Isayas 49:2 - Hanunuu

² Binuwat niya ga baladaw kay katarum ti manga bagaw niku. Pag-alagaan niya aku sa panab-anan niya kamaskihan. Binuwat niya aku ga magkislap pag ugyung alistu yi gamitun.

Isayas 49:2 Iomraidhean Croise

Kanta 91:1

Una si unu ti magpangulian sa arani Kaabwat-abwatan pag Diyus Makapangyarihan alagaan siya.

Pag-ighit 33:22

Ag habang maglawuy kang kadayawan, ipaslud niku kawu sa buslut batu bag-u patakipan kawu niku kamang tugka sa makalawuy aku.

Isayas 11:4

Pakan-an niya katadlungan ti manga pugri ag apinan niya kanda karampatan. Sa hampak niya arup, parusahan niya ti manga tawu sa kalibutan ag magkaramatay ti manga daut pag tawu.

Isayas 42:1

Magkun ti Panginuun, “Inda kang pag pabisugun pag manugsirbi. Pinili niku siya ag magbaya aku sa kanya. Asan sa kanya kang Ispiritu, ilantag niya ti katadlungan sa manga nasyun.

Isayas 50:10

Si unu sa kanyu ti may dala sa Panginuun ag magsunud sa pag-itudlu niya manugsirbi? Kailangan pagpaniwala siya sa Panginuun Diyus una sa dalan madulum unman may rayaw.

Isayas 50:4

Tinudluan aku Panginuun Diyus nu hintay ti sabihun niku hampay maparig-un ti manga maglumuy. Pagpulawun niya aku kada surip hampay patingihan ti manga pag-itudlu niya sa kangku.

Isayas 51:16

Itinudlu niku sa kanyu kang bagaw, ag pagbaliwahan niku kamu sa panab-anan niku kamaskihan. Aku ti nagpauli langit hanggan paratukawan kalibutan, ag aku ti magkumun sa Israil, ‘Kawu kang nasakupan.’ ”

Hirimyas 1:18

Pagpatingi kawu! Parig-unun niku kawu taynguna parihu sa inaladan batu pag banwa ngatay baul pag tulduk ngatay alad galang. Unman tumalu sa kanmu ti manga hari, ti manga may kangaranan, ti manga manughandug, ngatay ti manga nasakupan Huda.

Husyas 6:5

Nakan ngani pinasandaman niku kamu sa panab-anan niku manga purupita kuntay midamhak kamu ag magkaramatay. Ipaburayhaw niku kang pagsintinsiya sa kanyu parihu sa rayaw kilat.

Habakuk 3:11

Pinmat-ung ti init ag ti bulan sa kanda nahamtangan sa singlaw nimu hagabur manga pamana hanggan sa singlaw nimu kirab bangkaw.

Lukas 23:46

Nagtawag laun si Hisus magkun, “Amang iintirga yi niku kang buhi sa kanmu kamang.” Pagka sinabi niya katida, naugtasan siya arup.

Ipisu 6:17

Ikalu niyu ti karibrihan. Pagsa kanyu kamang ti baladaw pakaun Ispiritu, kay ibug sabihun tunda kay ngani Bagaw Diyus.

Hibriyu 4:12

Dahil buhi gid ngani ti Bagaw Diyus ag mamaski, matarum man sa una hintay pag baladaw baliw-baliw may urup. Ti Bagaw Diyus magtuduk magpisang sa karadwa ag sa tagipusuun tawu, hanggan sa kal-asan ag sa utuk. Pag-ipakilala waydi Bagaw Diyus ti daut ti mayad sa kagustuhan hanggan pag-iisip tawu sa kay tagipusuun.

Ipinakakit 1:16

Sa kay sikun may bitbit siya pitu ka pamgasan. Magluwang sa kay bibig ti usa ka baladaw matarum baliw-baliw may urup. Masilaw kay uyahun ga singgit init sa karaw-an sirang kay kasilaw.

Ipinakakit 19:15

Nagluwang ginan sa kay bibig ti baladaw matarum, imaw ti pandaug niya sa manga nasyun tawu. Humari siya sa kanda may bitbit pamakul baul. Siya ngap ti tumata sa manga ubas sa basad pirigsan, imaw ngani ti mahigpit pag galit Diyus Makamaskihan sa tanan.

Ipinakakit 2:12

“Isurat nimu inda para sa anghil magbantay sa iglisya sa banwa Pirgamu: “Inda ti magsabi imaw yi ngani ti may bitbit matarum pag baladaw duwa kay urup:

Ipinakakit 2:16

Nakan ngani ampui nimu kanmu manga kasalanan. Nu unman iampu nimu kanmu manga kasalanan asan tag yi aku sa kanmu balaw yi dugay bag-u lipulun niku tunda pag manga tawu, tigbasun niku baladaw magluwang ginan sa kang bibig.