Isayas 48:8 - Hanunuu

⁸ Balaw niyu napatingihan ngatay naintindihan inda pag manga bagay dahil ginan waya kaybi magpabungul-bungul yi kamu. Alam niku kanyu kapudilan, dahil ginan di waya sa kanyu pagkalusad maglaban yi kamu.

Isayas 48:8 Iomraidhean Croise

Kanta 40:6

Balaw nimu pagkaibgan ti tuhay-tuhay pag kalasi manga handug. Balaw kawu maghagad manga handug pagsunugun hanggan handug sa paglumpiyu. Bagkus ngap, binwat nimu aku matinupadun sa kanmu.

Kanta 51:5

Daut aku ag nagsalan ginan waya sa kang pagkalusad.

Kanta 58:3

Ti manga daut magpakarayu sa Diyus ag magpamudil ginan waya sa kanda pagkalusad.

Isayas 21:2

Nakitan niku ti usa ka madala pag pangakakitun tungkul sa pagkamaradaya ag kadamhakan. Kamu manga taga Ilam ag taga Midya, sangputa niyu ti Babilunya ag giraha. Tapusun yi Diyus kay magpakuri sa iba pag manga nasyun.

Isayas 26:11

Panginuun, alistu yi duy kawu pumarusa sa kanda, pat-ay balaw nida alam. Paandami nimu sida, Panginuun. Pakay-aha sida. Ipakakit nimu sa kanda nu kabitay nimu kamahal kanmu manga nasakupan. Rurisun nimu sa panab-anan apuy kanmu manga kalaban.

Isayas 33:1

Kaawaawa kamu pag manga manugwayak udwaya nakalakaw pagkawayak. Kaawaawa kamu pag manga madaya, udwaya nakalakaw dinaya. Nu tapus yi kanyu magpanwayak hanggan magpandaya, kamu waydi ti wayakun ag dayaun.

Isayas 42:25

Nakan ngani, ipinasamit Panginuun ti masyadu niya pag pangagalit sa kanta sa panab-anan pagpakuri sa kanta sa girahan. Kay pangagalit parihu sa apuy nagsangput, mag-irub sa kanta, dapat balaw nita inda pinansin aw ngatay inisip.

Isayas 46:8

Kamu pag manga manuglaban, tandai niyu inda ag tanuman sa kanyu isip.

Isayas 47:11

Nakan ngani rumas-ug sa kanmu ti kadamhakan, unman nimu alam nu kabitay tunda mipakarayu sa panab-anan nimu manga salumangka. Rumas-ug diman sa kanmu ti sarut balaw nimu mabayadan hampay umapas. Kadaka rumas-ug sa kanmu ti kadamhakan balaw nimu pag-isipun mangyari.

Isayas 48:4

Alam niku nu kabitay ka ganit kanyu ulu. Kanyu liug parihu kay ka ganit sa baul, kanyu bangas parihu kay kaganit sa galang.

Isayas 48:7

Taynguna di waya inda pag buwatun, hampay balaw kamu sumabi alam yi niyu inda.

Isayas 50:5

Nagbagaw sa kangku ti Panginuun Diyus ag namatingi aku. Balaw aku naglabag ngatay naglayas sa kanya.

Isayas 57:4

Si unu kanyu pagpuyaan? Si unu kanyu pagtamirian ag pagdilaan? Ti Panginuun ngap! Manga linahi kamu manga malaban hanggan manga pudilun.

Hirimyas 3:20

Dapat kamu nasakupan Israil nandaya sa kangku, parihu sa babayi nandaya sa kay asawa. Aku, ti Panginuun, ti magsabi inda.

Hirimyas 5:11

Ti nasakupan Israil hanggan Huda balaw yi gid matinupadun sa kangku. Aku, ti Panginuun, ti magsabi inda.

Hirimyas 5:21

Patingihi niyu inda, kamu pag manga luku-luku ag supakil. May manga mata kamu, dapat unman makakit, may manga tuli dapat unman makadnug.

Hirimyas 6:10

Namaingana aku, “Dapat Panginuun, si unu duy kang pakan-an pasandam? Si unu duy nguna ti mamatingi sa kangku? Pinut-an duy nida kanda manga tuli hampay balaw sida makadnug. Pagkadat-an duy nida ti bagaw Panginuun, nakan dayu sida mamatingi.

Husyas 5:7

Pinudilan niyu aku dahil kanyu manga anak, anak niyu sa luwas. Nakan taynguna, rurisun niku kamu hanggan kanyu manga daga sa sulud usa lang ka bulan.

Husyas 6:7

Parihu sa kan Adam, dinaut niyu ti kasunduan niku sa kanyu. Nagpudil kamu sa kangku asan sa kanyu rugar.

Husyas 7:9

Pagbul-un taga iba nasyun kanda kabisugan, dapat unman nida magkapansin. Parihu sida sa gurangun ubanin yi kay buhuk dapat unman niya magkapansin.

Malakyas 2:11

“Namudil ti manga taga Huda; namuwat sida manga mayagting pag buruwatun sa Hirusalim ag sa buu nasyun Israil. Dahil inuringan nida ti pagmahalun Panginuun pag Balay Diyus, sa panab-anan pag-asawa manga lalaki sa manga babayi magsamba sa tuhay pag manga diyus.

Ipisu 2:3

Kaybi kami pag manga Hudiyu minsan diman waydi sa manga maglaban sa Diyus, nag-ugali kami angay sa kagustuhan sadili pagkatawu, sinunud nimi ti daut pagkawilyan nimi bilug hanggan naisipan. Nakan angay sa kahamtangan nimi pagkatawu minsan kami sa tanan manga tawu pagkagalitan Diyus.

Diyuturunumiyu 31:16

Nagbagaw ti Panginuun sa kan Muysis, “Arani yi kawu mamatay ag miminsan sa kanmu manga ginurang. Nu udyi kawu, inda pag manga tawu mansamba sa iba pag manga diyus imaw ti pagsambahun manga tawu ati sa atagan nida pag daga. Bugyahan nida aku ag lapastanganun kang binwat kasunduan sa kanda.

Diyuturunumiyu 31:18

Patlikudan gid niku sida sa tunda pag udas dahil sa tanan nida binwat kadautan sa panab-anan pagsamba sa iba pag manga diyus.