Isayas 48:1 - Hanunuu

¹ “Pagpatingi kamu, manga linahi ni Hakub, pag-ingarnan Israil, ginan sa sinulput ni Huda. Magsumpa kamu sa ngaran Yawi, ti Panginuun, bag-u magtawag sa Diyus Israil. Dapat magpabalhinguun lang maaw, dahil balaw diman matadlung kanyu pangabuhi.

Isayas 48:1 Iomraidhean Croise

Gimpuunan 32:28

Magkun ti tawu, “Kainda ginan balaw yi Hakub kanmu ngaran nu unman Israil yi dahil nandumug kawu sa Diyus hanggan sa manga tawu, ag kawu nanalu.”

Gimpuunan 35:10

Magkun ti Diyus sa kanya, “Hakub kanmu ngaran, dapat kainda ginan balaw yi kawu ingarnan Hakub nu unman Israil yi.” Nakan Israil yi kay ngaran ni Hakub.

2 Hari 17:34

Hanggan taynguna pagbuwatun diman nida inda. Unman tutuu kanda magsamba sa Panginuun, ag unman sida magtupad sa manga sugu, manga surundanun, manga pag-itudlu, ag manga kasuguan ipinakaun Panginuun sa manga linahi ni Hakub, kay iningarnan Israil.

2 Hari 5:20

magkumun si Gihasi sa kay sadili, “Pinaginan niku amu si Naaman taga Aram, unman niya tinanggap kay dara pag pamakaun. Magsumpa aku sa buhi pag Panginuun, bukadun niku siya ag manhagad aku una hintay sa kanya.”

Kanta 63:11

Magbaya ti hari dahil sa binwat Diyus sa kanya. Magbaya diman ti tanan magtaratu sa ngaran Diyus. Dapat balaw pabagawun Diyus ti manga bibig manga pudilun.

Kanta 66:3

Sabihi niyu siya, “Diyus, makadululaw gid kanmu manga buwat. Dahil sa kanmu daka pag kamaskihan, kanmu manga kalaban magluhud sa kanmu sa kadalaan.

Kanta 68:26

Magringgit sida, “Dayawa niyu ti Diyus sa kanyu manga pagtiripun! Dayawa niyu ti Panginuun, kamu pag manga linahi ni Israil!”

Kanta 68:27

Mag-una ti diit pag lahi ni Binhamin, magdasun ti manga takinan Huda kaibahan kanda gurupu, ag magdasun ti manga takinan sa Sabulun ag Niptali.

Pag-ighit 23:13

“Sunda niyu inda tanan kang sinabi sa kanyu. Danga kamu magdarangin sa tuhay pag manga diyus ngatay sampitun lang kanda ngaran.

Kabagawan 5:16

Danga nimu pabay-anan matulad sa bulbugan una si unu pag babayi ti makabuul ag makainum.

Isayas 26:13

Panginuun nimi Diyus, pagdumarahan kami tuhay pag panginuun, dapat kawu lang kanmi pagsambahun.

Isayas 44:5

May manga sumabi, ‘Aku sa Panginuun,’ may sumabi diman, ‘Aku linahi ni Hakub.’ May imaw diman mamauli marka sa kanda manga kamang pangaran Panginuun, ag ipaparihu kay sadili minsan sa nasakupan Israil.”

Isayas 45:23

Nagsumpa aku sa kang sadili, ti manga pagsabihun niku balaw yi mauman: Manluhud ti tanan tawu sa kangku ag mansumpa sida sumunud sa kangku.

Isayas 46:12

Pagpatingi kamu sa kangku, kamu pag manga lapastangan. Balaw gid niyu malakawan ti kapanaluhan may katuwiran.

Isayas 51:1

Magkun ti Panginuun, “Pagpatingi kamu sa kangku, kamu ti manga magkaibug maribri hanggan ti manhagad awat sa kangku. Alalahana niyu sida ni Abraham ni Sara kanyu manga ginurang. Parihu sida sa batu nagpikahan ngatay nagkalihan sa kanyu. Kaybi tinawagan niku si Abraham, usa-usa siya, dapat pinapaladan niku siya ag pinakan-an mayamu pag linahi.

Isayas 58:2

Magpakarani sida sa kangku sirang-sirang, gustu nida maalaman kang manga palakaw. Nu pagbantayan, bilang sida usa ka nasyun matadlung unman maglabag sa sugu niku. Pag-ipakakit nida ga magkaibug sida pumakarani sa kangku ag manhagad matadlung pag pasya.

Isayas 62:8

Nangaku ti Panginuun buwatun niya tunda sa panab-anan niya kamaskihan. Magkun siya, “Balaw yi niku ipakaun kanyu manga tirigu sa kanyu manga kalaban day-uhan. Udyi hanggan nida mainum ti manga binudlayan niyu pag irinmun ubas.

Isayas 64:6

Kami tanan nagbaliw ga mauring pag bagay, ag ti tanan nimi mayad buwat bilang ga mauring pag tarapu. Kami tanan nagbaliw ga labung magkalayung, ag parihu sa durus, ipinayag kami nimi kadautan.

Isayas 65:16

Una si unu sa daga Israil ti mamagaw papalad ngatay saad mabuwat inda sa kang ngaran — ti Diyus matinupadun. Dahil kalimtan yi niku ti manga nalawyan pag kakurian, bul-un yi niku sa kang naisipan.

Hirimyas 4:2

ag nu manumpa kawu sa pangaran lang niku mangabuhi kawu matinupadun, matadlung ag kang-ud, bumaliw papalad kawu sa manga nasyun bag-u dayawun nida aku.”

