Isayas 47:9 - Hanunuu

⁹ Dapat kadaka inda mangyari sa kanmu: Maburanday kawu ag maduraan manga anak. Matupad gid inda sa kanmu una mayamu waya kanmu alam salumangka ngatay pangiwaan.

Isayas 47:9 Iomraidhean Croise

Kanta 73:19

Kadaka lang sida midamhak; magkaramatay sida tanan sa kanda madala pag patabgan.

Isayas 13:16

Kanda manga lapsag gutay-gutayun sa kanda atubangan. Pamul-un kanda manga kasiyunan sa kanda manga balay ag lugusun kanda manga asawa.

Isayas 21:9

Taynguna, bantayi niyu! May magras-ug manga kalisa guyud-guyud duwa ka kabayu.” Ag magkun waya ti manugbantay, “Nawayak yi ti Babilunya! Ti tanan niya manga histuda diyus-diyusan nag-iridugsak sa daga ag nagkarawayak tanan.”

Isayas 47:11

Nakan ngani rumas-ug sa kanmu ti kadamhakan, unman nimu alam nu kabitay tunda mipakarayu sa panab-anan nimu manga salumangka. Rumas-ug diman sa kanmu ti sarut balaw nimu mabayadan hampay umapas. Kadaka rumas-ug sa kanmu ti kadamhakan balaw nimu pag-isipun mangyari.

Hirimyas 15:9

May ina maduraan pitu ka anak lalaki. Matigbakan siya ag makurian sa mag-arup. Kay manga anak ga init madali mag-isangday. Mangay-a siya dahil udyi siya may anak. Ag ti manga magkasawad buhi ipamatay diman niku sa kanda manga kalaban. Aku, ti Panginuun, ti magsabi inda.”

Hirimyas 51:29

Ga tawu pagtakigan ag magpabaring-baring sa sakit ti Babilunya, dahil buwatun Panginuun kay gayak laban siyun, unman yi may mangulian ag bumaliw mapung-aw tunda pag rugar.

Danyil 2:2

Ipinatawag niya kay manga manugsalumangka, pandaniwan, pangiwaan, hanggan manga manughula, hampay itultul nida ti manga tagin-up niya.

Danyil 4:7

Pagkarinmas-ug ti manga manugsalumangka, pandaniwan, manughula, hanggan pangiwaan, itinultul niku sa kanda kang tagin-up, dapat unman nida mag-itultul kay ibug sabihun.

Danyil 5:30

Sa tunda diman pag yabi, minatay si Bilsasar hari manga taga Babilunya.

Danyil 5:7

Nakan nagringgit siya tawaga ti madunung pag manga tawu sa Babilunya: ti manga pandaniwan, ti manga manughula, hanggan ti manga tihulan. Pagka rinmas-ug sida, magkun siya sa kanda, “Nu si unu ti makabasa tunda sa nakasurat ag makatultul kay kahulugan, parutayan niku panrutayun hari ag paunuan gintu. Bag-u buwatun niku ikatlu siya sa pinakaabwat pag takinan sa kang kaharian.”

Nahum 3:4

Mangyari inda sa Ninibi dahil parihu siya sa babayi pauman-uman magpabili kay sadili bilug. Maggarya siya hanggan maggayuma. Nakan magkagarya niya ti manga nasyun agud pumasakup sa kanya.

1 Tisalunika 5:3

Nu pagkumnun manga tawu, “Kita may kahusayan unman may pagkadalaan!” tunda ngap bigla pag mangyari ti kadamhakan. Dayu gid sida umiwas dahil inda mangyari parihu sa udas nu magpanamdam ti babayi manganak.

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”

Ipinakakit 22:15

Dapat matayak sa luwas banwa ti manga daut pag tawu, ti manga magsarig sa kapangyarihan ni Satanas, ti manga magpanguragin, ti manga maglibun tawu, ti manga magsamba sa diyus-diyusan, ti tanan magbaya sa maradaya hanggan ti manga magdaya.

Rut 1:20

Magkun si Nuymi sa kanda. “Danga yi aku pagtawaga Nuymi, nu unman Mara, dahil pinapait Makamaskihan Diyus kang buhi.

Rut 1:5

namatay sida ni Mahalun ni Kilyun, nakan si Nuymi wadi ti natayak.