Isayas 48:17 - Hanunuu

¹⁷ “Magkun ti Panginuun kanyu Manugribri, ti Banal pag Diyus Israil: Aku ti Panginuun niyu Diyus ti nagtudlu sa kanyu nu hintay ti mayad para sa kanyu, aku diman ti naggiya sa kanyu tabug sa hustu pag dalan.

Isayas 48:17 Iomraidhean Croise

Gimpuunan 24:48

Susun nagluhud aku nagsamba sa Panginuun. Nagdayaw aku sa Panginuun, ti Diyus niku amu, ni Abraham. Siya ti naggiya sa kangku sa hustu pag rugar, nu naan pag nakitan niku ti anak katawuhan niku amu hampay maasawa niya anak.

1 Hari 8:36

patingihi sida asan sa langit. Patawada sida kanmu manga suruguun, kanmu nasakupan manga Israilita. Tudlui sida matadlung pagpangabuhi, ag padaran-i uran ti ipinakaun nimu sa kanda pag daga kanda apuun.

Hub 36:22

“Alalahana nimu nu kabitay kay pagkamakamaskihan ti Diyus. Unman may manugtudlu ti pumarihu sa kanya.

Kanta 25:12

Panginuun, ti manga maggalang sa kanmu, tudluan nimu dalan dapat nida lakawan.

Kanta 32:8

Magkun kawu sa kangku, “Itudlu niku sa kanmu ti kailangan nimu lakawan pag dalan. Patigayunan niku kawu habang magbantay aku sa kanmu.

Kanta 71:17

Diyus, ginan sa anak waya aku, pagtudluan nimu aku tungkul sa kanmu makadululaw pag manga buwat, ag tugka kainda pag-itultul niku inda.

Kanta 73:24

Paggiyahan nimu aku sa panab-anan nimu manga patigayun, pagkatapus darahun nimu aku sa mayad gid pag kahamtangan.

Isayas 2:3

Sabihun nida, “Atag yi kita sa bantud Panginuun, sa Balay Diyus, Diyus ni Hakub. Tudluan niya kita ati angay sa kay kagustuhan hampay sundun nita.” Dahil ti Kasuguan Panginuun ginan sa Siun, ag ti bagaw Panginuun ginan sa banwa Hirusalim.

Isayas 28:9

Magriklamu sida ag magkun, “Hintay nguna kay isip niya sa kanta, manga anak aw di waya bag-u lang bul-iw sa susu? Hayga katida kay pag-itudlu sa kanta?

Isayas 30:20

Ga pinakaun ag pinainum kamu Panginuun karukuan ag kakurian. Dapat una binwat niya inda sa kanyu, siya maisturu niyu balaw patagu sa kanyu. Makitan niyu siya,

Isayas 30:21

ag masaydan kay busis magtudlu sa kanyu, “Inda ti hustu pag dalan, paglakaw kamu sitay.”

Isayas 41:14

Una diit lang kawu ag malumuy, danga kawu magkadala dahil aku gid ngap ti mangawat sa kanmu. Aku, ti Panginuun, ti magsabi inda. Aku kanmu Manugribri, ti Banal pag Diyus Israil.

Isayas 43:14

Inda ti pagsabihun Panginuun kanyu Manugribri, ti Banal pag Diyus Israil, “Hampay maribri kamu, ipagira niku ti Babilunya sa manga sundalu usa ka nasyun, mamalalagiwan ti manga taga Babilunya tabug sa kanda pag-ipadayaw pag manga barku.

Isayas 43:16

Aku ti Panginuun, ti nagbuwat dalan sa karaw-an dagat.

Isayas 45:11

Inda waya ti pagsabihun Panginuun, ti Banal pag Diyus Israil, ti naglalang sa kanya, “Magriklamu aw kamu sa kang manga pagbuwatun? Pagsuguun aw niyu aku sa manga dapat niku buwatun?

Isayas 48:20

Pag-ighit kamu sa Babilunya! Ipaburayhaw niyu may kabayaan sa buu kalibutan kuntay irinibri Panginuun kay manugsirbi, ti nasakupan Israil.

Isayas 49:26

Ipakaun niku sa manga mag-api sa kanmu kanda sadili bilug, bumaliw ga langu sida sa sadili nida dugu. Bag-u maalaman tanan tawu aku, ti Panginuun, kanmu Manugribri hanggan Manugpalpas, ti Makamaskihan pag Diyus ni Hakub.”

Isayas 49:7

Ti Panginuun, ti Manugribri ag Banal pag Diyus Israil, magkun sa tawu pagpuyaan ag pagkayagtingan manga nasyun hanggan manugsirbi manga takinan, “Makitan manga hari nu si unu gid ungud kawu ag tumindug sida hampay galangun kawu. Ti manga takinan yumuk-ub sa kanmu. Mangyari inda dahil sa kangku, ti Panginuun matinupadun, ti Banal pag Diyus Israil. Aku ti nagpili sa kanmu.”

Isayas 54:13

Aku ti manudlu sa kanmu manga nasakupan, ag bumaliw mayad kanda kahamtangan.

Isayas 54:5

Dahil aku kanmu manuglalang ga kanmu asawa. Kang ngaran Yawi Makamaskihan sa tanan. Aku ti Banal pag Diyus Israil, kanmu Manugribri. Pag-ingarnan aku ‘Diyus buu kalibutan.’

Isayas 54:8

Dahil sa kadaka aku nagalit sa kanmu, tinayakan niku kawu ngalay, dapat dahil sa kang unman may katapusan pag pagmahal sa kanmu, kaawaan di niku kawu. Aku ti Panginuun kanyu Manugribri ti magsabi inda.

Hirimyas 6:16

Inda waya ti pagsabihun Panginuun, “Pagtindug kamu sa pagsalakan dalan bag-u pagbantay kamu kaayad. Pagpaingana nu naan ti dalan ag mayad lakawan, bag-u ati kamu pag lumakaw. Ag magkaimaw kamu kahusayan. Dapat ay magkun kamu, ‘Dayu kami manlakaw siti.’

Mikas 4:2

Kumumun sida, “Atag yi kita sa bantud Panginuun, sa Balay Diyus, ti Diyus ni Hakub. Tudluan niya kita ati kay manga buruwatun hampay sundun nita.” Nakan mangululi ti manga tawu gin sa Siun, ti banwa Hirusalim, dara ti Kasuguan Panginuun.

Huwan 6:45

“Isinurat sa Ribru manga Purupita magkun, ‘Sida tanan-tanan tudluan Diyus.’ Una hintay pag tawu nakadnug ag nagpatudlu sa Ama, pumasakup sa kangku.

Ipisu 4:21

Pinatingihan kabay niyu kay pag-iadal niya ag tinudluan yi kamu katutuuhanan tungkul sa kan Hisus.

Huswi 3:4

hampay maalaman niyu nu naan kamu paglumakaw, dahil unman waya gid kamu nakalakaw siyun ginan sa kabag-u. Dapat danga lang kamu magpakarani sa Kaban Kasunduan; pagmay-imaw agwat manga 1,000 mitrus.”