Isayas 49:5 - Hanunuu

⁵ Ti Panginuun ti nagpili sa kangku hampay manugsirbi niya, hampay pabalikun sa kanya ag tipunun ti manga Israilita. Kinilala aku Panginuun niku Diyus ag pinakan-an kabisugan.

Isayas 49:5 Iomraidhean Croise

Nihimyas 8:10

Magkun waya gid si Nihimyas, “Pagdaus kamu, ag pagkaun masasarap pag manga karan-unun ag pag-inum masasarap pag manga irinmun. Pakan-i niyu ti manga unman may karan-unun, dahil inda pag sirang banal sa Panginuun. Ag danga kamu magkaarimputu, dahil ti kabayaan pag-ipakaun Panginuun makaparig-un sa kanyu.”

Isayas 11:12

Ipaabwat Panginuun ti usa ka bandira hampay ipakakit sa manga nasyun pagtipunun yi niya ti nasakupan Israil hanggan Huda ginan sa tuhay-tuhay pag rugar sa buu kalibutan.

Isayas 12:2

Kawu pag Diyus kang Manugribri. Manarig aku sa kanmu ag balaw yi madala. Kawu, Panginuun, ti magpakaun kabisugan sa kangku, kawu kang karantahun. Kawu ngani ti nagribri sa kangku.”

Isayas 25:1

Panginuun, kawu kang Diyus! Dayawun niku kawu ag kilalahun dahil makadululaw kanmu manga binwat. Tinupad nimu kanmu manga gayak ginan waya kaybi pag panahun.

Isayas 27:12

Sa ati pag sirang, panipunun tig-usa-usa Panginuun ti manga Israilita ginan sa Sapa Iyupratis tugka sa bululusan danum Ihiptu ga magtipun manga butir sa girik-an.

Isayas 43:4

Ipakaun niku ti iba ka manga tawu bilang ka ilis nimu, dahil kawu garalangun ag mahalaga sa kang magbantay, dahil pagmahalun niku kawu.

Isayas 44:2

Aku, ti Panginuun, ti naglalang hanggan ti mag-awat sa kanmu. Danga kawu magkadala, Hakub, kawu kang manugsirbi, Israil, hanggan kang pinili.

Isayas 49:1

Pagpatingi kamu sa kangku, kamu ti manga mag-uli sa ararayu pag rugar: Udwaya aku ilinusad, pinili yi aku Panginuun hampay manirbi sa kanya.

Isayas 50:4

Tinudluan aku Panginuun Diyus nu hintay ti sabihun niku hampay maparig-un ti manga maglumuy. Pagpulawun niya aku kada surip hampay patingihan ti manga pag-itudlu niya sa kangku.

Isayas 52:13

Magkun ti Panginuun, “Kang manugsirbi manalu. Bumaliw bantug siya ag paggalangun.

Isayas 56:8

Magkun waya ti Panginuun Diyus ti nagtipun sa manga Israilita nabihag, “Tipunun waya niku ti iba, purya sa manga natipun yi.”

Hirimyas 1:5

“Hirimyas, bag-u kawu hinistuda sa tiyan nimu ina, pinili yi niku kawu. Bag-u kawu ilinusad, pinili yi niku kawu hampay mamurupita sa manga nasyun.”

Matiyu 11:27

Pagkatapus, magkun si Hisus sa manga tawu, “Ti tanan bagay ipinabahala niku Ama sa kangku. Unman may nakakilala sa Anak nu unman ti Ama. Ag unman may nakakilala sa Ama nu unman ti Anak ag ti manga tawu gustu Anak makakilala sa Ama.

Matiyu 15:24

Magkun si Hisus, “Sinugu aku para lang sa manga karanidu nalyam sa nasyun Israil.”

Matiyu 17:5

Sa kay di waya magbagaw hinamuyan sida masinay pag rurum. May nagbagaw ati ginan sa rurum magkun, “Inda kang pagmahalun pag Anak, siya lubus kang pagbayaun. Patingihi gid niyu siya.”

Matiyu 23:37

Sinabi ni Hisus, “Hirusalim, Hirusalim, pagpanmatyun nimu ti manga purupita, pagbatuhun nimu ti manga sinugu Diyus tabug sa kanmu. Kapira yi ginan kang hinanap ti manga mag-uli sa kanmu sulud, hampay kang likumun, parihu ga inaan manuk mag-ukub sa kay manga butu, dapat dayu di ngap kamu.

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

Matiyu 3:17

Bag-u may nagbagaw ginan sa langit magkun, “Inda kang pagmayadun gid pag anak, siya lubus kang pagbayaun.”

Lukas 19:42

magkun, “Nu nasalman lang nimu taynguna nu hintay kanmu kailangan hampay may kahusayan. Dapat taynguna unman ngap nakilala nimu.

Huwan 3:35

Ti Anak pagmahalun niya Ama nakan ipinasakup Ama ti tanan-tanan pag manga bagay sa kapangyarihan niya Anak.

Binwat 10:36

Inda yi ngani ti barita kay ipinaalam Diyus kaybi sa nasyun Israil, ti Mayad pag Barita tungkul sa kahusayan sa panab-anan ni Hisu-Kiristu, tig hari sa tanan.

Ruma 15:8

Pagkumnun niku sa kanyu, si Kiristu ti nagsirbi sa manga Hudiyu hampay kay ipakilala niya ti Diyus masarigan, magtupad sa kay manga itinaratu sa kanda ginurang,

Galasya 1:15

Dapat dahil sa kay pangaawa Diyus nakan daan yi pinili niya aku bag-u iinanak. Kay tinawag niya aku hampay kay yi suruguun.

1 Pidru 3:22

Nag-atag siya sa langit, baliwa sa sikun Diyus. Siyun yi ngap siya pag maghari sa manga anghil, imaw ti manga may kangaranan hanggan kamaskihan sa langit.