Hirimyas 44:26

Dapat pagpatingi kamu sa kang sabihun, kamu pag manga taga Huda mag-uli sa Ihiptu. Pag-isumpa niku sa kang sadili taynguna ginan udyi may bumanggit sa kanyu sa kang ngaran makamaskihan. Balaw yi niku pahintulutan gamitun niyu kang ngaran sa kanyu magsumpa parihu sa kainda, “Magsumpa aku sa ngaran buhi pag Panginuun Diyus.”

Hirimyas 5:2

Una paggamitun niyu kang ngaran sa kanyu magtaratu, magpudil diman kamu.”

Libitiku 19:12

Danga kamu magsumpa sa kapudilan tabug sa kang ngaran, dahil nu buwatun niyu inda paglapastanganun niyu kang ngaran. Aku ti Panginuun.

Mikas 2:7

Hayga, sinaadan aw lugud Panginuun kay lahi ni Hakub? Tabu yi aw lugud kay pasunaid? Buruwatun aw lugud niya ti magruris?” Inda kay sagut Panginuun, “Nu pagbuwatun lang niyu ti kaayadan, matanggap gid niyu kang manga taratu.

Sipanyas 1:5

Papasun diman niku ti manga tawu magdayik sa bubungan nida manga balay hampay mansamba sa init, sa bulan, hanggan sa manga pamgasan. Papasun niku ti manga magsamba ag magpanumpa mansirbi sa kangku, dapat magpanumpa diman mansirbi sa diyus-diyusan sa kan Muluk.

Sakaryas 5:3

Magkun ti anghil sa kangku, “Nakasurat sa tunda pag kasuratan ti saad rumas-ug sa buu daga Israil. Pagsabihun sa usa ka bahagi kasuratan ti tanan manugtakaw duraun sa Israil, ag sa baliw bahagi waydi kasuratan pagsabihun ti kada usa manumpa may kapudilan duraun diman.

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Bilang 24:7

Maglapwas ti danum sa kanda manga sukadan, ag magtanum sida butir sa daga abunda sa danum. Kanda hari bumaliw mas makapangyarihan waya sa kan Agag hari Amalikita, ag kanda kaharian bumaliw bantug.

Matiyu 23:13

Sinabi ni Hisus, “Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Bilang ga tinalakpan niyu ti sabian hampay ti manga tawu dayu makasulud sa kaharian langit. Kamu dayu magsulud sa kaharian langit bag-u kanyu waya pag-amparahun ti manga magkaibug magsulud ati.

Huwan 1:47

Pagka nakitan ni Hisus si Natanail magpakarani sa kanya, sinabi niya tungkul sa kan Natanail magkun, “Tunda pag tawu tutuu gid Israilita. Unman gid siya maradaya.”

Huwan 4:24

Ti Diyus Ispiritu, nakan ti tawu unman ungud makasamba purya lang nu siya udyukan Ispiritu Diyus hanggan katutuuhanan.”

Ruma 2:17

Dapat pagsabihun nimu kawu Hudiyu magpaniwala sa Kasuguan ni Muysis, kanmu pag-ipadayaw-dayaw kanmu pakiusa sa Diyus.

Ruma 9:6

Balaw sa nitugka lang ti Bagaw Diyus. Dahil balaw waydi ti tanan manga linahi Israil niminsan sa kay pinili Diyus pag nasyun.

Ruma 9:8

Inda kay ibug sabihun, balaw tanan manga anak ni Abraham pagkilalan-un Diyus kuntay manga anak niya. Tunda lang pag manga anak inanak angay sa kay taratu Diyus imaw ti pagkilalan-un kuntay linahi ni Abraham.

Diyuturunumiyu 10:20

Galanga niyu ti Panginuun niyu Diyus ag siya lang gid kanyu sirbihan. Pagsa kanya di gid kamu ag pagsumpa kamu sa kay lang ngaran.

Diyuturunumiyu 33:28

Nakan ti Israil mangulian arayu sa kadamhakan, sa daga abunda sa ani hanggan irinmun ubas, ag nu naan ti tun-ug ginan sa langit imaw ti magpakaun danum sa daga.

Diyuturunumiyu 5:28

“Nasaydan Panginuun kanyu sinabi katpung naghampang kamu sa kangku, ag magkun siya, ‘Nasaydan niku nu hintay kay pagsabihun inda pag manga tawu sa kanmu, ag mayad ti tanan nida pagsabihun.

Diyuturunumiyu 6:13

“Galanga niyu ti Panginuun niyu Diyus; siya lang gid kanyu sirbihan ag pagtaratu kamu sa kay lang ngaran.

1 Timutiyu 4:2

May manga pudilun manugtudlu aban, kanda naisipan pinadluman ni Satanas, udyi sida magkilala sa daut sa mayad. Sa kanda magdaya,

Ipinakakit 2:9

Alam niku ti manga subuk kanmu nalakawan. Alam niku kawu pugri, dapat nu sa ungud mayaman ngap kawu. Alam diman niku kawu pagpuyaan manga tawu magpabalhinguun kuntay sida manga Hudiyu dapat nu sa ungud sida manga sakup ngap ni Satanas.

Ipinakakit 3:9

Malu, ti manga sakup ni Satanas manga magpabalhinguun kuntay sida Hudiyu dapat bukun waydi Hudiyu, manga pudilun lang. Paludhun niku sida sa kanmu atubangan, bag-u maalaman nida kawu kang gid pagmahalun.