Isayas 43:4 - Hanunuu

⁴ Ipakaun niku ti iba ka manga tawu bilang ka ilis nimu, dahil kawu garalangun ag mahalaga sa kang magbantay, dahil pagmahalun niku kawu.

Isayas 43:4 Iomraidhean Croise

Gimpuunan 12:2

Buwatun niku bantug pag nasyun kanmu linahi. Papaladan niku kawu ag bumaliw bantug kanmu ngaran. Sa panab-anan nimu, mayamu ti makatanggap papalad.

Kanta 112:9

Mag-ayaw siya sa manga pugri; kay matadlung pag buruwatun alalahanun tugka aban ag kay kabisugan dugangan Diyus bilang paggalang sa kanya.

Kanta 135:4

Dayawa niyu siya dahil pinili niya ti nasakupan Israil ti manga linahi ni Hakub, ti bumaliw kay bukudtangi pag nasakupan.

Isayas 49:5

Ti Panginuun ti nagpili sa kangku hampay manugsirbi niya, hampay pabalikun sa kanya ag tipunun ti manga Israilita. Kinilala aku Panginuun niku Diyus ag pinakan-an kabisugan.

Isayas 63:9

Sa tanan nida karukuan, magkaruku diman siya, ag irinibri niya sida sa panab-anan anghil nagpaburayhaw sa kay uyahun. Dahil sa kay pagmahal ag pangaawa irinibri niya sida. Kaybi di waya ginan, inalagaan niya sida sa tanan pag sirang.

Hirimyas 31:3

Kaybi sa kabag-u, ti Panginuun nagpakakit sa manga Israilita ag magkun, “Pagmahalun gid niku kamu balaw may katapusan pag pagmahal. Sa kang mayad nabubut-un, pag-ipakarani niku kamu sa kangku.

Husyas 11:1

Magkun ti Panginuun, “Katpung anak waya ti Israil, pagmahalun niku siya. Tinawag niku siya ginan sa Ihiptu bilang kang anak.

Malakyas 1:2

Magkun ti Panginuun, “Pagmahalun niku kamu. Dapat magpaingana waya kamu, ‘Kabitay nimu kami kamahal?’ Isipa niyu una magtar-ari sida ni Isaw ni Hakub, pagmahalun niku si Hakub

Malakyas 3:17

Magkun ti Panginuun Makamaskihan tungkul sa manga tawu maggalang sa kanya, “Baliwun niku sida pinakatuhay pag nasakupan sa sirang niku pag parusa. Balaw niku sida parusahan parihu sa pagbuwatun usa ka ama unman magparusa sa kay anak magsunud sa kanya.

Huwan 16:27

Dahil pagmahalun yi gid kamu Ama. Nakan kamu kay pagmahalun dahil sa kanyu pagmahal sa kangku ag dahil kamu magsarig kuntay aku nagsitay ginan sa Diyus.

Huwan 17:23

Aku minsan sa kanda ag kawu minsan sa kangku hampay sida lubus mirinsan bag-u masalman manga taga kalibutan kawu ti nagsugu sa kangku ag kawu tigmahal sa manga napasakup sa kangku parihu ga kanmu magmahal sa kangku.

Huwan 17:26

Ipinakilala yi niku kanmu ngaran sa kanda, ag ipakilala waya gid niku kawu agud kanmu pagmahal sa kangku asan diman sa kanda, ag hanggan aku asan diman sa kanda.”

Huwan 5:44

Magbaya kamu nu kamu magdarayawan sa usa kag sa usa, dapat unman kamu magmasigasid hampay makadayaw sa kanyu ti tutuu Diyus. Nu katunda kamu, kabitay lugud kamu pag pumaniwala sa kangku?

Diyuturunumiyu 14:2

Dahil manga nasakupan kamu Panginuun niyu Diyus. Sa tanan tawu sa kalibutan, kamu kay pinili bukud tangi pag nasakupan.

Diyuturunumiyu 26:18

Ipinasandam diman Panginuun kainda kamu kay ipinablag pag manga nasakupan angay sa kay itinaratu, kailangan sumunud kamu sa tanan niya manga sugu.

Diyuturunumiyu 4:37

Ag dahil sa pagmahalun niya kanyu manga ginurang, pinili niya kamu ag ipinalwas ginan sa Ihiptu sa panab-anan niya kadayawan ag kamaskihan.

Titu 2:14

Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.

1 Pidru 1:7

Ti gintu kabay madi madaut di aban, pagtunawun nida sa apuy hampay makitan nu lunsay yi ngani gintu. Katida diman waydi kanyu pagsarig subra waya sa gintu kay kahalaga, pag-ipalakaw sa manga subuk hampay maalaman nu ngatay buu. Nu buu kanyu pagsarig, kamu aban bayaun, purihun hanggan dayawun ati katpung aban sa kay kaudasan nu mihayag si Hisu-Kiristu.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.

Ipinakakit 3:9

Malu, ti manga sakup ni Satanas manga magpabalhinguun kuntay sida Hudiyu dapat bukun waydi Hudiyu, manga pudilun lang. Paludhun niku sida sa kanmu atubangan, bag-u maalaman nida kawu kang gid pagmahalun.