Isayas 46:3 - Hanunuu

³ Pagpatingi kamu sa kangku, manga linahi ni Hakub, kamu ti manga nasawad pag nasakupan Israil. Pag-alagaan niku kamu ginan sa pagkalusad.

Isayas 46:3 Iomraidhean Croise

Kanta 28:9

Ribrihan ag papaladi kanmu magkaapu pag nasakupan. Alagai sida parihu sa manug-alaga karanidu; alagai sida sa unman may katapusan.

Kanta 71:6

Ginan sa kang pagkalusad magsarig aku sa kanmu ag pag-alagaan nimu aku. Dayawun niku kawu sa unman may katapusan.

Pag-ighit 19:4

‘Nakitan gid niyu nu hintay kang binwat sa manga Ihipsiyu, ag nu kabitay kamu niku dinara sitay tag sa kangku, parihu sa pagdara agila sa kay manga pispis sa panab-anan niya manga pakpak.

Isayas 1:9

Nu ti Panginuun Makamaskihan balaw lang nagsawad una di pira sa kanta, parihu yi kita sa Suduma ag Gumura.

Isayas 10:20

Rumas-ug ti sirang ti manga nasawad Israilita linahi ni Hakub unman yi mansarig sa Asirya, imaw ti nagpakuri sa kanda. Sumarig yi sida sa Panginuun, ti Banal pag Diyus Israil. Bumalik nalub-anan sida sa Makamaskihan pag Diyus.

Isayas 10:22

Una waya ga baras sa baybay dagat kay kayamu ti manga Israilita, pira lang ti makabalik. Nakatagka yi ti parusa para sa buu Israil. Pihu tupadun inda Panginuun Diyus Makamaskihan.

Isayas 11:11

Sa ati pag sirang utru gamitun Panginuun kay kamaskihan hampay pauliun ti manga nasawad pag nasakupan niya dinara-bihag sa Asirya, sa Ihiptu, sa Patrus, sa Itiyupya, sa Ilam, sa Babilunya, sa Hamat ag sa iba waya rugar arayu.

Isayas 37:4

Ipinadara hari Asirya kay kumandir manga sundalu hampay puyaan ti Diyus buhi. Barang abi nadnugan Panginuun nimu Diyus ti sinabi kumandir ag parusahan siya sa kay sinabi. Nakan idarangin nimu ti manga nasawad sa kanta.”

Isayas 4:3

Ingarnan banal ti manga nasawad buhi sa Siun, ti nailista sa banwa Hirusalim.

Isayas 44:21

Magkun waya ti Panginuun, “Israil, dahil kawu kang manugsirbi, isipa nimu inda: Linalang niku kawu agud sumirbi sa kangku. Balaw gid niku kawu kalimtan.

Isayas 46:12

Pagpatingi kamu sa kangku, kamu pag manga lapastangan. Balaw gid niyu malakawan ti kapanaluhan may katuwiran.

Isayas 48:1

“Pagpatingi kamu, manga linahi ni Hakub, pag-ingarnan Israil, ginan sa sinulput ni Huda. Magsumpa kamu sa ngaran Yawi, ti Panginuun, bag-u magtawag sa Diyus Israil. Dapat magpabalhinguun lang maaw, dahil balaw diman matadlung kanyu pangabuhi.

Isayas 51:1

Magkun ti Panginuun, “Pagpatingi kamu sa kangku, kamu ti manga magkaibug maribri hanggan ti manhagad awat sa kangku. Alalahana niyu sida ni Abraham ni Sara kanyu manga ginurang. Parihu sida sa batu nagpikahan ngatay nagkalihan sa kanyu. Kaybi tinawagan niku si Abraham, usa-usa siya, dapat pinapaladan niku siya ag pinakan-an mayamu pag linahi.

Isayas 51:7

Pagpatingi kamu sa kangku, kamu ti manga may alam nu hintay ti kang-ud ag magsunud sa kang kasuguan! Danga kamu magkadala sa manga magpakay-a ag magpuya pag manga tawu sa kanyu.

Isayas 63:9

Sa tanan nida karukuan, magkaruku diman siya, ag irinibri niya sida sa panab-anan anghil nagpaburayhaw sa kay uyahun. Dahil sa kay pagmahal ag pangaawa irinibri niya sida. Kaybi di waya ginan, inalagaan niya sida sa tanan pag sirang.

Diyuturunumiyu 1:31

hanggan sa pangawakawaan. Nakitan niyu nu kabitay kamu inalagaan Panginuun niyu Diyus, parihu sa ama mag-alaga sa kay anak, tugka sa makaaput kamu sa inda pag daga.’