Isayas 49:21 - Hanunuu

²¹ Sumabi kawu sa kanmu sadili, ‘Si unu ti naglusad sa kanda para sa kangku? Nagkaramatay ti kayamuan niku manga nasakupan, nakan ngani nanhimanglaw aku. Ti iba sa kanda dinara bihag tag sa iba nasyun, usa-usa wadi aku. Nakan naan ginan tunda sida? Si unu ti nag-alaga sa kanda?’ ”

Isayas 49:21 Iomraidhean Croise

Isayas 1:8

Unman may nasawad nu ud ti Hirusalim. Ga parasirngan inda sa ubasan ngatay payag sa karaw-an tanuman kunduy, ag parihu sa banwa pinalibutan kalaban.

Isayas 27:10

Nawayak yi ti inaladan batu pag banwa. Ga pangawakawaan yi inda. Nagbaliw pasturan wadi inda ag paraharyan manga baka. Tinabu hinarab manga baka ti manga labung sa manga sanga.

Isayas 29:23

Dahil nu nakitan nida ti manga binwat niku, galangun nida aku, ti Banal pag Diyus ni Hakub. Ag magkaimaw sida dala sa kangku, sa Diyus Israil.

Isayas 3:26

May manga maglulumian ag maghimanglaw sa manga puwirtahan banwa. Ag ti banwa miparihu sa babayi malubnangan sa daga, naduraan manga kasiyunan.

Isayas 5:13

Nakan kamu pag manga nasakupan niku bihagun dahil unman niyu magkasalman kang pagbuwatun. Kamu hanggan kanyu manga takinan magkaramatay sa lun-us ag uwaw.

Isayas 52:2

Danga yi kawu maruku parihu sa manga tawu magpanrukuan matukawan sa daga. Pagbangun yi kawu ag utru pagdumara. Ag kamu pag manga nasakupan Hirusalim, palpasi yi niyu kanyu sadili ginan sa pagkabihag.

Isayas 60:15

Una pagdayuun kawu ag pag-unuunuhun, ag unman may magpahalga sa kanmu, buwatun niku kawu may kadayawan hanggan aban ag ikabaya inda tanan sinulput.

Isayas 60:8

Magbiyahi ti manga barku ga manga rurum maglayang ag ga manga kalapati atabug sa kanda itlugan. Tunda pag manga barku kay apu ginan sa arayu rugar, magsarig sa Panginuun. Pangunahan sida manga barku Tarsis hampay itibu kanmu manga nasakupan pauli ginan sa arayu pag rugar. Mandara sida manga gintu ag pilak para sa Panginuun niyu Diyus, ti Banal pag Diyus Israil, dahil kawu kay pagkilalahun.”

Isayas 62:4

Balaw yi kawu ingarnan, “Binugyahan” ngatay “Pinabay-anan”. Ingarnan kawu, “Kabayaan Diyus” ngatay “Ipinaasawa sa Diyus”, dahil magbaya ti Diyus sa kanmu ag bilang kawu ga ipaasawa sa kanya.

Isayas 64:10

Ti manga banal pag banwa nimu hanggan ti Hirusalim nagbaliw ga pangawakawaan unman may mag-ulian.

Lukas 21:24

Matyun sida manga sundalu may armas baladaw, kay iba bihagun darahun tag sa una naan pag nasyun. Tatatataan manga balaw Hudiyu ti Hirusalim hanggan sa udwaya lumawuy ti kaudasan kapangyarihan manga balaw Hudiyu.”

Ruma 11:24

Nakan ngani kamu duy pag manga balaw Hudiyu ga sanga lang ulibu lupaw nisugdung sa puun tanum ulibu madi balaw angay pag buwat paraan ga baliskad. Ti manga Hudiyu mas lalu misugdung maan Diyus ti sanga alaga pag puun ulibu sa kay di gid maan puun.

Galasya 3:29

Nu kamu sa kan Kiristu, kabilang diman kamu sa kay linahi ni Abraham, manga magmana sa kay itinaratu Diyus.