Isayas 47:11 - Hanunuu

¹¹ Nakan ngani rumas-ug sa kanmu ti kadamhakan, unman nimu alam nu kabitay tunda mipakarayu sa panab-anan nimu manga salumangka. Rumas-ug diman sa kanmu ti sarut balaw nimu mabayadan hampay umapas. Kadaka rumas-ug sa kanmu ti kadamhakan balaw nimu pag-isipun mangyari.

Isayas 47:11 Iomraidhean Croise

Nihimyas 4:11

Sa baliw baliwa, magkun kanmi manga kalaban, “Padiklahun nita sida, bag-u nida makitan, naslud yi nita kanda rugar. Panmatyun nita sida, umapas yi kanda magtarabahu.”

Kanta 35:8

Mana madiklahan sida sa rumas-ug kadamhakan sa kanda. Mana sida ngapu ti makasulun sa suduk ipinauli nida sa lihim. Mana sida ngapu ti malagpak sa ukang kanda kinali.

Kanta 50:22

Patingihi niyu inda, kamu pag manga magkalimut sa Diyus, dahil nu unman, rurisun niku kamu ag unman may rumibri sa kanyu.

Kanta 55:15

Mana kadaka lang mamatay kang manga kalaban. Mana milbung sida buhi sa lulubngan. Dahil ti kadautan asan diman sa kanda hanggan sa kanda manga ulian.

Kanta 73:19

Kadaka lang sida midamhak; magkaramatay sida tanan sa kanda madala pag patabgan.

Kabagawan 13:21

Rumas-ug ti kadamhakan sa manga makasalanan una naan tabug sida, dapat ti manga matadlung pirimyuhan mayad pag manga bagay.

Isayas 13:6

Paglumi kamu, Babilunya, dahil arani yi ti sirang Panginuun, ti sirang pagguba Makamaskihan pag Diyus sa kanyu.

Isayas 29:5

Dapat rumas-ug ti sirang ti mayamu niya pagkalaban bumaliw ga galbuk ngatay upa palidun durus. Kadaka inda mangyari sa kanda.

Isayas 30:13

kadaka kamu maruris. Kanyu kasalanan parihu sa gini kadaka lang manwayak sa abwat pag alad batu.

Isayas 37:36

Bag-u nag-atag ti anghil Panginuun sa kampu taga Asirya ag minatay niya ti 185,000 sundalu. Igu surip, pagka nimata ti manga nasawad buhi, nakitan nida ti mayamu pag manga bangkay.

Isayas 45:7

Aku ti naglalang rayaw hanggan dulum. Aku tig padara kaayadan ag kadamhakan. Aku, ti Panginuun, ti nagbuwat sa tanan.

Isayas 47:9

Dapat kadaka inda mangyari sa kanmu: Maburanday kawu ag maduraan manga anak. Matupad gid inda sa kanmu una mayamu waya kanmu alam salumangka ngatay pangiwaan.

Isayas 48:8

Balaw niyu napatingihan ngatay naintindihan inda pag manga bagay dahil ginan waya kaybi magpabungul-bungul yi kamu. Alam niku kanyu kapudilan, dahil ginan di waya sa kanyu pagkalusad maglaban yi kamu.

Isayas 57:1

Nu namatay ti usa ka tawu matadlung, unman may magpaingana nu hayga. Unman mayamu ti may alam kuntay ti manga tawu matadlung pagbul-un Diyus hampay ipakarayu sa daut.

Hirimyas 51:29

Ga tawu pagtakigan ag magpabaring-baring sa sakit ti Babilunya, dahil buwatun Panginuun kay gayak laban siyun, unman yi may mangulian ag bumaliw mapung-aw tunda pag rugar.

Hirimyas 51:43

Bumaliw maruku ti manga banwa niya ga pangawakawaan yi unman may mag-uli ngatay udyi may lumawuy siyun.

Hirimyas 51:8

Kadaka mawayak ti Babilunya! Ihimanglaw niyu siya! Bulunga niyu kay manga biyag barang abi umayad siya.”

Karukuan 1:21

Nadnugan manga tawu kang mag-arunghung, dapat unman gid may magpabisug sa kangku una di. Nadnugan tanan niku manga kalaban kang kakurian, ag nagbaya sida sa kanmu binuwat sa kangku. Mana rumas-ug yi ti sirang kanmu itinaratu parusahan nimu sida hampay bumaliw parihu diman sida sa kangku.

Isikil 7:26

Rumas-ug sa kanda ti sunud-sunud pag manga kadamhakan ag daut pag manga barita. Manhagad sida tultulanun sa manga purupita dapat unman sida may matanggap. Balaw sida patigayunun manga manughandug tungkul sa kasuguan, unman diman sida tamyawun manga paggurangunun.

Matiyu 18:34

Nangisug gid kay amu, nakan ipinapirisu ti panawuhun hampay pakurian siya hanggan sa ud mabayadan niya kay utang.

Lukas 12:59

Kang gid pagsabihun sa kanmu, unman gid kawu makalpas hanggan sa unman waya matabwan mabayadan nimu kam utang.”

Lukas 17:27

Nagkaun ti manga tawu, nag-inum, nagpangasawa sida ag ipinaasawa hanggan sa ati katpung pag sirang pagka sinmaka si Nuwi sa kay sakayan ag binmaha daka napapas sida tanan.

1 Tisalunika 5:3

Nu pagkumnun manga tawu, “Kita may kahusayan unman may pagkadalaan!” tunda ngap bigla pag mangyari ti kadamhakan. Dayu gid sida umiwas dahil inda mangyari parihu sa udas nu magpanamdam ti babayi manganak.

Ipinakakit 3:3

Pag-isip-isipa gid nimu nu kabitay nimu natanggap ti kanmu nadnugan pag manga tudlu. Tupada nimu tida. Ampui yi patlikudi yi kanmu buwat kadautan. Nu unman kawu mimata, asan tag aku parihu ga mananakaw. Unman nimu alam ti udas niku pagras-ug sa kanmu.