Isayas 49:16 - Hanunuu

¹⁶ “Hirusalim, balaw gid kawu malimtan. Isinurat niku kanmu ngaran sa kang manga dalukap. Pirmi niku pag-isipun maipatindug maan kanmu manga alad batu.

Isayas 49:16 Iomraidhean Croise

Pag-ighit 13:9

Inda pag pista ga usa ka marka sa kanyu manga kamang ngatay sa kanyu manga bangas, imaw ti pumaalaala sa kanyu kailangan sabihun niyu sa iba ti sugu Panginuun dahil ipinalwas niya kamu ginan sa Ihiptu sa panab-anan niya kamaskihan.

Kanta ni Sulumun 8:6

Danga yi kawu magmahal iba nu unman sa kangku lang. Danga yi kawu maghagkung sa iba nu unman sa kangku lang. Dahil ti pagmahal parihu kay kapangyarihan sa kamatayan; ti mainit pag tagipusuun balaw maampara parihu sa pagras-ug kamatayan. Ti pagmahal parihu sa maglabdaban apuy.

Isayas 26:1

Sa ati katpung pag sirang inda pag kanta kantahun sa Huda: Marig-un yi kanta banwa! Ti manugribri pag Diyus ga alad batu masangputan sa kanta.

Isayas 54:12

Gamitun diman niku ti manga batu rubi sa kanmu manga bantayaw, ag gamitun diman niku ti manga mararinu pag manga batu sa pagbuwat manga sabian nimu hanggan manga alad batu.

Isayas 60:18

Unman yi may mabaritaan kahigpitan sa kanmu daga. Unman diman may rumas-ug kadamhakan sa kanmu. Palibutan kawu karibrihan ga alad batu, ag dumayaw sa kangku ti manga magsulud sa kanmu sabian.

Isayas 62:6

Hirusalim, nagpauli aku manga taga bantay sa kanmu manga alad batu. Unman sida umapas sirang yabi sa pagpakaun pasandam sa manga nasakupan nimu. Kamu pag manga magdarangin sa Panginuun, danga kamu mag-apas sa kanyu magdarangin.

Isayas 62:7

Danga niyu siya pag-apasi tugka sa maipatindug uman niya ti Hirusalim ag buwatun rugar kadayaw-dayaw sa buu kalibutan.

Hirimyas 17:1

Magkun ti Panginuun, “Manga taga Huda, nakaukit sa maganit niyu tagipusuun kanyu manga kasalanan ga manga bagaw nakaukit sa batu ngatay sa sungay ati sa suuk manga harandugan niyu.

Hirimyas 22:24

“Aku, ti buhi pag Panginuun magsumpa kuntay dayuun niku kawu, Hari Hihuyakin sa Huda, kay anak ni Hihuyakim. Una kawu ga singsing sa kang sikun pag kamang tanda niku kamaskihan, lapsuun gid niku kawu sa kang ituturu.

Hagay 2:23

Sabiha diman nimu sa kan Surubabil sa kang suruguun kuntay sa tunda pag sirang, pamahalaun niku siya sa panab-anan niku kamaskihan dahil siya yi kang pinili. Aku, ti Panginuun Makamaskihan, ti may sabi inda.”