Isayas 44:21 - Hanunuu

²¹ Magkun waya ti Panginuun, “Israil, dahil kawu kang manugsirbi, isipa nimu inda: Linalang niku kawu agud sumirbi sa kangku. Balaw gid niku kawu kalimtan.

Isayas 44:21 Iomraidhean Croise

Isayas 27:11

Pagka nabari ag nalayung ti manga sanga, tinipun inda manga babayi ag binwat pamagba. Dahil sa unman may intindi inda pag manga tawu. Balaw sida kaawaan Diyus imaw ti naglalang sa kanda.

Isayas 40:27

Kamu pag nasakupan Israil, linahi ni Hakub, hayga kamu magriklamu kanyu manga gayak ag karampatan binul-an halaga Diyus?

Isayas 42:23

May imaw aw sa kanyu magkaibug magpatingi aw ngatay magpakaun halaga sa kay nadnugan?

Isayas 43:1

Dapat taynguna inda ti pagsabihun Panginuun ti naglalang sa kanmu, Ungud Israil: “Danga kawu magkadala dahil iribri niku kawu. Tinawag niku kawu sa kanmu ngaran, dahil kangku kawu.

Isayas 43:15

Aku ti Panginuun, kanyu Banal pag Diyus, ti naglalang sa Israil, kanyu Hari.

Isayas 43:7

Sida pag manga tawu kang tinawag. Linalang niku sida para sa kang kadayawan.”

Sakaryas 10:9

Una winayak niku sida sa iba nasyun, maalaala di nida aku ati. Mabuhi di sida hanggan kanda manga anak, ag bumalik sida sa kanda rugar.

Diyuturunumiyu 32:18

Linimtan nida ti Diyus ti palalan-iban nida pag batu imaw ti naglalang sa kanda.

Diyuturunumiyu 4:23

Dapat pag-aman kamu hampay balaw niyu malimtan ti kasunduan binuwat Panginuun niyu Diyus. Danga kamu magbuwat manga diyus-diyusan sa histuda una hintay pag bagay, dahil pag-irangan gid inda Panginuun niyu Diyus.

Diyuturunumiyu 4:9

Dapat pag-aman kamu! Danga niyu pag kalimti ti binwat Panginuun kanyu nakitan. Kailangan pumirmaminti inda sa kanyu tagipusuun habang magkabuhi kamu. Itudlu niyu inda sa kanyu manga anak hanggan sa kanyu manga kaumputan.