Isayas 48:12 - Hanunuu

¹² “Pagpatingi kamu sa kangku, kamu pag manga taga Israil kang ipinasaman. Aku ti Diyus; aku ti gimpuunan ag ti katapusan tanan.

Isayas 48:12 Iomraidhean Croise

Kabagawan 7:24

Nakan manga anak, patingihi niyu mayad kang pagsabihun.

Kabagawan 8:32

Nakan taynguna manga anak, patingihi niyu aku, dahil mapalad ti manga magsunud sa kang manga palakaw.

Isayas 34:1

Kamu pag manga nasyun, pagpakarani kamu ag pagpatingi kaayad. Pagpatingi ti buu kalibutan hanggan ti tanan asan sa kanya.

Isayas 40:26

Pagbantay kamu sa langit! Si unu nguna ti naglalang sa tunda pag manga pamgasan? Ti Diyus ti naglalang tunda. Ipinalwang niya tigus-a tigus-a tunda mintaras pagtawagun kanda manga ngaran. Dahil sa kay kamaskihan, una di usa unman may nadura.

Isayas 41:4

Si unu ti nagbuwat inda tanan? Si unu ti nag-isip sa tanan pag manga mangyari ginan waya kaybi sa un-an pag sinulput? Unman aw aku? Aku ti Panginuun asan yi sa pag-umpisa kalibutan, ag asan diman aku tugka sa katapusan.

Isayas 43:10

Manga nasakupan Israil, kamu kang manga kastigus. Ipinasaman niku kamu kang manugsirbi, agud makilala niyu aku ag sumarig kamu sa kangku, bag-u masalman niyu aku lang ti Diyus. Ud may iba diyus inmuna sa kangku, unman diman may Diyus dumasun waya sa kangku.

Isayas 43:11

Aku lang gid ti Panginuun, purya sa kangku udyi may iba waya Manugribri.

Isayas 44:1

“Dapat taynguna, pagpatingi kawu, Israil kang manugsirbi, ti ipinasaman niku pag nasakupan, kan Hakub manga linahi.

Isayas 44:6

Inda ti pagsabihun Panginuun, ti Hari ag Manugribri Israil, ti Panginuun Makamaskihan, “Aku ti umpisa ag ti katapusan tanan. Purya sa kangku udyi may iba waya Diyus.

Isayas 46:3

Pagpatingi kamu sa kangku, manga linahi ni Hakub, kamu ti manga nasawad pag nasakupan Israil. Pag-alagaan niku kamu ginan sa pagkalusad.

Isayas 46:4

Alagaan niku kamu tugka sa maggurangun ag manlagti kanyu buhuk. Linalang niku kamu nakan kamu alagaan niku. Awatan niku kamu ag iribri.

Isayas 49:1

Pagpatingi kamu sa kangku, kamu ti manga mag-uli sa ararayu pag rugar: Udwaya aku ilinusad, pinili yi aku Panginuun hampay manirbi sa kanya.

Isayas 51:1

Magkun ti Panginuun, “Pagpatingi kamu sa kangku, kamu ti manga magkaibug maribri hanggan ti manhagad awat sa kangku. Alalahana niyu sida ni Abraham ni Sara kanyu manga ginurang. Parihu sida sa batu nagpikahan ngatay nagkalihan sa kanyu. Kaybi tinawagan niku si Abraham, usa-usa siya, dapat pinapaladan niku siya ag pinakan-an mayamu pag linahi.

Isayas 51:4

“Manga nasakupan niku, pagpatingi kamu sa kangku. Patingihi niyu aku, nasyun niku! Ipakaun niku kang kasuguan ag sumirbi inda sulu sa manga nasyun.

Isayas 51:7

Pagpatingi kamu sa kangku, kamu ti manga may alam nu hintay ti kang-ud ag magsunud sa kang kasuguan! Danga kamu magkadala sa manga magpakay-a ag magpuya pag manga tawu sa kanyu.

Isayas 55:3

Pagpakarani kamu sa kangku, pagpatingi hampay mabuhi kamu. Mamuwat aku unman may katapusan pag kasunduan sa kanyu. Ipadamdam niku sa kanyu kang pagmahal hanggan pangaawa ti itinaratu niku sa kan Dabid.

Matiyu 20:16

Nakan ngani ti manga nauryan umuna, ti manga nag-una mauryan.”

Ruma 1:6

Kabilang diman waydi kamu sa manga nasyun kay pinili Diyus hampay kay magkaapu ni Hisu-Kiristu.

Ruma 8:28

Alam nita sa tanan manga bagay ti Diyus minsan magbuwat sa manga magmahal sa kanya sa kanda ikaayad. Dahil sida pinili niya angay sa kay turunu.

1 Kurintu 1:24

Dapat sa manga pinili Diyus una manga Hudiyu una manga balaw Hudiyu, si Kiristu ngap ti kamaskihan hanggan kadunungan Diyus.

Diyuturunumiyu 32:39

Bantayi niyu kainda; aku lang gid ti Diyus! Unman yi may iba diyus purya sa kangku. Aku ti magmatay ag aku diman ti mag-ayaw buhi; aku ti magbiyag ag aku diman ti magbulung, ag unman may makapalagiw sa kang manga kamang.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.

Ipinakakit 1:11

Kay sabi, “Suratan nimu sa ribru ti kanmu makitan bag-u ipadara nimu inda sa pitu ka iglisya, ati sa banwa Ipisu, sa banwa Ismirna, sa banwa Tiyatira, sa banwa Sardis, sa banwa Piladilpiya hanggan sa banwa Laudisiya.”

Ipinakakit 1:8

Kay sabi Panginuun Diyus magkun, “Aku ti Alpa ag ti Umiga. Aku ti Diyus taynguna, una kaybi ag aku ti rumas-ug aban, ti Makamaskihan sa tanan.”

Ipinakakit 17:14

Girahun nida ti Anak Karanidu dapat matalu diman sida dahil ti Anak Karanidu Panginuun manga panginuun, siya diman ti Hari manga hari. May kahuray aban sa kay panalu ti manga tinawag, ti manga pinili ag ti manga matinupadun pag manga magsunud sa kanya.”

Ipinakakit 2:8

“Isurat nimu inda para sa anghil magbantay sa iglisya sa banwa Ismirna: “Inda ti magsabi imaw ti kabag-u, imaw ti katapusan, imaw ti namatay, imaw maan ti nabuhi uman:

Ipinakakit 22:13

Aku ti Alpa ag ti Umiga, aku ti sa kabag-u, aku diman ti sa katapusan. Aku ti umpisa, aku diman ti masawad.”