Isayas 44:11 - Hanunuu

¹¹ Tandai niyu! Ti tanan magsamba sa diyus-diyusan mangay-a gid, dahil ti nagbuwat tunda manga tawu lang diman waydi. Una manmirinsanan sida umatubang sa kangku, madala diman sida ag mangay-a.

Isayas 44:11 Iomraidhean Croise

1 Hari 18:40

Isinugu rargu ni Ilyas sa manga tawu, “Dakpa yi niyu ti manga purupita ni Baal. Kailangan unman may makapalagiw sa kanda!” Nakan dinakup ngani ti tanan purupita ni Baal ag dinara nida ni Ilyas sa may Luung Kisun ag pinanmatay.

Kanta 97:7

Nangay-a ti tanan magsamba sa manga diyus-diyusan hanggan ti magpalabi-labi kanda manga diyus-diyusan. Ti tanan diyus magluhud magsamba sa Diyus.

Isayas 1:29

Mangay-a kamu manga taga Hirusalim dahil sa kanyu magsamba sa manga puun kayu insina hanggan sa manga banal pag halamanan.

Isayas 42:17

Dapat ti manga magsarig sa diyus-diyusan, hanggan ti manga magpaniwala diyus kanda manga tinawu-tawu, malagiw gid dahil sa kakay-ahan.”

Isayas 44:9

Unman may pulus ti tanan magbuwat diyus-diyusan. Tunda pag manga diyus-diyusan kanda pagpahalgaan unman may pulus. Sida diman ti makapagsabi tunda unman may pulus. Dahil tunda unman maghiling, unman diman may alam. Nakan ngani mangay-a ti manga magsamba siyun.

Isayas 45:16

Mangay-a gid ti tanan magbuwat diyus-diyusan.

Isayas 65:13

Nakan aku ti Panginuun Diyus magkun, kang manga manugsirbi mangaun ag manginum, dapat kamu lun-usun ag uwawun. Magbaya sida dapat kamu mangay-a.

Hirimyas 10:14

Manga busal ag unman may namuangan ti manga magsamba sa manga diyus-diyusan. Mangay-a lang ti manga panday-pilak magbuwat manga diyus-diyusan, dahil balaw waydi tunda tutuu pag manga diyus. Balaw sida may buhi.

Hirimyas 51:17

Ti manga magsamba sa manga diyus-diyusan manga yangag ag unman may naalaman. Mangay-a ti manga panday-pilak sa binwat nida diyus-diyusan dahil balaw inda Diyus. Unman may buhi.

Husyas 13:2

Taynguna tugka, kamu pag manga taga Ipraim parargu magbuwat kadautan. Dahil magbuwat kamu manga histuda manga diyus-diyusan ginan sa kanyu manga pilak hampay kanyu sambahun. Dapat inda tanan buwat lang waydi tawu ag angay lang sa kanyu naisipan. Magkun waya kamu manhandug tawu sa inda pag manga diyus-diyusan baka ag mangaruk sa kanda.

Diyuturunumiyu 4:28

Ag ati yi kamu pag mansamba sa manga diyus-diyusan buwat sa kayu ag batu, balaw maghiling, unman diman magdungug hanggan magkaun ngatay maghungaw.