rayna; sida ti mangalaga sa kanmu manga anak. Manluhud sida sa kanmu bilang paggalang, ag pumasakup gid sida sa kanmu. Bag-u maalaman nimu aku ti Panginuun, ti manga magsarig sa kangku balaw mibuyu.”

Isayas 49:26

Ipakaun niku sa manga mag-api sa kanmu kanda sadili bilug, bumaliw ga langu sida sa sadili nida dugu. Bag-u maalaman tanan tawu aku, ti Panginuun, kanmu Manugribri hanggan Manugpalpas, ti Makamaskihan pag Diyus ni Hakub.”

Isayas 50:6

Isinarangu niku kang dayu sa manga nagbakul sa kangku ag isinarangu diman niku kang uyahun sa manga nag-ayit kang bungut. Pinabay-anan niku sida pakay-ahun aku hanggan bug-anan kang uyahun.

Isayas 52:15

Hanggan ti manga nasyun madulaw sa kanya. Ti manga hari dayu makabagaw dahil sa kanya, dahil makitan nida ti manga bagay udwaya nasabi sa kanda. Ag masalman nida ti manga udwaya nasaydan nida pag bagay.”

Isayas 53:3

Pinuyaan siya ag ipinurya manga tawu. Nakalakaw siya sakit ag kakurian. Pinatlikudan nita siya, pinuyaan, ag balaw pinahalgaan.

Isayas 60:10

Magkun ti Panginuun sa Hirusalim: “Ipatindug manga day-uhan kanmu manga alad batu, ag kanda manga hari mansirbi sa kanmu. Una pagparusahan niku kawu dahil sa galit niku sa kanmu, kaawaan di kawu niku dahil mayad aku.

Isayas 60:16

Alagaan kawu manga nasyun hanggan nida manga hari parihu sa lapsag pag-ipasusu niya ina. Ag maalaman nimu aku ti Panginuun, kanmu Manugribri ag Manugtubus, ti Makamaskihan pag Diyus ni Hakub.

Isayas 60:3

Pumakarani sa kanmu rayaw ti manga nasyun hanggan kanda manga hari.

Isayas 66:23

Sa kada umpisa bulan ag sa kada Sirang Pamahari ti tanan tawu sumamba sa kangku. Aku, ti Panginuun, ti magsabi inda.

Sakaryas 11:8

Pinaighit niku ti tulu ka manug-alaga karanidu sa sulud lang usa ka bulan. Dahil natabwan aku pasunaid sa kanda, ag sida diman magkagalit sa kangku.

Matiyu 20:28

Katunda diman ti Anak Tawu, nagsitay balaw hampay sirbihan nu unman hampay siya magsirbi, ag hampay ipakaun niya kay buhi sa kamatayan agud mayamu ti malukat.”

Matiyu 26:67

Bag-u binug-anan nida siya sa kay uyahun bag-u kanda sinuntuk. Sinampal waya siya manga iba magkun,

Lukas 22:27

Dahil si unu ti lalu mataas ngatay ti matukawan sa puun lamak, aw ngatay ti manugtindug? Unman aw ti matukawan sa puun lamak? Dapat aku sa kanyu karaw-an parihu sa manugtindug.

Lukas 23:18

Dapat sida tanan-tanan namaragritan ngapu magkun, “Matya yi gid tunda. Si Barabas ti palpasi lang nimu!”

Lukas 23:23

Dapat unman nag-apas kanda paragritan, kanda gustu ipaku gid si Hisus sa kurus. Daug si Pilatu sa paragritan kayamuan tawu.

Lukas 23:35

Matindugan magbantay ti manga tawu taga banwa. Paghangal-hangalun siya manga pinunu magkun, “Irinibri niya ti manga iba, ribrihan waydi niya kay sadili bilug, nu ungud siya ti Pinili Diyus Manugribri pag Hari.”

Huwan 18:40

Bag-u irininggit nida magkun, “Danga tunda pag tawu. Si Barabas ti palpasi.” Si Barabas usa ka tulisan.

Huwan 19:15

Nanriringgitan sida magkun, “Bul-a, bul-a, papakuan siya sa kurus.” Pinmaingana si Pilatu sa kanda magkun, “Ipapaku aw niku sa kurus kanyu hari?” Sinmagut maan ti manga pangulu manughandug magkun, “Unman kami may hari nu ud ti Pangulu Hari lang.”

Huwan 19:6

Pagka ti manga pangulu manughandug hanggan ti manga pulis nakakit sa kan Hisus, nagringgit sida magkun, “Ipaku siya sa kurus, ipaku siya sa kurus!” Sinabi ni Pilatu sa kanda magkun, “Bul-a niyu siya, kamu ti bahala magpaku sa kanya dahil aku unman may nakitan kasalanan sa kanya.”

1 Kurintu 1:9

Ti Diyus masarigan, siya diman ti nagpili sa kanyu hampay magpakiusa kamu sa kay Anak, sa kanta Panginuun Hisu-Kiristu.

Diyuturunumiyu 7:9

Alalahana niyu ti Panginuun niyu Diyus imaw lang ti Diyus. Masarigan siya pag Diyus, ag pagtupadun niya kay kasunduan tugka sa manga sinulput manga magmahal sa kanya ag magsunud sa kay manga sugu.

1 Pidru 2:4

Pagpakarani kamu sa kan Kiristu. Siya yi ngani ti ga batu may buhi, dinayu manga tawu, dapat pinili ngap Diyus, kay yi pagpahalagahan.

Ipinakakit 11:15

Pagka inyup ikapitu pag anghil kay budyung, may manga namaragawan daraka ginan sa langit magkun, “Kanta Panginuun hanggan ti Pinili Diyus Manugribri pag Hari nag-aku yi lubus sa paghari sa bilug kalibutan. Humari siya hanggan waya aban.”

Ipinakakit 3:7

“Isurat nimu inda para sa anghil magbantay sa iglisya sa banwa Piladilpiya: “Inda ti magsabi imaw yi ngani ti banal ag masarigan, ti may bitbit susi ni Hari Dabid. Nu siya ti nagbukas unman may makasiradu. Unman waydi may makabukas nu siya ti nagsiradu: