Isayas 49:4 - Hanunuu

⁴ Dapat magkun aku, “Kang kakurian unman may pulus; inuyang niku kang kabisugan sa ud may pulus.” Dapat iinintirga niku inda sa Panginuun niku Diyus. Siya ti mamakaun pirimyu sa kang manga binwat.

Isayas 49:4 Iomraidhean Croise

1 Hari 19:10

Sinmagut si Ilyas, “Panginuun, Diyus Makamaskihan, matinupadun duy aku magsirbi sa kanmu. Dapat dinayu manga Israilita ti kasunduan nida sa kanmu, winayak nida kanmu manga harandugan ag pinanmatay kanmu manga purupita. Aku wadi duy ti nasawad, ag paghingabtun diman nida aku matyun.”

Kabagawan 29:26

Mayamu ti maghagad kahilingan sa usa ka takinan, dapat ti Panginuun lang gid ti makapakaun katadlungan.

Isayas 25:1

Panginuun, kawu kang Diyus! Dayawun niku kawu ag kilalahun dahil makadululaw kanmu manga binwat. Tinupad nimu kanmu manga gayak ginan waya kaybi pag panahun.

Isayas 35:4

Sabihun niyu sa manga magkadala, “Danga kamu magkadala. Pabisuga niyu kanyu nalub-anan. Rumas-ug kanyu Diyus hampay manmalus sa kanyu manga kalaban, ag iribri niya kamu.”

Isayas 40:10

Magras-ug ti Panginuun Diyus makamaskihan ag humari siya may kamaskihan. Magras-ug siya dara ti pirimyu, ti irinibri niya pag nasakupan.

Isayas 40:27

Kamu pag nasakupan Israil, linahi ni Hakub, hayga kamu magriklamu kanyu manga gayak ag karampatan binul-an halaga Diyus?

Isayas 57:21

Ti daut pag tawu ud may kahusayan kay buhi.” Tunda ti binagaw niku Diyus.

Isayas 59:18

Balusan niya kay manga kalaban angay sa kanda binwat, hanggan yi ti manga ati sa ararayu pag daga. Malakawan gid nida kay pangaisug.

Isayas 61:10

Magbaya aku sa kang Panginuun Diyus, dahil aku ga kay pinasulungan karibrihan hanggan kapanaluhan. Parihu aku sa lalaki ikasal may sulung rutay marinu panmanughandug, ngatay parihu sa babayi ikasal may pamarinu.

Isayas 62:11

Pagpatingi kamu! Nagpadara tultulanun ti Panginuun sa buu kalibutan, magkumun, “Sabiha niyu sa tanan taga Israil kanda Manugribri rinmas-ug yi may dara pirimyu, ti irinibri sa pagkabihag!

Isayas 65:2

“Magpakaalagad aku sa kang manga nasakupan maganit kay ulu ag unman magsunud sa mayad pag-ugali. Kanda pagsundun kanda lang sadili naisipan.

Isayas 65:23

Balaw sida manarabahu sa ud may makinabang hanggan kanda manga anak balaw may malakawan kamalasan. Dahil sida manga tawu pagpapaladan Panginuun. Hanggan kanda manga anak kaibahan nida papaladan diman.

Isikil 3:19

Dapat nu pinaandaman nimu siya ag unman siya magsisi sa kay daut pag buruwatun, mamatay siya dahil sa kay kasalanan, dapat unman kawu may saragtun sa kangku ag ribri kanmu buhi.

Libitiku 26:20

Bumaliw unman may pulus kanyu magpangabudlay, dahil kanyu manga daga udyi magtubas hanggan kanyu manga puun kayu balaw magburak.

Matiyu 17:17

Sinabi ni Hisus magkun, “Kamu supakil pag manga tawu, manga unman may pagsarig. Kabitay kadugay kailangan aku kanyu kaibahan? Kabitay waya lugud kadugay kamu kang pagtiisan? Daraha niyu ti anak sitay tag.”

Matiyu 23:37

Sinabi ni Hisus, “Hirusalim, Hirusalim, pagpanmatyun nimu ti manga purupita, pagbatuhun nimu ti manga sinugu Diyus tabug sa kanmu. Kapira yi ginan kang hinanap ti manga mag-uli sa kanmu sulud, hampay kang likumun, parihu ga inaan manuk mag-ukub sa kay manga butu, dapat dayu di ngap kamu.

Lukas 24:26

Unman aw lugud kailangan ngani ti Pinili Diyus Manugribri pag Hari makalakaw inda pag kakurian bag-u makarubtan niya ti kadayawan?”

Huwan 1:11

Nagsitay siya sa kay sadili daga, dapat kay manga kasimanwa unman nagtanggap sa kanya.

Ruma 10:21

Dapat sinabi niya tungkul sa Israil magkun, “Ginan surip hanggan malambung aku magpakapatigagad sa usa ka nasyun tawu maganit kay ulu ag maglaban sa kangku.”

2 Kurintu 12:15

Makabaya gid aku nu migastus niku ti tanan niku kasiyunan, una ipakaun waya niku kang buhi sa kamatayan hampay sa ikaayad niyu. Diit lang aw lugud kanyu balus pagmahal sa kang daka pagmahal sa kanyu?

2 Kurintu 2:15

Kita ga katunda kamangyan mabanglu pag-ipatuub ni Kiristu para sa Diyus. Magkahungawan kay banglu manga pag-iribri hanggan manga midamhak.

Galasya 4:11

Magkaaburidu yi gid aku sa kanyu barang unman may kabuluhan kang nagbudlay dahil sa kanyu.

Pilipus 2:16

Ag itultul niyu ti Mayad pag Barita hampay nu paniwalaan tawu siya may tutuu pag buhi. Nu katida kanyu buwat, kamu kang dayawun sa kaudasan pagbalik ni Kiristu ag pihu kang tarabahu balaw unman may kaganahan hanggan kang budlay balaw nauyang.

Hibriyu 12:2

Bantayan nita kanta manuggiya si Hisus. Siya diman ti turunu nita sarig. Dahil kabayaan kay patabgan, nakan inagwanta yi lang niya madi ipinurya siya sa kay pagkamatay sa kurus. Bag-u tinmukaw siya ati sa langit baliwa sa sikun Diyus, minsan sa karampatan Diyus.