Isayas 44:9 - Hanunuu

⁹ Unman may pulus ti tanan magbuwat diyus-diyusan. Tunda pag manga diyus-diyusan kanda pagpahalgaan unman may pulus. Sida diman ti makapagsabi tunda unman may pulus. Dahil tunda unman maghiling, unman diman may alam. Nakan ngani mangay-a ti manga magsamba siyun.

Isayas 44:9 Iomraidhean Croise

2 Hari 19:18

hanggan kanda manga diyus-diyusan sa panab-anan pagyamut sa apuy. Dahil balaw inda tutuu pag manga diyus nu unman manga batu lang ag manga kayu binuwat tawu.

Kanta 115:4

Dapat kanda manga diyus-diyusan binwat lang waydi tawu ginan sa pilak ag gintu.

Kanta 115:8

Ti magbuwat sa katida pag manga diyus-diyusan ag ti tanan pag magsarig sa kanda bumaliw diman ga kanda unman may pulus.

Kanta 135:18

Ti manga magbuwat inda pag manga diyus-diyusan ag ti tanan pag magsarig sa kanda bumaliw parihu diman sa kanda pag unman may pulus.

Kanta 97:7

Nangay-a ti tanan magsamba sa manga diyus-diyusan hanggan ti magpalabi-labi kanda manga diyus-diyusan. Ti tanan diyus magluhud magsamba sa Diyus.

Isayas 26:11

Panginuun, alistu yi duy kawu pumarusa sa kanda, pat-ay balaw nida alam. Paandami nimu sida, Panginuun. Pakay-aha sida. Ipakakit nimu sa kanda nu kabitay nimu kamahal kanmu manga nasakupan. Rurisun nimu sa panab-anan apuy kanmu manga kalaban.

Isayas 41:24

Dapat kay tutuu, unman kamu may pulus ag unman kamu may mabuwat. Mayagting pag manga tawu ti nagpili sa kanyu hampay kamu sambahun.

Isayas 41:29

Tanan manga diyus-diyusan unman may pulus, ag unman gid may mabwat una hintay. Parihu sida sa sukadan pasay durus kay sukad.”

Isayas 42:17

Dapat ti manga magsarig sa diyus-diyusan, hanggan ti manga magpaniwala diyus kanda manga tinawu-tawu, malagiw gid dahil sa kakay-ahan.”

Isayas 42:18

Magkun ti Panginuun sa kay manga nasakupan, “Kamu pag manga bungul hanggan buta, pagpatingi kamu ag pagbantay!

Isayas 43:8

Magkun waya ti Panginuun, “Tawaga nimu kang manga nasakupan may manga mata, dapat unman makakit; may manga tuli dapat unman magdungug.

Isayas 43:9

Tawaga nimu ti tanan nasakupan nasyun. Si unu sa kanda manga diyus-diyusan ti makahula sa aratubangun? Si unu sa kanda ti makasabi tungkul sa magpangyari taynguna? Ibahun nida kanda manga kastigus imaw ti puruyba sa kanda manga pagsabihun, hampay ti manga makadnug sumabi, ‘Tutuu gid ngani.’

Isayas 44:11

Tandai niyu! Ti tanan magsamba sa diyus-diyusan mangay-a gid, dahil ti nagbuwat tunda manga tawu lang diman waydi. Una manmirinsanan sida umatubang sa kangku, madala diman sida ag mangay-a.

Isayas 44:18

Inda pag manga tawu unman may alam ngatay unman makaintindi sa kay pagbuwatun. Tinakluban nida kanda manga mata nakan unman sida makakit. Tinakluban diman nida kanda manga isip, nakan unman sida makaintindi.

Isayas 44:20

Ti manga magbuwat inda ga nangaun dapug. Ipinatalang siya niya daut pag kaisipan, balaw niya mairibri kay sadili. Balaw siya pumasnu kuntay ti tawu-tawu asan sa kanya balaw diyus.

Isayas 45:16

Mangay-a gid ti tanan magbuwat diyus-diyusan.

