Isayas 44:5 - Hanunuu

⁵ May manga sumabi, ‘Aku sa Panginuun,’ may sumabi diman, ‘Aku linahi ni Hakub.’ May imaw diman mamauli marka sa kanda manga kamang pangaran Panginuun, ag ipaparihu kay sadili minsan sa nasakupan Israil.”

Isayas 44:5 Iomraidhean Croise

2 Krunika 36:23

Inda ti tultulanun ni Hari Sayrus sa Pirsiya: “Ipinakaun sa kangku Panginuun, ti Diyus sa langit, ti tanan pag kaharian sitay sa kalibutan, ag piniyaran niya aku sa pag patindug sa Balay Diyus para sa kanya ati sa Hirusalim sa sakup Huda. Kamu tanan pag nasakupan Diyus, pagbalik yi kamu sa kanyu daga. Ag mana ibahan kamu Panginuun.”

Nihimyas 9:38

“Dahil siyun, kami pag manga Hudiyu nagbuwat usa ka marig-un pag kasunduan. Isinurat inda ag pinirmahan nimi manga takinan, manga manughandug, hanggan manga Libita.”

Kanta 116:16

Panginuun, tutuu pag manugsirbi nimu aku. Irinibri nimu aku sa pagkabihag.

Pag-ighit 13:9

Inda pag pista ga usa ka marka sa kanyu manga kamang ngatay sa kanyu manga bangas, imaw ti pumaalaala sa kanyu kailangan sabihun niyu sa iba ti sugu Panginuun dahil ipinalwas niya kamu ginan sa Ihiptu sa panab-anan niya kamaskihan.

Isayas 2:3

Sabihun nida, “Atag yi kita sa bantud Panginuun, sa Balay Diyus, Diyus ni Hakub. Tudluan niya kita ati angay sa kay kagustuhan hampay sundun nita.” Dahil ti Kasuguan Panginuun ginan sa Siun, ag ti bagaw Panginuun ginan sa banwa Hirusalim.

Hirimyas 32:10

Pinirmahan ag tinatakan niya ti manga kasuratan sa bilihan sa atubangan manga kastigus bag-u kinilu ti pilak bilang kabaydanan.

Hirimyas 50:5

Mamaingana sida sa dalan atabug sa Hirusalim ag umati sida. Mamuwat sida unman may katapusan pag kasunduan sa kangku, ag unman yi gid nida inda kalimtan.

Mikas 4:2

Kumumun sida, “Atag yi kita sa bantud Panginuun, sa Balay Diyus, ti Diyus ni Hakub. Tudluan niya kita ati kay manga buruwatun hampay sundun nita.” Nakan mangululi ti manga tawu gin sa Siun, ti banwa Hirusalim, dara ti Kasuguan Panginuun.

Sakaryas 13:9

Ag ti ikatlu pag bahagi masawad lumpiyuhun niku parihu sa pilak pag-ipalakaw sa apuy. Subukun niku sida parihu sa gintu pag-ipalakaw sa apuy nu lunsay ngatay unman. Mandarangin sida sa kangku ag sagtun niku sida. Sabihun niku, ‘Sida kang nasakupan.’ Ag sabihun diman nida, ‘Ti Panginuun kanmi Diyus.’ ”

2 Kurintu 8:5

Balaw lang ga kang inisip kanda binwat. Itinigana nida kanda sadili sa Panginuun dapu bag-u hanggan sa kanmi angay sa kagustuhan Diyus.

Galasya 6:16

Ti tanan manga mag-ugali angay sa inda pag manga isinurat niku, hanggan ti tanan nasyun Diyus, kang pag-idarangin hampay sa kanda yi kay kahusayan hanggan kay awa Diyus.

Galasya 6:17

Bag-u inda wadi kang pagsabihun, una si unu danga yi dugangan niya kang aragwantahun. Hustu yi kang manga latu hampay makilala aku kay panawuhun ni Hisus.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.