Isayas 43:2 - Hanunuu

² Nu lumakaw kawu sa danum, kaibahan nimu aku. Nu dumipay kawu sa manga sapa, balaw kawu malimus. Nu lumakaw kawu sa apuy, balaw kawu mairub; kay labdab balaw umunu sa kanmu.

Isayas 43:2 Iomraidhean Croise

Hub 5:19

Pirmi di niya kawu iribri sa manga sarut ag mahawag.

Kanta 23:4

Una waya maglakaw aku sa kadudulman, balaw aku magkadala, dahil kaibahan niku kawu. Kanmu pamakul mag-alaga sa kangku; ag kanmu sugkud maggiya ag magpabisug sa kangku.

Kanta 32:6

Nakan ti tanan tapat kailangan magdarangin sa kanmu sa udas kakurian, hampay nu rumas-ug ti kakurian ga baha, balaw sida maunu.

Kanta 66:10

Diyus, sa ungud pagsubukan nimu kami; linumpiyu nimu kami parihu sa pilak ipinalakaw sa apuy.

Kanta 66:12

Pinatat-an nimu kami sa kanmi manga kalaban; ga nangagwanta kami sa apuy ngatay sa baha. Dapat kainda ipinauli nimu kami sa mayad pag kahamtangan.

Kanta 91:15

Nu mandangup siya sa kangku, sagtun niku siya; nu udas may kakurian, ibahan niku siya; iribri niku siya ag pakan-an kadayawan.

Pag-ighit 14:29

Dapat ti manga Israilita linmakaw sa mamara pag daga sa karaw-an dagat, bilang ga alad batu ti danum baliw-baliw habig.

Pag-ighit 3:12

Magkun ti Diyus, “Ibahan niku kawu, ag inda ti puruyba aku ti nagsugu sa kanmu: Nu naipalwas yi nimu ti manga Israilita ginan sa Ihiptu, sambahun niyu aku sa inda pag bantud.”

Isayas 29:6

Ti Hirusalim alalahanun niku, ag aku, ti Panginuun Makamaskihan, rumas-ug may linti, may linug, may ingay, may buhawi, may bagyu, ag maglabdaban pag apuy.

Isayas 30:27

Pagpatingi kamu! Magras-ug ti Panginuun ginan sa arayu. Mag-apuy siya sa isug ati sa karaw-an maanus. Kay manga bibig pagtakigan sa isug ga maglabdab yi apuy.

Isayas 41:10

Danga kawu magkaarimputu dahil aku kanmu Diyus. Pabisugun niku kawu ag awatan. Alagaan niku kawu sa panab-anan niku kamaskihan imaw ti rumibri sa kanmu.

Isayas 41:14

Una diit lang kawu ag malumuy, danga kawu magkadala dahil aku gid ngap ti mangawat sa kanmu. Aku, ti Panginuun, ti magsabi inda. Aku kanmu Manugribri, ti Banal pag Diyus Israil.

Isayas 43:5

Danga kawu magkadala dahil kaibahan nimu aku. Tipunun niku kanmu manga linahi ginan sa butlakan tugka sa isalpan.

Hirimyas 42:11

Danga yi kamu magkadala sa hari Babilunya dahil kaibahan niyu aku, iribri niku kamu sa manga kamang niya.

Hirimyas 46:28

Nakan danga kamu magkadala, kamu pag manga linahi manugsirbi niku si Hakub, dahil kaibahan niyu aku. Wasakun yi niku lubus ti manga nasyun pinanwayakan niku sa kanyu, dapat ay balaw niku kamu tabuhun wasakun lubus. Parusahan niku kamu angay lang dapat sa kanyu. Balaw mahimu nu unman niku kamu parusahan. Aku, ti Panginuun, ti magsabi inda.”

Danyil 3:23

Ag sida tulu magapusan nidugsak sa basad maglabdaban pag pugun.

Hagay 1:13

Magkun si Hagay imaw ti manugbarita Panginuun sa manga taga Israilita, “Magkun ti Panginuun kaibahan niyu siya.”

Sakaryas 13:9

Ag ti ikatlu pag bahagi masawad lumpiyuhun niku parihu sa pilak pag-ipalakaw sa apuy. Subukun niku sida parihu sa gintu pag-ipalakaw sa apuy nu lunsay ngatay unman. Mandarangin sida sa kangku ag sagtun niku sida. Sabihun niku, ‘Sida kang nasakupan.’ Ag sabihun diman nida, ‘Ti Panginuun kanmi Diyus.’ ”

Malakyas 4:1

Magkun ti Panginuun Makamaskihan, “Pihu gid rumas-ug ti sirang kaparusahan. Bumaliw inda ga maglabdaban pugun. Parusahan niku ti tanan mayabang hanggan magbuwat daut parihu sa magtutud dayami. Bumaliw sida ga tinutdan kayu unman gid may nasawad una di sanga hanggan gamut.

Matiyu 1:23

“Ti tugnaw pag daraga magkabuduy aban ag manganak anak lalaki. Kay ngaran kanda ipaingaran sa kanya si Imanwil.” (Kay ibug sabihun, sa kanta ti Diyus.)

2 Timutiyu 4:17

Dapat balaw aku pinabay-anan Panginuun. Pinakan-an aku kabisugan hampay lubus mipaliwanag niku ti Mayad pag Barita sa tanan manga balaw Hudiyu. Naribri di aku madi kanda mana ibahug sa manga liyun.

2 Timutiyu 4:22

Pagsa kanyu ti Panginuun hanggan ti papalad niya.

Hibriyu 11:29

Dahil sa kanda pagsarig, nagdipay ti manga Israilita sa Dagat Marara parihu sa mamara pag daga. Pagka sinubukan binwat inda manga taga Ihiptu ay pasay nalimus sida.

Huswi 1:5

“Unman may makatalu sa kanmu habang buhi kawu, dahil ibahan niku kawu parihu sa kang nag-iba sa kan Muysis. Balaw niku kawu tayakan ag pabay-anan.

Huswi 1:9

Alalahana nimu inda kang manga bilin sa kanmu: ‘Pagpakarig-un kawu hanggan pagkatutum. Danga kawu magkadala ngatay maglumuy, dahil aku, ti Panginuun kanmu Diyus, kaibahan nimu una naan tag kawu.’ ”