Isayas 44:8 - Hanunuu

⁸ Danga kamu magkadala ngatay kulbaan. Unman aw ipinaalam niku sa kanyu kaybi waya kang turunu? Kamu kang manga kastigus. May imaw waya aw iba Diyus purya sa kangku? Unman gid! Unman yi aku may alam kuntay may iba waya batu palalan-iban purya lang sa kangku.”

Isayas 44:8 Iomraidhean Croise

Gimpuunan 46:3

Pagkatapus, magkun siya, “Aku ti Diyus nimu ama. Danga kawu magkadala mag-atag sa Ihiptu, dahil buwatun niku kamu usa ka bantug pag nasyun ati.

Gimpuunan 48:19

Dapat sinmagut kay ama, “Hu, alam niku anak. Ti manga lahi ni Manasis bumaliw diman bantug pag nasyun. Dapat mas mibantug kay manga lahi niya kap-usan pag patar-ari ag mas mayamu kay lahi.”

2 Samwil 22:32

Kawu lang, Panginuun, ti Diyus, ag unman yi may iba. Kawu lang kanmi palalan-iban pag batu.

Isra 1:2

“Inda kay pagsabihun ni Hari Sayrus taga Pirsiya: “Ipinakaun sa kangku Panginuun, Diyus kalangitan, ti tanan pag kaharian sitay sa kalibutan, ag ikinatiwala niya sa kangku ti pagpatindug Balay Diyus para sa kanya ati sa Hirusalim sakup Huda.

Isra 8:22

Dahil magkay-a aku manhagad sa hari manga sundalu ag manga manugkabayu mangalaga sa kanmi laban sa manga kalaban habang maglakaw kami, dahil nagsabi yi kami sa hari awatan nimi Diyus ti tanan magsarig sa kanya, dapat magkagalit gid ti Diyus sa manga magdayu sa kanya.

Kanta 18:31

Kawu lang, Panginuun, ti Diyus; kawu lang kanmi palalan-iban pag batu.

Kanta 18:32

Kawu ti magpakaun kabisugan sa kangku, hanggan ti magbantay sa kang lakawan.

Kanta 86:10

Dahil makamaskihan kawu, ag makadululaw kanmu manga buwat; ag kawu lang ti Diyus.

Isayas 17:10

Kinalimtan niyu ti Diyus kanyu Manugribri ag batu palalan-iban. Nakan una magtanum kamu manga mararinu pag kalasi tanum, parihu sa ubas ginan sa iba rugar,

Isayas 26:4

Pagsarig kamu pirmi sa Panginuun, dahil siya kanta palalan-iban pag batu hanggan aban.

Isayas 30:29

Dapat kamu pag manga nasakupan Diyus manganta, parihu sa pagbuwatun niyu sa yabi sa pista pagdayaw sa Panginuun. Makabaya kamu parihu sa tawu magpatakda sa tunug plawta habang maglakaw atabug sa Bantud Panginuun hampay sambahun siya, ti palalan-iban pag batu Israil.

Isayas 42:9

Ti manga ihinula niku natupad gid, taynguna sabihun niku ti manga bag-u pag kabagayan bag-u inda matupad.”

Isayas 43:10

Manga nasakupan Israil, kamu kang manga kastigus. Ipinasaman niku kamu kang manugsirbi, agud makilala niyu aku ag sumarig kamu sa kangku, bag-u masalman niyu aku lang ti Diyus. Ud may iba diyus inmuna sa kangku, unman diman may Diyus dumasun waya sa kangku.

Isayas 43:11

Aku lang gid ti Panginuun, purya sa kangku udyi may iba waya Manugribri.

Isayas 43:12

Ipinaburayhaw niku kamu kang iribri, tinupad ngani niku inda. Unman may iba diyus nagbuwat inda sa kanyu, kamu kang manga kastigus.” Magkun waya ti Panginuun, “Aku ti Diyus.

Isayas 43:9

Tawaga nimu ti tanan nasakupan nasyun. Si unu sa kanda manga diyus-diyusan ti makahula sa aratubangun? Si unu sa kanda ti makasabi tungkul sa magpangyari taynguna? Ibahun nida kanda manga kastigus imaw ti puruyba sa kanda manga pagsabihun, hampay ti manga makadnug sumabi, ‘Tutuu gid ngani.’

Isayas 44:2

Aku, ti Panginuun, ti naglalang hanggan ti mag-awat sa kanmu. Danga kawu magkadala, Hakub, kawu kang manugsirbi, Israil, hanggan kang pinili.

Isayas 44:6

Inda ti pagsabihun Panginuun, ti Hari ag Manugribri Israil, ti Panginuun Makamaskihan, “Aku ti umpisa ag ti katapusan tanan. Purya sa kangku udyi may iba waya Diyus.

Isayas 45:19

Balaw aku nagbagaw sa lipudan, sa unman may nakaalam. Balaw niku sinabi sa manga linahi ni Hakub kuntay pagpakarani sida sa kangku, unman diman waydi sida may matanggap sa kangku. Aku, ti Panginuun, magbagaw tutuuhanan. Pagsabihun niku nu hintay ti tama.”

Isayas 46:9

Alalahana niyu kang manga binuwat kaybi sa un-an pag udas. Aku lang ti Diyus, udyi may iba pumarihu sa kangku.

Isayas 48:3

Magkun siya sa kanyu, “Itinagka yi niku sa kabag-u di waya nu hintay ti manga mangyari sa aratubangun. Tunda kang pag isabuwat.

Isayas 48:5

Nakan ngani pagsabihun yi niku daan sa kanyu kang buwatun. Udwaya inda magpangyari ipinaalam yi niku sa kanyu hampay balaw kamu sumabi kanyu manga diyus-diyusan buwat sa kayu hanggan baul imaw ti nagtagka ag nagbuwat inda.

