Isayas 43:7 - Hanunuu

⁷ Sida pag manga tawu kang tinawag. Linalang niku sida para sa kang kadayawan.”

Isayas 43:7 Iomraidhean Croise

Kanta 100:3

Kilalan-un niyu ti Panginuun imaw ti Diyus! Siya ti naglalang sa kanta ag kanya kita. Nasakupan niya kita kay pag-alagaan parihu sa manga karanidu.

Kanta 50:23

Maggalang sa kangku ti maghandug may pasalamat, ag ti magdahan sa kay pag-ugaliun iribri niku.”

Isayas 27:11

Pagka nabari ag nalayung ti manga sanga, tinipun inda manga babayi ag binwat pamagba. Dahil sa unman may intindi inda pag manga tawu. Balaw sida kaawaan Diyus imaw ti naglalang sa kanda.

Isayas 29:23

Dahil nu nakitan nida ti manga binwat niku, galangun nida aku, ti Banal pag Diyus ni Hakub. Ag magkaimaw sida dala sa kangku, sa Diyus Israil.

Isayas 43:1

Dapat taynguna inda ti pagsabihun Panginuun ti naglalang sa kanmu, Ungud Israil: “Danga kawu magkadala dahil iribri niku kawu. Tinawag niku kawu sa kanmu ngaran, dahil kangku kawu.

Isayas 43:21

Sida pag manga nasakupan kang linalang para sa kangku, agud dumayaw sa kangku.

Isayas 44:23

Langit, pagkanta kawu sa kabayaan! Kalibutan, pagringgit kawu kamatnug! Manga bantud hanggan manga kayu sa katalunan, pagkanta kamu. Dahil iribri Panginuun ti linahi ni Hakub; ipakakit niya kay kadayawan sa Israil.

Isayas 46:13

Balaw yi dumugay, ipakaun niku ti panalu hanggan ti katadlungan sa Hirusalim. Arani yi niku inda iribri; kilalan-un niku ti Israil.

Isayas 48:11

Buwatun niku inda para sa kang kadayawan. Balaw gid aku pumasnu mangay-a aku ag madayaw ti iba pag diyus.

Isayas 56:5

Pahintulutan niku sida makasaka sa kang Balay ag kilalan-un niku sida subra man sa pagkilala kang ipakaun nu sida nanhinganak. Ag balaw sida malimtan manga tawu hanggan aban.

Isayas 60:21

Ti tanan nimu nasakupan bumaliw matadlung, ag sida yi ti umapu daga Israil hanggan aban. Binwat niku sida ga halaman kang itinanum para sa kang kadayawan.

Isayas 63:19

Kanmu kami ginan di waya kaybi, dapat ipinurya nimu kami balaw kanmu, ag bilang ga balaw nimu pag panguluhan.

Hirimyas 14:9

Parihu diman aw duy kawu sa tawu unman may magkabwat ag sundalu unman may kakayahan magribri? Kaibahan nimi kawu, Panginuun, ag kami kanmu nasakupan, nakan danga duy nimu kami pagpabay-ani.”

Hirimyas 33:16

Ag tida diman pag udas maribri ti manga taga Huda, ag mangabuhi yi may kahusayan ti manga taga Hirusalim. Ti Hirusalim ingarnan, ‘Ti Panginuun Kanta Katadlungan.’ ”

Danyil 9:18

Diyus, patingihi aku. Bantayi kanmi kaawaawa pag kahamtangan hanggan ti pagkadaut nimu banwa nu naan pagkilalan-un kanmu ngaran. Unman kami magdarangin sa kanmu dahil matadlung kami, nu unman dahil alam nimi kuntay maawaun gid kawu.

Danyil 9:19

Panginuun, patingihi kami ag patawada. Awati kami para kilalan-un kanmu ngaran, dahil pagkilalan-un kawu Diyus sa kanmu banwa hanggan sa kanmu manga nasakupan.”

Amus 9:12

hampay masakup manga Israilita ti nasawad daga taga Idum ag iba waya pag manga nasyun ti pagkilalan-un niku kangku. Aku, ti Panginuun, ti magsabi inda, ag buwatun niku inda pag manga bagay.”

Huwan 15:8

Nu parargu kamu magburak mayamu, kang Ama dayawun manga tawu, ag siyun pag makitan kamu kang manga tuludluan.

Binwat 11:26

Pagka nakitan niya si Saulu, tinaban niya siya atag sa Antiyukya. Ati sida duwa sa sulud usa gid ka timpu magpakiusa sa iglisya. Mayamu tawu kanda tinudluan. Ati diman sa Antiyukya pag inumpisahan iningarnan Kiristiyanu ti manga napasakup sa kan Kiristu.

Ruma 9:23

Gustu diman niya ipakakit kay unman may pumarihu pag kamaskihan sa manga tawu kay pagkaawaan ag kay ihinanda ginan waya kaybi para tabug sa kadayawan.

2 Kurintu 5:17

Nakan ngani una si unu ti magpakiusa sa kan Kiristu, siya bag-u yi linalang. Udyi ti daan pagkatawu. Siya bag-u yi gid pag tawu.

Galasya 6:15

Balaw mahalaga una tinuri una unman tinuri ti usa ka tawu. Ti mahalaga lang nu siya bag-u linalang.

Ipisu 1:12

hampay kami pag manga Hudiyu ti un-an man sa kanyu nagsarig sa kan Kiristu sa lalu ikadayaw sa kanya.

Ipisu 1:6

Dayawun nita siya dahil sa makadululaw pag kaayadan kay ipinapalad niya sa kanta sa panab-anan niya pagmahalun pag Anak.

Ipisu 2:10

Kita hinuman Diyus niusa sa kan Kiristu Hisus hampay itigana nita kanta buhi bilug sa buruwatun mayad, imaw kay ihinanda Diyus kaybi waya ginan hampay kanta ugaliun.

Santiyagu 2:7

Unman aw lugud sida diman tigbagaw daut pag bagaw laban sa makamaskihan pag ngaran nagsakup sa kanyu?

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.

1 Pidru 4:11

Nu kawu magpaliwanag, pagginan sa Diyus kam paliwanag. Nu kawu manugsirbi waydi, gamitun nimu ti kabisugan ipinakaun Diyus sa kanmu magsirbi, hampay sa tanan bagay dayawun ti Diyus dahil sa kan Hisu-Kiristu. Sa kanya ti kadayawan hanggan kamaskihan hanggan di aban. Amin.

1 Pidru 4:14

Papaladan kamu Diyus nu kamu pagmuransahun dahil kamu napasakup yi sa kan Kiristu, tutuu papaladan kamu dahil nangulian sa kanyu ti makamaskihan pag Ispiritu kadayawan, imaw ti Ispiritu Diyus.

Ipinakakit 3:12

Ti manalu pag tawu buwatun niku ga usa ka tulduk sa balay niku Diyus, dayi ayitun siya ati ginan hanggan waya aban. Iguhit niku sa kanya ti ngaran niku Diyus hanggan ti ngaran banwa niku Diyus, imaw ti bag-u Hirusalim ti dumugsun ginan sa langit, ginan sa kang Diyus. Iguhit diman niku sa kanya kang bag-u pag ngaran.

1 Samwil 12:22

Balaw gid kamu pabay-anan Panginuun, dahil balaw niya gustu mangay-a kay ngaran. Pag-ikabaya gid niya kamu buwatun nasakupan niya.