Isayas 45:20

Magkun waya ti Panginuun, “Pagtipun kamu tanan pagpakarani sa kangku, kamu ti manga naglayas ginan sa manga nasyun. Unman gid may alam ti manga magdara manga diyus-diyusan kayu. Magdarangin sida sa tunda pag manga diyus-diyusan, balaw diman waydi makaribri sa kanda.

Isayas 57:12

Kanyu hantup matadlung kanyu pagbuwatun, dapat ipakakit niku nu hintay pag kalasi tawu kamu.

Isayas 65:13

Nakan aku ti Panginuun Diyus magkun, kang manga manugsirbi mangaun ag manginum, dapat kamu lun-usun ag uwawun. Magbaya sida dapat kamu mangay-a.

Hirimyas 14:22

Unman una di usa ka diyus-diyusan manga nasyun ti makapauran ngatay makapaanitay. Una ti langit ngapu unman diman makapauran. Kawu lang, Panginuun kanmi Diyus ti lubus makabuwat inda, nakan sa kanmu duy kami pag magsarig.

Hirimyas 2:11

May nasyun aw nag-ilis kanda diyus una balaw tutuu diyus? Dapat aku, ti makamaskihan pag Diyus, ibinalyu niku manga nasakupan sa manga diyus unman may pulus.

Hirimyas 2:26

“Parihu sa usa ka mananakaw mangay-a nu madakup, mangay-a diman kamu manga taga Israil. Ungud mangay-a kamu, hanggan kanyu manga hari, manga may kangaranan, manga manughandug ag manga purupita.

Danyil 5:23

Bagkus ngap binwat nimu kanmu sadili abwat man sa Panginuun sa langit. Ipinab-ul nimu ti manga irinman ginan sa Balay Diyus ag ininman niyu inda kaibahan kanmu matinudukun pag manga bisita, manga asawa, ag iba waya asawa panawuhun. Bukud waya siyun, sinamba nimu ti manga diyus buwat sa pilak, gintu, galang, baul, kayu, ag batu — manga unman maghiling pag diyus, unman magdungug, ag unman makaintindi. Dapat unman nimu dinayaw ti Diyus, ti maghiyaput kanmu buhi ag magpapalad sa tanan nimu pagbuwatun.

Ruma 1:22

Magpanaguabi sida kuntay madunung, dapat ay unman ngap may kabuluhan kanda kadunungan.

1 Kurintu 8:4

Tungkul ngani sa manga karan-unun ihinandug sa diyus-diyusan, alam nita ti manga diyus-diyusan unman may kahulugan, ag alam diman nita usa lang ka Diyus.

2 Kurintu 4:4

Unman sida magsarig, dahil kanda naisipan binuta ni Satanas, imaw tig hari sa manga taga kalibutan. Binuta sida hampay balaw makitan nida ti karayawan Mayad pag Barita tungkul sa kadayawan ni Kiristu imaw ti histuda Diyus.

Ipisu 4:18

Unman sida madunung mag-intindi dahil sa kanda ga ud may namuangan ag maganit waya kanda ulu. Nakan ud sida may kaparti sa buhi kay pag-ipakaun Diyus.

Ipisu 5:8

Kaybi kamu sakup sa kadudulman, dapat taynguna kamu sakup yi sa marayaw dahil sa kanyu pakiusa sa Panginuun. Nakan ngani pag-ugali kamu parihu sa manga tawu sakup yi sa marayaw.

Diyuturunumiyu 27:15

“Saadan ti magbuwat una hintay pag manga diyus-diyusan buwat sa batu ngatay sa galang bag-u inda kanda sambahun sa lihim. Dahil pagkagalitan Panginuun inda pag manga diyus-diyusan buwat lang tawu.” Bag-u sumagut ti tanan tawu, “Amin!”

Diyuturunumiyu 4:28

Ag ati yi kamu pag mansamba sa manga diyus-diyusan buwat sa kayu ag batu, balaw maghiling, unman diman magdungug hanggan magkaun ngatay maghungaw.

Talaghusay 10:14

Hayga balaw kamu maghagad awat sa manga diyus kanyu pinili sambahun? Sida ti paribrihan sa kanyu sa udas magkakurian kamu.”