Isayas 47:1 - Hanunuu

¹ Magkun ti Panginuun, “Babilunya, manukawan kawu sa daga. Manukawan kawu unman may tukawan hari. Kawu parihu sa tugnaw pag babayi, balaw yi tawagun mabuut ag maalumanay.

Isayas 47:1 Iomraidhean Croise

Hub 2:13

Bag-u nanukaw sida sa daga kaibahan ni Hub sa sulud pitu ka sirang ag pitu ka yabi. Balaw sida namagaw sa kanya dahil nakitan nida ti masyadu pag kakurian kay pag-agwantahun ni Hub.

Hub 2:8

Nam-ul si Hub dariit pag manga basag anglit bag-u ginamit niya pangarud sa kay manga kugan garis habang matukawan sa dapug.

Kanta 137:8

Kamu pag manga mag-uli sa Babilunya, rurisun kamu! Mapalad ti manga tawu rumuris sa kanyu ga kanyu binwat sa kanmi.

Kanta 18:27

Hu, pag-iribri nimu ti manga mapinakumbabaun, dapat pag-ipaababa nimu ti manga marapadayaw-dayaw.

Kanta 89:44

Bin-ul nimu kay kapangyarihan hanggan kay karampatan bilang hari.

Isayas 13:1

Inda ti pagsabihun tungkul sa Babilunya, ti ipinaburayhaw Panginuun sa kan Isayas kay anak ni Amus:

Isayas 13:13

Tandugun niku ti langit hanggan ti kalibutan. Aku, ti Panginuun Makamaskihan, buwatun niku inda sa sirang ipakakit niku kang masyadu pag pangagalit.”

Isayas 14:1

Kaawaan Panginuun ti Israil ag utru niya piliun bilang kay nasakupan. Utru pauliun niya sida sa kanda sadili daga, ag may manga day-uhan kumuyug mangulian kaibahan sa nasyun Israil.

Isayas 21:1

Inda ti pagsabihun tungkul sa Babilunya, pangawakawaan arani sa saruy dagat: Gumira ti manga kalaban parihu sa buhawi. Lumakaw sa Nigib ginan sa pangawakawaan, sa pagkadalaan pag daga.

Isayas 23:12

Magkun ti Panginuun, “Manga nasakupan Sidun, tapus yi kanyu manga masulung pag sirang. Midamhak yi kamu! Una waya lumayas kamu atag sa Sipru, unman diman waydi kamu makapahari ati.”

Isayas 26:5

Sa ungud, pag-ipakababa niya ti manga marapadayaw. Pagrup-agun niya kanda manga banwa tugka sa marunut sa daga.

Isayas 3:26

May manga maglulumian ag maghimanglaw sa manga puwirtahan banwa. Ag ti banwa miparihu sa babayi malubnangan sa daga, naduraan manga kasiyunan.

Isayas 37:22

inda ti pagsabihun Panginuun laban sa kanya: “Pagkadat-an ag pagsurugun kawu manga nasakupan Siun, ti banwa Hirusalim. Magkarasarin-an sida sa pagpuya sa kanmu magpalagiw.

Isayas 52:2

Danga yi kawu maruku parihu sa manga tawu magpanrukuan matukawan sa daga. Pagbangun yi kawu ag utru pagdumara. Ag kamu pag manga nasakupan Hirusalim, palpasi yi niyu kanyu sadili ginan sa pagkabihag.

Hirimyas 13:18

Sinugu aku Panginuun kuntay sabihun sa hari hanggan sa kay ina rayna pagdugsun sida gin sa kanda tukawan hari dahil arani yi bul-un sa kanda ulu ti marinu nida pag kuruna.

Hirimyas 46:11

“Manga taga Ihiptu, una umatag waya kamu sa Gilyad hampay manligaw bulung, ti tanan bulung udyi may bisa ag udyi gid makapaayad sa kanyu.

