Isayas 45:1 - Hanunuu

¹ Pinili si Sayrus Panginuun hampay pabisugun kay kapangyarihan, ag hampay sakupun ti manga nasyun, taluhun ti manga hari. Bukasan niku ti manga sabian nida banwa bag-u agawun, danga yi tunda pagtalakpi. Inda ti pagsabihun Panginuun sa kan Sayrus:

Isayas 45:1 Iomraidhean Croise

1 Hari 19:15

Magkun ti Panginuun sa kanya, “Pagbalik kawu sa kanmu nag-uryanan, ag pag-atag sa pangawakawaan Damasku. Pagras-ug nimu ati, payidan nimu lana ulibu si Hasail bilang pag-ipakilala kuntay siya yi ti hari sa Aram.

Isra 1:1

Sa un-an timpu kay maghari ni Sayrus sa Pirsiya, tinandug Panginuun kay tagipusuun ni Sayrus sa pagsurat usa ka paalam ipabantala sa buu niya kaharian. Nangyari inda hampay matupad ti sinabi Panginuun sa panab-anan ni Hirimyas.

Isra 1:2

“Inda kay pagsabihun ni Hari Sayrus taga Pirsiya: “Ipinakaun sa kangku Panginuun, Diyus kalangitan, ti tanan pag kaharian sitay sa kalibutan, ag ikinatiwala niya sa kangku ti pagpatindug Balay Diyus para sa kanya ati sa Hirusalim sakup Huda.

Hub 12:21

Pagsurugun niya ti may kangaranan pag manga tawu, ag pagbul-an niya kapangyarihan ti may kapangyarihan pag manga tawu.

Kanta 73:23

Dapat una katida magpakarani di aku sa kanmu ag paggiyahan nimu aku.

Isayas 13:2

Pagtur-ug kamu usa ka bandira ati sa katayungtungan bantud balaw may puun kayu. Bag-u pagringgit kamu mabisug sa manga sundalu ag paamani niyu sida hampay girahun ag suldun ti manga banwa manga kilala ag makamaskihan pag tawu.

Isayas 13:3

Sinugu yi niku kang manga itinigana pag manga sundalu imaw ti pumarusa sa pagkagalitan niku pag manga tawu. Inda pag manga sundalu magbaya ag magsarig buwatun niku inda pag parusa.

Isayas 41:13

Dahil aku, ti Panginuun kanmu Diyus, imaw ti magpabisug sa kanmu ag ti magsabi danga kawu magkadala dahil awatan niku kawu.

Isayas 41:2

Si unu ti nagpadara usa ka tawu ginan sa butlakan ag nagpakaun sa kanya panalu sa labanan, una naan siya pag umatag? Si unu ti nagpasakup sa kanya sa manga hari ag manga nasyun? Winayak niya ti manga nasyun ag pinanmatay ti manga hari sa panab-anan baladaw ag ugyung. Ag inda nagbaliw ga taypuk pag ipayag durus.

Isayas 41:25

Pinili niku pinunu ti usa ka tawu ginan sa kanaway. Mandangup siya sa kangku, taynguna siya pag rumas-ug ginan sa butlakan. Rurisun niya ti manga takinan ga magtata manugpanday anglit sa lutuk.

Isayas 42:6

Magkun siya sa kay manugsirbi, “Aku ti Panginuun magtawag sa kanmu hampay ipakakit kang katadlungan. Awatan ag alagaan niku kawu, sa panab-anan nimu mamuwat aku kasunduan sa manga tawu. Buwatun niku kawu parihu sa sulu magpakaun rayaw sa manga nasyun,

Isayas 44:28

Magkun aku kan Sayrus, “Kawu ti manugbantay niku manga nasakupan ag buwatun nimu ti tanan niku gustu. Pagsugu kawu kuntay patindugan maan ti Hirusalim hanggan ti Balay Diyus.”

