Isayas 45:6 - Hanunuu

⁶ hampay maalaman nasakupan sa buu kalibutan unman may iba Diyus purya sa kangku. Aku ti Panginuun, udyi may iba waya.

Isayas 45:6 Iomraidhean Croise

Kanta 46:10

Magkun siya, “Apasi yi niyu ti paggira. Ag kilalan-a niyu aku ti Diyus. Kamu pag manga nasyun sa buu kalibutan dumayaw sa kangku.”

Kanta 83:18

Mana maalaman nida kawu, Panginuun, imaw lang gid ti Kaabwat-abwatan pag Diyus sa buu kalibutan.

Isayas 11:9

Udyi may mandaut ngatay man-guba sa Siun, ti banal niku pag bantud. Dahil bumaliw lantap sa buu kalibutan ti pagkilala sa Panginuun parihu sa kalalawdan dagat punu danum.

Isayas 37:20

Nakan Panginuun nimi Diyus, iribri nimu kami sa kamang Asirya, hampay maalaman tanan kaharian sitay sa kalibutan kawu lang, Panginuun ti Diyus.”

Isayas 43:10

Manga nasakupan Israil, kamu kang manga kastigus. Ipinasaman niku kamu kang manugsirbi, agud makilala niyu aku ag sumarig kamu sa kangku, bag-u masalman niyu aku lang ti Diyus. Ud may iba diyus inmuna sa kangku, unman diman may Diyus dumasun waya sa kangku.

Isayas 44:6

Inda ti pagsabihun Panginuun, ti Hari ag Manugribri Israil, ti Panginuun Makamaskihan, “Aku ti umpisa ag ti katapusan tanan. Purya sa kangku udyi may iba waya Diyus.

Isayas 45:5

Aku ti Panginuun, udyi may iba waya; purya sa kangku udyi may iba Diyus. Pabisugun niku kawu una unman nimu aku kilala,

Isayas 47:8

Nakan patingihi nimu inda, kawu mairibgun sa kasulungan ag mag-isip ribri yi. Pagsabihun nimu sa kanmu sadili kuntay kawu yi ti diyus udyi may iba waya. Pag-isipun nimu balaw kawu maburanday ngatay maduraan manga anak.

Isayas 49:26

Ipakaun niku sa manga mag-api sa kanmu kanda sadili bilug, bumaliw ga langu sida sa sadili nida dugu. Bag-u maalaman tanan tawu aku, ti Panginuun, kanmu Manugribri hanggan Manugpalpas, ti Makamaskihan pag Diyus ni Hakub.”

Isayas 59:19

Galangun siya ag dayawun una naan, dahil rumas-ug siya ga magragasras danum paghuypun mabaskug pag durus.

Isikil 38:23

Sa panab-anan inda ipakakit niku kang kapangyarihan ag kabanalan sa tanan nasyun. Bag-u maalaman nida aku ti Panginuun.”

Isikil 39:21

“Ipakakit niku kang kadayawan sa manga nasyun. Nu parusahan yi niku ti manga nasyun, makitan nida nu kabitay aku, ti makamaskihan.

Huwil 2:27

Bag-u maalaman niyu manga taga Israil aku kanyu kaibahan, ag aku lang ti Panginuun niyu Diyus ag udyi may iba waya. Kamu kang nasakupan balaw yi gid mangay-a hanggan aban.”

Malakyas 1:11

Sa kay tutuu, pagdayawun manga nasyun kang ngaran, ginan sa butlakan tugka sa isalpan. Una naan pag rugar magtuub ti manga tawu kamangyan ag maghandug malumpiyu pag manga handug sa kangku.