Isayas 47:10 - Hanunuu

¹⁰ Magpaniwala kawu balaw midamhak sa kanmu magbuwat kadautan, dahil pag-isipun nimu balaw may maghiling sa kanmu. Pag-ipatalang kawu nimu kadunungan hanggan kaalaman, tunda diman kay dahilan nu hayga pagsabihun nimu kawu ti diyus udyi may iba waya.

Isayas 47:10 Iomraidhean Croise

Kanta 10:11

Kanda isip unman sida pagpansinun Diyus ag unman mag-akitan kanda manga pagbuwatun.

Kanta 52:7

“Bantayi niyu ti manga tawu balaw magsarig sa Diyus bilang kanda marig-un pag darangpan. Bagkus ngap magsarig sida sa kanda mayamu pag kasiyunan ag nag-amat waya gid kanda kapangyarihan sa panab-anan pagpadamhak sa iba.”

Kanta 64:5

Paggaryahun nida ti usa kag usa agud buwatun kanda gayak daut. Ag paggayakun nida nu naan nida pag ipauli kanda manga suduk. Magkumun sida, “Balaw may makakit inda.”

Manugtudlu 8:8

Nu kabitay unman maampara tawu ti durus, unman diman niya maampara kay kamatayan. Parihu inda sa girahan unman siya makapalagiw. Ag kay kadautan unman gid makaribri sa kanya sa kamatayan.

Isayas 28:15

Dahil magpadayaw kamu ag magkumun, “Nagbuwat kami kasunduan sa kamatayan hampay balaw kami mamatay, ag nagkasundu kami sa rugar manga namatay hampay balaw kami madara ati. Nakan ngani, balaw kami mipadamhak una waya rumas-ug ti manga kadautan ga baha, dahil kami magsarig maribri sa panab-anan nimi pamudil ag pagdaya.”

Isayas 29:15

Kaawaawa kamu pag manga magtagu kanyu manga gayak sa Panginuun. Pagbuwatun niyu kanyu manga buruwatun sa madlum ag pagsabihun niyu, “Unman may kumakit ngatay may umalam sa kanta pagbuwatun.”

Isayas 44:20

Ti manga magbuwat inda ga nangaun dapug. Ipinatalang siya niya daut pag kaisipan, balaw niya mairibri kay sadili. Balaw siya pumasnu kuntay ti tawu-tawu asan sa kanya balaw diyus.

Isayas 47:8

Nakan patingihi nimu inda, kawu mairibgun sa kasulungan ag mag-isip ribri yi. Pagsabihun nimu sa kanmu sadili kuntay kawu yi ti diyus udyi may iba waya. Pag-isipun nimu balaw kawu maburanday ngatay maduraan manga anak.

Isayas 5:21

Kaawaawa kamu, kamu pag manga mag-isip madunung ag matinudukun.

Isayas 59:4

Balaw niyu pag-isipun ti katadlungan; ti manga bangdan niyu sa kanyu manga kaparihu pudu kapudilan. Daut kanyu manga pag-isipun, bag-u imaw tida kanyu pagbuwatun.

Hirimyas 23:24

Una si unu unman may makapatagu sa kangku una naan pag lihim rugar mag-akitan di niku. Balaw aw alam niyu kuntay aku ati sa langit, asan sa daga ag una naan? Aku, ti Panginuun, ti magsabi inda.

Hirimyas 9:23

Magkun waya gid ti Panginuun, “Balaw kailangan pag ipadayaw madunung kay kadunungan, ngatay mabisug kay kabisugan, aw ngatay ti mayaman kay kayamanan.

Isikil 8:12

Bag-u magkun ti Diyus sa kangku, “Anak tawu, malu nakitan yi nimu nu hintay ti pagbuwatun sa lihim manga paggurangunun sa Israil? Kada usa sa kanda asan sa sulud-sulud niya diyus-diyusan. Magkun sida, ‘Unman magbantay ti Panginuun sa kanta; binugyahan yi niya ti Israil.’ ”

Isikil 9:9

Nagsagut siya sa kangku, “Masyadu yi gid ti kasalanan nasakupan Israil ag Huda. Masyadu yi ti maratyan ag unman yi may katadlungan sa banwa. Magkun waya sida, ‘Unman magbantay ti Panginuun sa kanta; binugyahan yi niya ti Israil.’

Danyil 4:27

Nakan Mahal Hari, mana tanggapun nimu inda kang paanyu sa kanmu: Pagpakarayu kawu sa kasalanan ag pagbuwat mayad, ag pagmaawaun kawu sa manga pugri. Nu buwatun nimu inda barang pumirmaminti kawu abunda.”

Sipanyas 2:15

Katunda ti mangyari sa banwa Ninibi, magpadayaw-dayaw kuntay unman may man-gira sa kanda ag unman may pumarihu sa kanda. Dapat lubusan yi madaut ti banwa ag ulianan wadi inda talun hayup. Ag ti kada maglawuy ati magkasari-sari magsurug sa kanda kahamtangan.”

Ruma 1:22

Magpanaguabi sida kuntay madunung, dapat ay unman ngap may kabuluhan kanda kadunungan.

1 Kurintu 3:19

Dahil ti kadunungan kalibutan bukun ngap kadunungan nu sa Diyus. Dahil nisurat sa Banal Kasuratan magkun, “Pagpasalanun Diyus ti manga madunung sa kanda sadili pagdaya.”