Isayas 45:5

Aku ti Panginuun, udyi may iba waya; purya sa kangku udyi may iba Diyus. Pabisugun niku kawu una unman nimu aku kilala,

Isayas 48:15

Aku gid ngap ti nagsabi sa kanya, aku diman hanggan ti nagtawag sa kanya. Sinugu niku siya ag nanalu siya sa kay manga binwat.

Hirimyas 27:6

Nakan taynguna, ipakaun niku kanyu manga nasyun sa kang manugsirbi sa kan Hari Nabukudunusur sa Babilunya. Una hanggan ti manga maraisug pag hayup ipasakup niku sa kanya.

Hirimyas 43:10

Bag-u sabihun nimu sa kanda kuntay aku, ti Panginuun Makamaskihan, ti Diyus Israil magsabi, ‘Suguun niku kang manugsirbi si Hari Nabukudunusur sa Babilunya ag ipatukaw niku kay kaharian ag turda panhari sa inda pag tungud batu, ti ilinubung niku sa daga sa karaw-an dalan.

Hirimyas 50:3

Dahil girahun ti Babilunya usa ka nasyun ginan sa kanaway, ag bumaliw mapung-aw inda pag rugar. Unman yi may mangulian sitay dahil malagiw kay manga nasakupan hanggan ti manga hayup.

Hirimyas 50:35

“Aku, ti Panginuun, magsabi ti baladaw kadamhakan mitama sa manga taga Babilunya hanggan sa manga takinan ag madunung pag tawu niya!

Hirimyas 51:11

Mamalus ti Panginuun sa Babilunya dahil sa pagguba sa Balay Diyus niya. Ginanyat Panginuun ti manga hari sa Midya hampay wasakun ti Babilunya dahil inda ti turunu niya. Magkun siya, “Asaa niyu kanyu manga ugyung ag alistuhan kanyu manga panangga.

Hirimyas 51:30

Umapas ti manga sundalu Babilunya sa paglaban ag mamirmaminti yi lang sida sa kanda kampu. Manlumuy sida ga malumuy pag babayi. Mairub ti manga balay sa Babilunya ag madaut ti manga sabian.

Hirimyas 51:58

Magkun waya ti Panginuun Makamaskihan, “Wasakun ti madamul pag alad batu sa Babilunya ag irubun ti arabwat niya pag sabian. Bumaliw unman may pulus ti tanan binudlayan niya manga nasakupan dahil ti tanan tida mairub lang.”

Isikil 29:20

Ipakaun niku sa kanya ti Ihiptu bilang pirimyu niku sa kay pagsirbi, dahil binwat niya tunda hanggan niya manga sundalu para sa kangku. Aku, ti Panginuun Diyus, ti magsabi inda.

Danyil 5:6

Dahil siyun, tinakigan ag nanlapsi ti hari sa kadalaan.

Danyil 7:5

“Kay ikadwa pag hayup ga usu. Matindugan siya sa duwa ka panguryan pag lulud ag may tangag tulu ka tagyang. Bag-u may binmagaw sa kanya magkun, ‘Sigi, pagpakasawa kawu sa taguban.’

Danyil 8:3

May nakitan aku usa ka tudu karanidu matindugan sa pangpang sapa. May duwa siya ka araba sungay. Dapat mas aba kay usa ka sungay lang madi uryan tinmubu.

Danyil 8:4

Nakitan niku siya magpanungay una naan baliwa. Unman may iba hayup makaampara sa kanya ag unman diman may makapalagiw sa kanya. Magkabwat niya una hintay kay gustu buwatun, nakan nagmakapangyarihan siya.

Nahum 2:6

Bumukas ti manga puwirtahan niyu banwa baliwa sa may sapa ag madaut kanyu balay hari.

Nahum 3:13

Bantayi niyu kanyu manga sundalu; ga manga babayi sida! Ti manga talakup sabian niyu banwa magkarairub, nakan maalwan yi inda suldun niyu manga kalaban.