Isayas 49:12 - Hanunuu

¹² Rumas-ug kang manga nasakupan ginan sa arayu — ti iba ginan sa kanaway, ti iba waydi sa isalpan, ag ti iba ginan waya sa Sinim.”

Isayas 49:12 Iomraidhean Croise

Kanta 22:27

Ti buu kalibutan makaalala ag bumalik sa kanmu, Panginuun. Sambahun kawu tanan nasakupan tawu sa manga nasyun.

Kanta 72:17

Mana balaw malimtan ti ngaran hari tugka aban, habang may init waya. Mana sa panab-anan niya, papaladan ti tanan nasyun, ag ti manga nasyun sumabi sa kanya mapalad.

Isayas 11:12

Ipaabwat Panginuun ti usa ka bandira hampay ipakakit sa manga nasyun pagtipunun yi niya ti nasakupan Israil hanggan Huda ginan sa tuhay-tuhay pag rugar sa buu kalibutan.

Isayas 45:22

“Pagpakarani kamu sa kangku hampay maribri, kamu tanan sa buu kalibutan. Dahil aku ti Diyus, purya sa kangku udyi may iba waya.

Isayas 49:1

Pagpatingi kamu sa kangku, kamu ti manga mag-uli sa ararayu pag rugar: Udwaya aku ilinusad, pinili yi aku Panginuun hampay manirbi sa kanya.

Isayas 49:18

Bantayi nimu kanmu sangput; magtiripnan yi kanmu manga nasakupan hampay muli yi sa kanmu. Aku, ti Panginuun buhi, magsumpa ipadayaw nimu sida parihu sa babayi kalaslun magpadayaw kay sulung pamarinu bulawan.

Isayas 55:5

Tawagan niyu ti balaw kaibahan niyu pag manga nasyun, ag mandaldali sida pumakarani sa kanyu, dahil aku, ti Panginuun niyu Diyus, ti Banal pag Diyus Israil, ti nagpakaun kagalangan sa kanyu.”

Isayas 59:19

Galangun siya ag dayawun una naan, dahil rumas-ug siya ga magragasras danum paghuypun mabaskug pag durus.

Isayas 60:4

Bantayi nimu kanmu libut; magtipun yi kanmu manga nasakupan sa arayu hampay muli. Ga manga anak sida pagbabahun.

Hirimyas 30:10

“Nakan danga kamu magkadala, ngatay magpanlubay, kamu manga linahi ni Hakub kang manugsirbi. Aku, ti Panginuun, magsabi bul-un niku kamu asan gin sa arayu pag rugar nu naan kamu pag binihag. Sa kanyu pagbalik, mangabuhi yi kamu mahusay, mahim-ung, bag-u udyi may pagkadalaan.

Mikas 4:2

Kumumun sida, “Atag yi kita sa bantud Panginuun, sa Balay Diyus, ti Diyus ni Hakub. Tudluan niya kita ati kay manga buruwatun hampay sundun nita.” Nakan mangululi ti manga tawu gin sa Siun, ti banwa Hirusalim, dara ti Kasuguan Panginuun.

Sakaryas 6:15

May manga tawu rumas-ug sa Israil ginan sa arayu pag rugar mangawat sa pagpatindug sa Balay Diyus Panginuun. Nu mangyari yi inda, maalaman niyu ti Panginuun Makamaskihan imaw ti nagpadara sa kangku tag sa kanyu. Ag mangyari gid inda nu sundun niyu mayad ti Panginuun niyu Diyus.

Matiyu 8:11

Tandai niyu mayamu waya ti rumas-ug ginan sa butlakan hanggan ginan sa isalpan hampay dumulud atag sa karan-an kasaru nida ni Abraham, ni Isaak hanggan ni Hakub sa kaharian langit.

Lukas 13:29

Rumas-ug ti manga tawu ginan sa butlakan init hanggan isalpan init, ginan sa salatan hanggan sa kanaway, dumulud sa karan-an sa kaharian Diyus.

Ipinakakit 11:15

Pagka inyup ikapitu pag anghil kay budyung, may manga namaragawan daraka ginan sa langit magkun, “Kanta Panginuun hanggan ti Pinili Diyus Manugribri pag Hari nag-aku yi lubus sa paghari sa bilug kalibutan. Humari siya hanggan waya aban.”

Ipinakakit 7:9

Bag-u nakitan maan niku ti kayamu-yamuan kagadhan tawu dayi matabu mabilang una waya sitapu pag tawu. Sida ginan sa kada nasyun, sa kada linahi, sa kada histuda tawu, sa tanan kalasi pamagaw. Matindugan sida sa atubangan tukawan hari hanggan Anak Karanidu. Nakarutay sida manga malagti may bitbit sida panwasawas.