Isayas 45:11 - Hanunuu

¹¹ Inda waya ti pagsabihun Panginuun, ti Banal pag Diyus Israil, ti naglalang sa kanya, “Magriklamu aw kamu sa kang manga pagbuwatun? Pagsuguun aw niyu aku sa manga dapat niku buwatun?

Isayas 45:11 Iomraidhean Croise

Gimpuunan 32:26

Magkun ti tawu, “Bul-iwi yi nimu aku dahil magkasurip yi.” Dapat sinmagut si Hakub, “Balaw niku kawu bul-iwan tugka sa unman nimu aku pagpapaladan.”

Isayas 19:25

Papaladan sida Panginuun Makamaskihan magkumun, “Pagpapaladan niku ti manga taga Ihiptu kang manga nasakupan, ti manga taga Asirya kang linalang, hanggan ti manga taga Israil kang magkaapu.”

Isayas 29:23

Dahil nu nakitan nida ti manga binwat niku, galangun nida aku, ti Banal pag Diyus ni Hakub. Ag magkaimaw sida dala sa kangku, sa Diyus Israil.

Isayas 43:1

Dapat taynguna inda ti pagsabihun Panginuun ti naglalang sa kanmu, Ungud Israil: “Danga kawu magkadala dahil iribri niku kawu. Tinawag niku kawu sa kanmu ngaran, dahil kangku kawu.

Isayas 43:15

Aku ti Panginuun, kanyu Banal pag Diyus, ti naglalang sa Israil, kanyu Hari.

Isayas 43:21

Sida pag manga nasakupan kang linalang para sa kangku, agud dumayaw sa kangku.

Isayas 43:3

Dahil aku ti Panginuun nimu Diyus, ti Banal pag Diyus Israil, kanmu Manugribri. Ipakaun niku sa iba ka nasyun ti Ihiptu, ti Itiyupya, hanggan ti Siba bilang ka ilis nimu.

Isayas 43:7

Sida pag manga tawu kang tinawag. Linalang niku sida para sa kang kadayawan.”

Isayas 44:2

Aku, ti Panginuun, ti naglalang hanggan ti mag-awat sa kanmu. Danga kawu magkadala, Hakub, kawu kang manugsirbi, Israil, hanggan kang pinili.

Isayas 45:10

Kaawaawa ti anak magkumun sa kay gurang, ‘Hayga kainda kanyu nagbuwat sa kangku?’ ”

Isayas 48:17

“Magkun ti Panginuun kanyu Manugribri, ti Banal pag Diyus Israil: Aku ti Panginuun niyu Diyus ti nagtudlu sa kanyu nu hintay ti mayad para sa kanyu, aku diman ti naggiya sa kanyu tabug sa hustu pag dalan.

Isayas 54:5

Dahil aku kanmu manuglalang ga kanmu asawa. Kang ngaran Yawi Makamaskihan sa tanan. Aku ti Banal pag Diyus Israil, kanmu Manugribri. Pag-ingarnan aku ‘Diyus buu kalibutan.’

Isayas 60:21

Ti tanan nimu nasakupan bumaliw matadlung, ag sida yi ti umapu daga Israil hanggan aban. Binwat niku sida ga halaman kang itinanum para sa kang kadayawan.

Isayas 63:16

Dahil kawu kanmi Ama, una unman kami kilalahun ni Abraham ag ni Hakub kanda linahi. Tutuu, Panginuun, kawu ti kanmi Ama, kanmi Manugribri kaybi ginan.

Isayas 64:8

Dapat Panginuun, kawu di gid kanmi Ama. Parihu kawu sa manugbuwat anglit, ag kami waydi parihu sa lutuk. Kawu ti nagbuwat sa kanmi tanan.

Isayas 8:19

Nu may magsabi sa kanyu paghagad kamu pasandam ginan sa manga namatay sa panab-anan manga panhirian ag manga pandaniwan magbudung-budung, danga niyu pagbuwata tida. Unman aw kailangan sa Diyus kamu paghumagad pasandam? Hayga sa manga namatay kamu pag mamaingana para sa buhi?