Hirimyas 10:7

Si unu duy ti unman madala sa kanmu, Hari manga nasyun? Dapat lang galangun kawu. Unman duy kawu may kaparihu sa tanan matinudukun ginan sa tuhay-tuhay pag nasyun, aw ngatay sa tanan hari.

Danyil 2:28

Dapat may Diyus sa langit makapaliwanag manga madalum pag katutuuhanan. Mahal Hari, sa panab-anan nimu tagin-up, ipinaalam Diyus sa kanmu nu hintay ti mangyari sa aratubangun. Taynguna itultul niku sa kanmu ti manga pangakakitun kanmu nakitan sa tagin-up.

Danyil 2:47

Magkun siya sa kan Danyil, “Dahil sa kanmu pagtultul sa kang tagin-up ag pagtultul kay ibug sabihun, tutuu gid kanmu Diyus imaw ti higit makapangyarihan sa tanan pag diyus. Siya ti kailangan kilalan-un pag Panginuun manga hari. Ag siya lang gid ti makatultul manga madalum pag manga katutuuhanan.”

Danyil 4:25

Palayasun kawu pakarayu sa manga tawu ag mangulian kawu kaibahan manga hayup sa talun. Manharab kawu ilamnun parihu sa baka ag mabasa pirmi kawu tun-ug. Pagkalawuy pitu ka timpu, kilalan-un nimu ti Kaabwat-abwatan pag Diyus imaw ti may kamaskihan sa kaharian manga tawu ag mahimu niya sida ipasirung una sa kantapu nu gustu niya.

Danyil 6:22

Unman aku inunu manga liyun, dahil nagpadara kang Diyus manga anghil hampay hirumun ti bibig manga liyun. Binwat inda Diyus dahil alam niya matadlung kang buhi ag unman aku may nabwat daut laban sa kanmu.”

Huwil 2:27

Bag-u maalaman niyu manga taga Israil aku kanyu kaibahan, ag aku lang ti Panginuun niyu Diyus ag udyi may iba waya. Kamu kang nasakupan balaw yi gid mangay-a hanggan aban.”

Huwan 1:1

Pagka udwaya linalang ti kalibutan, ti Bagaw daan di. Kaybi kaibahan siya Diyus ag lubus siya Diyus.

Huwan 10:30

Aku hanggan ti Ama urusa kami.”

Huwan 6:10

Sinabi ni Hisus magkun, “Sabihi niyu ti manga tawu pagtukaw sida.” Mapadang ngani ati pag rugar. Nakan tinmukaw ti manga tawu. Ti manga lalaki lang lima yi ka libu siyun.

Binwat 1:8

Dapat makatanggap kamu kapangyarihan nu lubus kamu suldan Ispiritu Banal. Bag-u kamu yi gid ti manga manugpadakit magtudlu tungkul sa kangku sa Hirusalim una sa bilug Hudiya hanggan sa Samarya, hanggan waya sa katugkaan daga.”

Binwat 14:15

magkun, “Danga duy buwatun niyu tunda. Kami manga tawu lang waydi parihu ga kanyu. Pag-itudlu nimi sa kanyu ti Mayad pag Barita tungkul sa kan Hisus hampay ipatlikud nimi kamu sa tunda pag manga buwat unman may kabuluhan ag hampay tudluan nimi kamu magsamba sa Diyus buhi. Siya ti naglalang sa langit, daga, dagat hanggan sa tanan-tanan bagay.

Diyuturunumiyu 32:31

Dahil ti palalan-iban pag batu nita manga kalaban balaw parihu sa kanta palalan-iban pag batu, una sida alam di inda.

Diyuturunumiyu 32:39

Bantayi niyu kainda; aku lang gid ti Diyus! Unman yi may iba diyus purya sa kangku. Aku ti magmatay ag aku diman ti mag-ayaw buhi; aku ti magbiyag ag aku diman ti magbulung, ag unman may makapalagiw sa kang manga kamang.

Diyuturunumiyu 32:4

Siya kang palalan-iban pag batu; kang-ud gid kay manga binuwat, ag matadlung ti tanan niya manga palakaw. Matinupadun siya pag Diyus ag balaw magsalan; matadlung siya ag hustu kay manga pagbuwatun.

Diyuturunumiyu 4:35

Ipinakakit sa kanyu tunda pag manga bagay hampay masalman niyu ti Panginuun imaw ti Diyus, ag udyi may iba waya.

Diyuturunumiyu 4:39

“Nakan tandai niyu inda pag sirang ag tanuman sa kanyu tagipusuun ti Panginuun imaw ti Diyus sa langit ag sa babaw daga, udyi may tuhay waya diyus.

Hibriyu 12:1

Naglibut sa kanta ti aduk pag tawu manga maghiling. Nakan pagtayaki yi nita tunda pag manga buwat mag-ampara sa kanta pagsunud lalu hanggan una hintay pag kasalanan magsambur. Pangungud yi kita sa kanta maglakaw sa dalan inalistu Panginuun.

1 Huwan 1:2

Ipinaburayhaw inda pag buhi, nakitan gid nimi. Nakan kanmi pagpatutuuhanan ngani ag pag-ibarita sa kanyu ti tutuu pag buhi unman may katapusan. Kaybi ginan kaibahan siya Ama, bag-u ipinaburayhaw siya sa kanmi.

1 Samwil 2:2

Unman gid may iba banal nu unman ti Panginuun. Unman gid may pumarihu sa kanya. Unman gid may palalan-iban pag batu ti pumarihu sa kanta Diyus.