Isayas 44:1 - Hanunuu

¹ “Dapat taynguna, pagpatingi kawu, Israil kang manugsirbi, ti ipinasaman niku pag nasakupan, kan Hakub manga linahi.

Isayas 44:1 Iomraidhean Croise

Gimpuunan 17:7

Tupadun niku kang kasunduan sa kanmu hanggan sa manga linahi nimu sa sunud pag manga sinulput tawu, aku kanyu Diyus hanggan aban. Inda pag kasunduan pumarargu hanggan aban.

Kanta 136:22

Inda pag daga magkaapu nasakupan Israil, ti manga manugsirbi niya. Kay pagmahal unman may katapusan.

Isayas 14:1

Kaawaan Panginuun ti Israil ag utru niya piliun bilang kay nasakupan. Utru pauliun niya sida sa kanda sadili daga, ag may manga day-uhan kumuyug mangulian kaibahan sa nasyun Israil.

Isayas 41:8

“Dapat kawu, Israil, kang manugsirbi ag pinili ginan sa linahi ni Hakub, ag ginan sa linahi ni Abraham kang ampud,

Isayas 41:9

tinawagan niku kawu ag bin-ul ginan sa pinakaarayu baliwa pag rugar sa kalibutan. Sinabi niku sa kanmu kawu kang manugsirbi. Pinili niku kawu ag balaw dinayu.

Isayas 42:23

May imaw aw sa kanyu magkaibug magpatingi aw ngatay magpakaun halaga sa kay nadnugan?

Isayas 43:1

Dapat taynguna inda ti pagsabihun Panginuun ti naglalang sa kanmu, Ungud Israil: “Danga kawu magkadala dahil iribri niku kawu. Tinawag niku kawu sa kanmu ngaran, dahil kangku kawu.

Isayas 44:21

Magkun waya ti Panginuun, “Israil, dahil kawu kang manugsirbi, isipa nimu inda: Linalang niku kawu agud sumirbi sa kangku. Balaw gid niku kawu kalimtan.

Isayas 45:4

Tinawag niku kawu hampay awatan nimu ti Israil kang manugsirbi, ti pinili niku pag nasakupan. Kinilala niku kawu una unman waya nimu aku kilala.

Isayas 48:12

“Pagpatingi kamu sa kangku, kamu pag manga taga Israil kang ipinasaman. Aku ti Diyus; aku ti gimpuunan ag ti katapusan tanan.

Isayas 55:3

Pagpakarani kamu sa kangku, pagpatingi hampay mabuhi kamu. Mamuwat aku unman may katapusan pag kasunduan sa kanyu. Ipadamdam niku sa kanyu kang pagmahal hanggan pangaawa ti itinaratu niku sa kan Dabid.

Hirimyas 30:10

“Nakan danga kamu magkadala, ngatay magpanlubay, kamu manga linahi ni Hakub kang manugsirbi. Aku, ti Panginuun, magsabi bul-un niku kamu asan gin sa arayu pag rugar nu naan kamu pag binihag. Sa kanyu pagbalik, mangabuhi yi kamu mahusay, mahim-ung, bag-u udyi may pagkadalaan.

Hirimyas 4:7

Ti manugwayak kuntay gumira sa manga nasyun ga liyun linmuwang gin sa kay pagpatag-an. Ginminan yi siya sa kay rugar hampay wayakun kanyu daga. Magkaradaut ti manga banwa niyu tugka sa balaw yi inda maulianan.

Lukas 13:34

“Hirusalim, Hirusalim, pagpanmatyun nimu ti manga purupita, pagbatuhun pagmatyun nimu ti manga sinugu Diyus tag sa kanmu. Kapira yi ginan kang hinanap ti manga mag-uli asan hampay kang tipunun parihu ga inaan manuk mag-ukub sa kay butu, dapat dayu di ngap kamu.