Isayas 48:21 - Hanunuu

²¹ Balaw sida inuwaw igu giniyahan Diyus sa manga pangawakawaan, dahil pinabulus niya ti danum ginan sa batu para sa kanda. Binuswang niya ti batu ag binmulus ti danum.

Isayas 48:21 Iomraidhean Croise

Nihimyas 9:15

Pagka linun-us sida, pinakan-an nimu sida karan-unun ginan sa langit, pagka inuwaw, pinainum nimu danum ginan sa batu. Sinabihan nimu sida sulda ag apuun ti daga kanmu itinaratu kuntay ipakaun nimu sa kanda.

Nihimyas 9:20

Ipinakaun nimu kanmu mayad pag Ispiritu hampay magtudlu sa kanda. Parargu nimu sida pagpakan-un mana, hanggan pinakan-an danum nu magkauwaw sida.

Kanta 105:41

Pinabka niya ti batu ag binmulwak ti danum. Nagbulus inda sa pangawakawaan ga sapa.

Kanta 74:15

Kawu ti nagpadanum sa manga bulbugan hanggan sa manga bululusan danum. Kawu ti nagpak-at sa manga sapa balaw magkak-at.

Kanta 78:15

Binka niya ti manga batu sa pangawakawaan ag nagbulus ti danum ag pinasugtan niya sida sa inum danum ga ginan sa kaabasad-basadan daga.

Kanta 78:16

Ipinaluwang niya ti danum sa batu ag binmulus ti danum ga sa sapa.

Kanta 78:20

Tutuu ipinahampak niya ti batu ag binmulwak ti danum, dapat makapakaun aw nguna siya tinapay hanggan taguban sa kanta sa kay nasakupan?”

Pag-ighit 17:6

Alagdun kawu niku ati sa may batu Hurib. Nu ati yi kawu, hampaka ti batu, ag lumuwang ti danum inmun manga tawu.” Ag binuwat ngani inda ni Muysis sa atubangan manga paggurangunun sa Israil.

Isayas 30:25

Sa ati pag manga sirang matyun kanyu manga kalaban ag wayakun kanda manga bantayaw, bumulus ti danum ginan sa kada arabwat pag bantud.

Isayas 49:10

Balaw sida lun-usun ngatay uwawun. Balaw sida masinggitan masyadu pag singgit init ngatay mainit pag durus sa pangawakawaan. Dahil aku ti magpahalaga sa kanda imaw ti gumiya sa kanda tabug sa manga bulbugan.

Hirimyas 31:9

Manlulumian sida sa kabayaan ag mandarangin habang paggiyahan niku sida pauli. Tabanun niku sida sa manga may bulbugan, lumakaw sida sa mayad pag dalan ag balaw sida madayaan. Dahil aku ti ama Israil, ag si Ipraim kang panganay pag anak.”

Bilang 20:11

Bag-u ipinaabwat ni Muysis kay sugkud, binakul niya kadwa ginan ti batu, ag binmulus ti danum, nanginum ti manga nasakupan hanggan kanda manga hayup.