Isayas 47:6 - Hanunuu

⁶ Nangisug aku sa kang nasakupan ag ipinurya niku sida. Nakan ipinakaun niku sida sa kanmu manga kamang, balaw nimu sida kinaawaan. Una ti manga gurangun kanmu hinigpitan.

Isayas 47:6 Iomraidhean Croise

2 Samwil 24:14

Nagsagut si Dabid sa kan Gad, “Magkakurian gid aku magpili. Mayad waya ti Panginuun yi lang ti pumarusa sa kangku kaysa ti manga tawu, dahil maawaun gid ti Panginuun.”

2 Krunika 10:11

Kang ibug sabihun mas mabuyat waya ti ipatupad niku sa kanyu kaysa pag-ipatupad niku ama. Nu binakul kamu niku ama latigu, bakulun niku kamu latigu may maratarum pag manga baul.’ ”

2 Krunika 28:9

Dapat pagka rinmas-ug ti manga sundalu sa Samarya, sinulang sida ni Udid purupita Panginuun, ag magkun, “Ipinahintulut sa kanyu Panginuun niyu Diyus ti Huda dahil sa kay pangagalit sa kanda. Dapat subra kanyu binwat; pinanmatay niyu sida unman may awa, ag naalaman inda Panginuun ati sa langit.

2 Krunika 36:17

Ipinagira niya sida sa manga taga Babilunya. Pinanmatay manga taga Babilunya kanda manga kalay-awan lalaki una sa Balay Diyus. Unman gid sida may pangaawa una sa kantapu, lalaki man ngatay babayi, anak man ngatay gurangun, masakitun man ngatay bukun. Ipinabahala Diyus ti tanan niya nasakupan kan Nabukudunusur.

2 Krunika 36:20

Binihag ni Nabukudunusur sa Babilunya ti balaw namatay pag manga Israilita, binwat niya sida panawuhun hanggan niya manga anak tugka sa nagmakapangyarihan ti kaharian Pirsiya.

Isra 5:12

Dapat dahil ginalit nimi manga ginurang ti Diyus sa langit, pinabay-anan niya sida sakupun ni Nabukudunusur usa ka Kaldiyu, hari Babilunya. Dinaut ni Nabukudunusur inda pag Balay Diyus ag binihag niya kanmi manga ginurang tabug sa Babilunya.

Kanta 69:26

Dahil pag-unuunuhun nida ti manga tawu kanmu pagparusahan, ag pag-itultul nida sa iba ti pag-agwanta manga biniyagan nimu.

Isayas 10:6

Suguun niku sida giraha ti nasyun balaw maka-diyus hanggan ti kang pagkagalitan, hampay wayakun ag tatatataan ga lutuk sa baklayan, ag bul-un ti tanan nida kasiyunan.”

Isayas 13:16

Kanda manga lapsag gutay-gutayun sa kanda atubangan. Pamul-un kanda manga kasiyunan sa kanda manga balay ag lugusun kanda manga asawa.

Isayas 14:17

Bukun aw siya ti nanwayak manga banwa, binuwat ga pangawakawaan ti kalibutan, ag unman pinalpasan kay manga binihag?’

Isayas 14:6

Sa kanda pangagalit balaw may apas kanda magpakuri sa manga tawu, masyadu nu mag-unuunu sa manga nasyun.

Isayas 43:28

Nakan ipinauli niku sa kakay-ahan kanmu manga manughandug, ag kawu Israil ipinabahala niku sa kadamhakan hanggan sa kakay-ahan.”

Hirimyas 50:42

Kanda dara armas manga ugyung ag manga bangkaw. Mahigpit sida ag unman may pangaawa. Kanda ingay ga marabaskug pag humbak habang masakyan sida sa kanda manga kabayu. Rumas-ug sida nakaalistu hampay girahun kamu pag manga taga Babilunya.

Karukuan 1:14

Tinipun niya kang manga kasalanan ag ga binuwat higut. Ag inda ti nagguyud sa kangku sa pagkabihag. Parihu lang ga pinaulian aku singkaw sa liug. Pinalumuy aku Panginuun ag ipinakaun sa kang manga kalaban balaw niku makaya.

Karukuan 1:21

Nadnugan manga tawu kang mag-arunghung, dapat unman gid may magpabisug sa kangku una di. Nadnugan tanan niku manga kalaban kang kakurian, ag nagbaya sida sa kanmu binuwat sa kangku. Mana rumas-ug yi ti sirang kanmu itinaratu parusahan nimu sida hampay bumaliw parihu diman sida sa kangku.

Karukuan 2:2

Dinaut niya unman may awa ti tanan manga balay sa manga linahi ni Hakub. Sa kay pangagalit pinandaut niya ti manga may alad batu pag manga banwa sa Huda. Ipinatabu niya ag pinakay-a inda pag kaharian hanggan ti manga takinan siyun.

Karukuan 4:16

Ti Panginuun ti nagwayak sa kanda, unman yi sida labutun Panginuun. Unman yi paggalangun ti manga manughandug ag takinan.

Karukuan 5:12

Binitin may higut sa kamang kanmi manga takinan, unman iginalang kanmi manga ginurang.

Isikil 28:16

Kanmu mayamu manga nigusyu imaw ti dahilan nimu pagkamaisug hanggan pagbuwat daut. Nakan pinalayas niku kawu ginan sa banal pag bantud niku; pinalayas niku kawu sa magsinglaw pag manga batu.

Ubadyas 1:10

“Dahil sa kanyu kahigpitan sa kanyu kalahi, sa linahi ni Hakub, miuli kamu sa kakay-ahan ag rurisun hanggan aban.

Ubadyas 1:16

Nakan ngani nu kabitay pinakurian kang manga nasakupan sa kang banal pag bantud, parusahan diman parargu ti tanan pag nasyun. Masyadu gid pag parusa ti ipakaun niku sa kanda tugka sa matabu sida tanan.

Sakaryas 1:12

Magkun ti anghil Panginuun, “Panginuun Makamaskihan, tugka duy kapira pag pakurianan nimu ti Hirusalim hanggan ti manga iba waya banwa sa Huda? May 70 yi ka timpu duy kawu magkagalit sa kanda?”

Sakaryas 1:15

dapat galit gid aku sa manga nasyun masalimpayaan lang. Kaybi balaw masyadu kang pangagalit sa kanda, dapat dinugangan waya gid nida kang pangagalit sa kanda.

Matiyu 7:2

Dahil pihuun kamu Diyus angay sa kanyu magpihu sa iba nu daut nu mayad. Kanyu gamitun pag panukat sa iba imaw diman pag panukat ti gamitun Diyus sa kanyu.

Diyuturunumiyu 28:50

Maisug sida ag unman may pangaawa sa manga gurangun hanggan manga kalay-awan.

Santiyagu 2:13

Udyi kaawaan Diyus sa kay magsintinsiya ti tawu unman madunung magkaawa. Dapat ti tawu nu madunung magkaawa, unman kailangan magkadala sa parusa Diyus.