Isayas 49:10 - Hanunuu

¹⁰ Balaw sida lun-usun ngatay uwawun. Balaw sida masinggitan masyadu pag singgit init ngatay mainit pag durus sa pangawakawaan. Dahil aku ti magpahalaga sa kanda imaw ti gumiya sa kanda tabug sa manga bulbugan.

Isayas 49:10 Iomraidhean Croise

Isayas 14:1

Kaawaan Panginuun ti Israil ag utru niya piliun bilang kay nasakupan. Utru pauliun niya sida sa kanda sadili daga, ag may manga day-uhan kumuyug mangulian kaibahan sa nasyun Israil.

Isayas 25:4

Kawu ti darangpan manga pugri hanggan manga magpangailangan sa udas kakurian. Kawu ti darangpan sa udas may bagyu hanggan tig-irinit. Dahil ti paggira manga mahigpit pag tawu ga bagyu maghampak sa alad batu,

Isayas 32:2

Ti kada usa sa kanda parihu sa palalan-iban sa mabisug pag durus ag bagyu. Parihu diman sida sa sapa magbulus sa tigangan pag daga, hanggan sa hamuy daka pag batu sa mainit ag sa mamara pag daga.

Isayas 33:16

Katunda pag kalasi manga tawu ti makaribri sa kadamhakan, ga mag-uli sida sa abwat pag rugar, kanda palalan-iban ti lalaun pag manga batu. Unman sida maduraan karan-unun hanggan irinmun.

Isayas 35:6

Mangutbaw ga karasyaw ti manga pilay, ag manringgit sa kabayaan ti buyun. Mamulus ti danum sa tigangan ag bumulus ti danum sa manga sapa sa pangawakawaan.

Isayas 35:7

Ti mainit pag baras bumaliw danuman. Ag sa tigangan daga mamulbugan ti danum. Manubu ti tuhay-tuhay pag ilamnun sa rugar pag-ulian kaybi manga simarun idu.

Isayas 4:6

ag ga payag maghamuy sa singgit init nu sirang ag parasirngan sa udas may bagyu hanggan uran.

Isayas 40:11

Alagaan niya kay manga nasakupan ga pastur mag-alaga sa kay manga karanidu. Pagsalilihun niya ti dariit pag karanidu madahan niya pag giyahan ti manga inaan karanidu.

Isayas 41:17

“Nu manhanap danum kang manga nasakupan pugri, bag-u unman sida may masampakan, ag nu mamara kanda manga tululnan sa uwaw, aku ti Panginuun ti mangawat sa kanda. Aku ti Diyus Israil balaw pumabaya sa kanda.

Isayas 43:19

dahil tuhay yi maan pag bagay kang buwatun. Magpangyari yi ngani inda. Unman aw lugud niyu mag-akitan? Mamuwat aku dalan hanggan manga bulbugan sa tigangan.

Isayas 48:17

“Magkun ti Panginuun kanyu Manugribri, ti Banal pag Diyus Israil: Aku ti Panginuun niyu Diyus ti nagtudlu sa kanyu nu hintay ti mayad para sa kanyu, aku diman ti naggiya sa kanyu tabug sa hustu pag dalan.

Isayas 48:21

Balaw sida inuwaw igu giniyahan Diyus sa manga pangawakawaan, dahil pinabulus niya ti danum ginan sa batu para sa kanda. Binuswang niya ti batu ag binmulus ti danum.

Isayas 51:14

Balaw dumugay palpasan di ti manga nabihag sa kanyu. Balaw sida mamatay sa kanda pirisuhan ag balaw diman sida maduraan karan-unun.

Isayas 52:12

Dapat taynguna, balaw yi niyu kailangan mag-apura sa pag-ighit, ga maglayas. Dahil Panginuun ti mag-una sa kanyu. Ti Diyus Israil ti bumaliwa sa kanyu.

Isayas 54:10

Una magkarapugdak ti tagudtud ag bantud, ti pagmahal niku sa kanmu balaw madura, una kang kasunduan sa kanmu ipauli niku kawu sa marinu pag kahamtangan. Aku, ti Panginuun magkaawa sa kanmu, ti magsabi inda.

Isayas 54:8

Dahil sa kadaka aku nagalit sa kanmu, tinayakan niku kawu ngalay, dapat dahil sa kang unman may katapusan pag pagmahal sa kanmu, kaawaan di niku kawu. Aku ti Panginuun kanyu Manugribri ti magsabi inda.

Isayas 58:11

Pirmi niku kamu giyahan ag busugun, una makuri kanyu kahamtangan. Pabisugun niku kamu. Miparihu kamu sa tanum abunda sa danum ga bulbugan balaw magkak-at kay danum.

Isayas 65:13

Nakan aku ti Panginuun Diyus magkun, kang manga manugsirbi mangaun ag manginum, dapat kamu lun-usun ag uwawun. Magbaya sida dapat kamu mangay-a.

Hirimyas 31:9

Manlulumian sida sa kabayaan ag mandarangin habang paggiyahan niku sida pauli. Tabanun niku sida sa manga may bulbugan, lumakaw sida sa mayad pag dalan ag balaw sida madayaan. Dahil aku ti ama Israil, ag si Ipraim kang panganay pag anak.”

Isikil 34:23

Pakan-an niku sida usa ka manugbantay kay linahi ni Dabid, kang suruguun. Siya ti mangalaga ag manbantay sa kanda.

Hunas 4:8

Pagka sinminggit ti init, pinahuyup Diyus ti mainit pag durus ginan sa butlakan. Ga malipung si Hunas pagka nasinggitan init kay ulu. Gustu niya mamatay yi lang, nakan magkun siya, “Mayad waya ti namatay yi lang aku kaysa mabuhi waya.”

Mikas 7:14

Magdarangin ti manga Israilita magkun, “Panginuun, bantayan nimu kami kanmu manga nasakupan parihu sa magbantay manug-alaga sa kay manga karanidu. Ti manga daga sa kanmi palibut may marinu pag pasturan, dapat kami magkabuhi sa pangawakawaan kami-kami lang. Padakaa maan nimu kanmi magkaakupahan daga tugka sa Basan ag sa Gilyad parihu ga kaybi.

Matiyu 5:6

Papaladan Diyus ti tawu nu ga magkalun-us ag magkauwaw kay magpatigagad makatupad sa kagustuhan Diyus, dahil ipakaun sa kanda ti kanda paggagadun.

Huwan 6:35

Bag-u sinabi ni Hisus sa kanda magkun, “Aku ti ga karan-unun makapakaun buhi sa manga tawu. Tigpasakup sa kangku balaw yi lun-usun, tigsarig sa kangku dayi uwawun una hanggan aban.