Hirimyas 48:18

“Kamu pag manga taga Dibun, pagpakumbaba kamu ag pagtukaw sa daga dahil ti nagwayak sa Muab man-gira diman sa kanyu ag gubaun nida kanyu manga banwa magkasangput manga alad batu.

Hirimyas 50:1

Inda ti pagsabihun Panginuun sa kan Hirimyas tungkul sa Babilunya ag sa nasakupan inda:

Hirimyas 50:42

Kanda dara armas manga ugyung ag manga bangkaw. Mahigpit sida ag unman may pangaawa. Kanda ingay ga marabaskug pag humbak habang masakyan sida sa kanda manga kabayu. Rumas-ug sida nakaalistu hampay girahun kamu pag manga taga Babilunya.

Hirimyas 51:1

Inda waya ti sinabi Panginuun tungkul sa Babilunya: “Hamunun niku ti manugruris hampay girahun ti Babilunya hanggan kay nasakupan inda.

Hirimyas 51:33

Magkun ti Panginuun Makamaskihan, ti Diyus Israil, “Ti Babilunya parihu sa tirigu arani yi anihun ag giukun.”

Hirimyas 51:51

Pagsabihun niyu, ‘Magkay-a kami. Pagpuyaan kami ag pag-ipauli sa makakaray-a dahil ti Balay Diyus Panginuun inuringan manga day-uhan.’

Karukuan 2:10

Ti manga manugpamahala sa Hirusalim matukawan sa daga unman gid magbagaw. Pinaulian nida manga galbuk kanda manga ulu ag nanrutay sida saku magpakakit kanda karukuan. Ti kasupangan pag manga babayi sa Hirusalim mayungduan sa kay-a.

Karukuan 2:21

Nagkarawayak sa manga karsada ti manga bangkay manga anak ag gurangun. Nagkaramatay sa girahan ti manga kalay-awan lalaki ag babayi. Pinanmatay nimu sida unman may awa dahil sa kanmu pangagalit.

Karukuan 4:5

Ti manga tawu magkaun kaybi masarap karan-unun, magpanhagad wadi taynguna karan-unun sa manga tawu sa manga karsada. Ti manga nagdaka manga mayaman, magpunpun wadi taynguna karan-unun sa rayamtan paruk.

Isikil 26:16

Ti manga takinan manga rugar arani sa dagat dumugsun sa kanda tukawan hari bag-u man uba kanda panrutayun hari hanggan kanda pansulud pag rutay marinu. Ag manukawan sida sa daga, pagtakigan sa kadalaan dahil sa kanyu nadangtan.

Isikil 28:17

Nagpadayaw-dayaw kawu dahil sa kanmu karinuan, bag-u ginamit nimu sa kadautan kanmu kadunungan hampay maibantug kawu. Inda kay dahilan nu hayga iyinmut niku kawu sa daga, bag-u nagbaliw barantayan kawu iba manga hari.

Hunas 3:6

Pagka nadnugan hari ti tungkul sa tultulanun ni Hunas, tinmindug siya ginan sa kay tukawan hari ag linukas niya kay kulimpay, bag-u nanrutay saku, rargu tinmukaw siya sa daga hampay ipakakit kay magsisi.

Hagay 2:22

Duraun niku ti manga kaharian hanggan kanda kapangyarihan. Magkaragpu kanda manga kalisa hanggan kay manga sakay. Magkaramatay kanda manga kabayu ag manmaratyan kanda manugkabayu.

Ipinakakit 18:7

Nu kabitay siya magpadayaw-dayaw sa kay kayamanan ag magpalabaw-labaw, katunda diman ipakaun niyu sa kanya ti mahigpit pag kakurian hanggan karukuan bilang patimbang. Dahil pirmi pagpakaisip-isipun niya magkun, ‘Rayna yi gid aku tutuu, balaw aku buranday, udyi aku may malakawan karukuan hanggan waya aban.’