Hirimyas 3:19

Aku gid ngapu ti magsabi, ‘Magbaya gid aku kuntay baliwun kamu manga anak niku ag pakan-an marinu pag daga kuntay pinakamarinu pag pamana sa buu kalibutan.’ Ag ti hantup niku ingarnan niyu aku ‘Amang’ ag balaw yi kamu pablag sa kangku.

Hirimyas 31:1

Magkun waya ti Panginuun, “Sa ati pag sirang, aku bumaliw Diyus buu Israil ag bumaliw pinili niku sida.

Hirimyas 31:9

Manlulumian sida sa kabayaan ag mandarangin habang paggiyahan niku sida pauli. Tabanun niku sida sa manga may bulbugan, lumakaw sida sa mayad pag dalan ag balaw sida madayaan. Dahil aku ti ama Israil, ag si Ipraim kang panganay pag anak.”

Hirimyas 33:3

“Pagtawag kawu sa kangku ag sagutun kawu niku, ipaburayhaw niku sa kanmu ti manga makadululaw ag lihim pag manga bagay balaw waya nimu alam.

Isikil 36:37

Magkun waya gid ti Panginuun Diyus, “Patingihan maan niku ti pagpaawa-awa nasakupan Israil, ag inda kang buwatun sa kanda: Payamuun niku sida parihu kayamu sa manga karanidu pag-isagda sa Hirusalim sa udas pista. Nakan ti nagkaradaut pag manga banwa ulianan yi mayamu manga tawu. Bag-u maalaman nida aku ti Panginuun.”

Isikil 39:7

Ipaalam niku sa kang nasakupan manga Israilita kuntay banal kang ngaran, ag balaw yi niku pahintulutan mangay-a waya inda. Bag-u maalaman manga nasyun aku ti Panginuun, ti banal pag Diyus Israil.

Danyil 2:18

Sinabihan sida ni Danyil kuntay, “Mandarangin kita hampay kaawaan kita Diyus sa langit, ag maalaman nita kay ibug sabihun tagin-up hari, hampay balaw kita matyun kaibahan ti iba waya pag manga dunungin pag tawu sa Babilunya.”

Husyas 1:10

Dapat rumas-ug ti sirang kaawaan niku sida ag papaladan; bumaliw sida ga baras sa baybay dagat kay kayamu unman matakal ngatay mabilang. Taynguna pag-ingarnan sida, ‘Balaw kang nasakupan,’ dapat aban ingarnan sida, ‘Manga anak buhi pag Diyus.’

Husyas 12:4

sa panab-anan usa ka anghil, ag nanalu siya. Maglumi siya habang maghagad papalad sa anghil. Nakitan niya ti Diyus sa Bitil, bag-u ati naghampang sa kanya ti Diyus.

Markus 11:24

“Nakan ngani kang pagsabihun sa kanyu, una hintay kanyu hagadun sa kanyu magdarangin, pihu mangyari sa kanyu nu kamu magsarig kuntay natupad tunda sa kanyu.

2 Kurintu 6:18

Magkun ti Panginuun Makamaskihan, “Aku yi gid kanyu Ama, kamu kang yi waydi manga anak lalaki, manga anak babayi.”

Ipisu 2:10

Kita hinuman Diyus niusa sa kan Kiristu Hisus hampay itigana nita kanta buhi bilug sa buruwatun mayad, imaw kay ihinanda Diyus kaybi waya ginan hampay kanta ugaliun.

Huswi 10:12

Katpung sirang pinapanalu Panginuun ti manga Israilita sa manga Amuriyu, nandarangin si Huswi sa Panginuun. Bag-u magkun siya mintaras magpatingi ti manga Israilita, “Init, pagpat-ung kawu sa tungud Gibyun! Bulan, pagpat-ung sa tungud Luung Ayalun.”

Talaghusay 16:23

Usa ka bisis, nagtiripun maan ti manga takinan manga Pilistiyu hampay mandaus ag mamakaun mayamu pag manga handug sa kanda diyus si Dagun. Sa kanda magdaus magkanta sida: “Pinanalu kita nita diyus laban sa kan Samsun kanta kalaban.”