Isayas 48:15 - Hanunuu

¹⁵ Aku gid ngap ti nagsabi sa kanya, aku diman hanggan ti nagtawag sa kanya. Sinugu niku siya ag nanalu siya sa kay manga binwat.

Isayas 48:15 Iomraidhean Croise

Kanta 45:4

Pakakitan kanmu kadayawan, paggira kawu marapanalu para sa katutuuhanan ag sa katadlungan manga pag-apihun. Sa panab-anan nimu kapangyarihan pagbuwat kawu makadululaw pag manga buwat.

Isayas 41:2

Si unu ti nagpadara usa ka tawu ginan sa butlakan ag nagpakaun sa kanya panalu sa labanan, una naan siya pag umatag? Si unu ti nagpasakup sa kanya sa manga hari ag manga nasyun? Winayak niya ti manga nasyun ag pinanmatay ti manga hari sa panab-anan baladaw ag ugyung. Ag inda nagbaliw ga taypuk pag ipayag durus.

Isayas 44:28

Magkun aku kan Sayrus, “Kawu ti manugbantay niku manga nasakupan ag buwatun nimu ti tanan niku gustu. Pagsugu kawu kuntay patindugan maan ti Hirusalim hanggan ti Balay Diyus.”

Isayas 45:13

Aku ti nagtawag kan Sayrus hampay buwatun kang manga turunu. Buwatun niku kang-ud ti tanan palakaw niya. Ipatindug niya uman kang banwa ag palpasan niya kang manga nasakupan binihag. Buwatun niya inda balaw dahil sa pinakan-an siya upa aw ngatay pinirimyuhan. Aku, ti Panginuun Makamaskihan, ti magsabi inda.”

Hirimyas 50:21

Magkun waya ti Panginuun, “Giraha niyu ti Mirataim ag ti Pikud. Matyun niyu sida ag rurisun yi lubus bilang handug para sa kangku. Buwata niyu ti tanan pag-isugu niku sa kanyu.

Huswi 1:8

Danga gid pagkalimti basahun ti ribru Kasuguan. Isip-isipa nimu inda sirang yabi, hampay maalaman nimu nu kabitay matupad nimu ti tanan nakasurat asan. Sa panab-anan inda bumaliw abunda kanmu kahamtangan ag marapanalu kawu.