Isayas 48:18 - Hanunuu

¹⁸ Nu nagsunud lang kamu sa kang manga sugu, binmulus mana ga sapa ti manga papalad sa kanyu, dasun-dasun mana kanyu panalu ga humbak maghampak sa baybay.

Isayas 48:18 Iomraidhean Croise

Kanta 119:165

Makatanggap gid mayad pag kahamtangan ti manga magmahal sa kanmu kasuguan, ag unman may makapadamhak sa kanda.

Kanta 36:8

Pagustu sida sa abunda pag karan-unun sa kanmu balay; pagpa-inmun nimu sida sa kanmu mahudmay pag danum.

Isayas 33:21

Siyun pag ipakakit Panginuun sa kanta kuntay makamaskihan siya. Ti Hirusalim ga usa ka rugar may maluang pag sapa hanggan laad balaw madipay sarakyan manga kalaban.

Isayas 42:24

Si unu ti nagpakaun pahintulut takawan ag agawan kasiyunan ti Israil? Unman aw ti Panginuun, siya ti pinagkasaraan nita? Dahil balaw nita sinunud kay manga palakaw hanggan kasuguan.

Isayas 45:8

Pumakaun aku panalu, ga uran magkaragdag gin tungud. Matanggap inda manga tawu sa kalibutan. Lumantap ti karibrihan hanggan ti kapanaluhan may katadlungan ga tanum magtubu. Aku, ti Panginuun, ti nagbuwat inda.

Isayas 54:13

Aku ti manudlu sa kanmu manga nasakupan, ag bumaliw mayad kanda kahamtangan.

Isayas 61:10

Magbaya aku sa kang Panginuun Diyus, dahil aku ga kay pinasulungan karibrihan hanggan kapanaluhan. Parihu aku sa lalaki ikasal may sulung rutay marinu panmanughandug, ngatay parihu sa babayi ikasal may pamarinu.

Isayas 61:11

Nu kabitay ti binhi magtubu sa daga, katunda diman, pag-iribri Panginuun Diyus kay pinili pag nasyun. Dahil siyun ti tanan nasyun dumayaw sa kanya.

Isayas 62:1

Dahil pagmahalun niku ti Hirusalim, balaw umapas kang darangin tugka sa ud rumas-ug kay kapanaluhan hanggan katuwiran ga magbadbad sirang, ag tugka sa mapasa-kanya ti karibrihan ga maglabdaban sulul-an.

Isayas 66:12

Dahil magkun ti Panginuun, “Paunladun niku ti Hirusalim. Darahun tag sa kanya ti kasiyunan ginan sa iba nasyun ga maglapwas pag bululusan danum. Miparihu kamu sa lapsag asikasuhun mayad, hiyaptan, ipasusu, ag sapupwun niya ina.

Husyas 10:12

Sinabi niku sa kanyu, ‘Palug-uda kanyu tagipusuun parihu sa daga inaradu. Pagtanum kamu katadlungan ag pag-ani pagmahal. Dahil udas yi inda hampay dumangup kamu sa kangku tugka sa kang pagras-ug, bag-u padarahan niku kamu karibrihan parihu sa uran.’

Amus 5:24

Bagkus ngap ipakakit niyu ti katadlungan ag buwata niyu ti matadlung; danga niyu inda pag-apasi parihu sa sapa unman may apas kay magbulus.

Matiyu 23:37

Sinabi ni Hisus, “Hirusalim, Hirusalim, pagpanmatyun nimu ti manga purupita, pagbatuhun nimu ti manga sinugu Diyus tabug sa kanmu. Kapira yi ginan kang hinanap ti manga mag-uli sa kanmu sulud, hampay kang likumun, parihu ga inaan manuk mag-ukub sa kay manga butu, dapat dayu di ngap kamu.

Ruma 14:17

Dahil ti pagpasakup tawu sa kay paghari Diyus balaw labut sa kay pagkan-un, sa kay pag-inmun. Ti mahalaga lang nu ti tawu matadlung, nu magkarausa ag nu may kabayaan lunsay manga pakaun Ispiritu Banal.

Diyuturunumiyu 32:29

Nu madunung lang sida, masalman mana nida kanda patabgan.

Diyuturunumiyu 5:29

Mana pag magsunud pirmi sida sa kangku ag magtupad sa kang manga sugu hampay mayad ti kahamtangan nida hanggan nida manga sinulput hanggan waya aban.