Isayas 48:19 - Hanunuu

¹⁹ Kanyu mana manga linahi nagbaliw ga baras kay kayamu dayu mabilang, balaw gid sida midamhak sa kang atubangan.”

Isayas 48:19 Iomraidhean Croise

Gimpuunan 13:16

Payamuun niku kanmu linahi ga taypuk sa kalibutan kay kayamu. Ti taypuk dayu mabilang, nakan kanmu linahi balaw diman mabilang.

1 Hari 9:7

paalisun niku kamu sa daga ipinakaun niku sa kanyu, ag dayuun niku inda pag Balay Diyus pinili niku rugar nu naan dayawun aku. Bag-u puyaan ag kasarin-an tanan tawu ti Israil.

Hub 5:25

Yumamu kanmu sinulput ga ilamnun sa daga kay kayamu.

Kanta 109:13

Mana magkaramatay kay manga linahi hampay malimtan yi sida sa dumasun pag sinulput.

Kanta 9:5

Sinintinsiyahan nimu ag pinarusahan ti daut pag manga nasyun nakan balaw yi gid sida maimatun-an hanggan aban.

Isayas 10:22

Una waya ga baras sa baybay dagat kay kayamu ti manga Israilita, pira lang ti makabalik. Nakatagka yi ti parusa para sa buu Israil. Pihu tupadun inda Panginuun Diyus Makamaskihan.

Isayas 14:22

Magkun ti Panginuun Makamaskihan, “Girahun niku ag wayakun ti Babilunya. Unman aku may sawadan buhi sa inda pag rugar. Balaw may masawad sa kanda manga linahi.

Isayas 44:3

Dahil pakan-an niku kawu danum pamaraw uwaw hanggan humaug sa kanmu tigangan daga. Ipakaun niku kang Ispiritu sa kanmu linahi ag papaladan niku sida.

Isayas 44:4

Lumangba sida parihu sa tanum abunda sa danum ngatay parihu sa manga kayu sa saruy sapa.

Isayas 48:9

Para sa kang kadayawan, amparahun niku kang pangagalit sa kanyu, hampay balaw kamu maruris.

Isayas 54:3

Dahil dumaka kanyu katugkaan, sakupun nimu manga nasakupan ti iba manga nasyun, ag kanda ulianan ati ti manga banwa tinayakan.

Isayas 56:5

Pahintulutan niku sida makasaka sa kang Balay ag kilalan-un niku sida subra man sa pagkilala kang ipakaun nu sida nanhinganak. Ag balaw sida malimtan manga tawu hanggan aban.

Isayas 66:22

Magkun waya ti Panginuun, “Nu kabitay ti bag-u pag langit ag ti bag-u pag daga kang buwatun pumirmaminti hanggan aban, kanyu linahi pumirmaminti diman hanggan aban, ag balaw niku kamu malimtan.

Isayas 9:14

balaw dumugay parusahan uman Panginuun ti buu Israil. Miparihu sida sa hayup pinuldan ikug ag ulu.

Hirimyas 33:22

Payamuun niku ti manga linahi ni Dabid hanggan ti lahi ni Libi parihu sa manga pamgasan sa langit ag baras sa baybay dagat balaw mabilang.”

Husyas 1:10

Dapat rumas-ug ti sirang kaawaan niku sida ag papaladan; bumaliw sida ga baras sa baybay dagat kay kayamu unman matakal ngatay mabilang. Taynguna pag-ingarnan sida, ‘Balaw kang nasakupan,’ dapat aban ingarnan sida, ‘Manga anak buhi pag Diyus.’

Sipanyas 1:4

“Parusahan niku ti manga nasakupan Huda, hanggan ti tanan nasakupan Hirusalim. Papasun niku ti manga nasawad pag manugsamba sa Baal pag diyus-diyusan, hanggan yi ti manga magsirbi pag manga manughandug siyun, hampay rargu yi sida malimtan.

Ruma 9:27

Ainalsa kay busis ni purupita Isayas kay nagtultul tungkul sa taga Israil magkun, “Una ga baras dagat kay kayamu ti manga linahi ni Israil, pira-pira lang sa kanda ti maribri.

Diyuturunumiyu 9:14

Pabay-ani nimu aku kang rurisun sida hampay balaw yi sida maalala waya. Bag-u buwatun niku kawu usa ka nasyun mas makapangyarihan ag mas mayamu waya kaysa kanda.’

Huswi 7:9

Mabaritaan inda manga Kananiyu hanggan iba waya taga sitay, ag palibutan nida kami bag-u panmatyun. Malu, unu kanmu buwatun hampay maalagaan kanmu makamaskihan pag ngaran?”

Rut 4:10

Ag bukud waya siyun, asawan-un niku si Rut taga Muab, kay buranday ni Mahalun, hampay nu magkaimaw anak kami, pirmaminti ti daga ni Mahalun sa kay magtal-anakan, ag hampay balaw madura ti lahi niya sa kay manga kasimanwa.” Bag-u sinabi waya gid ni Buus sa manga tawu, “Kastigus kamu taynguna pag sirang!”