Isayas 43:16 - Hanunuu

¹⁶ Aku ti Panginuun, ti nagbuwat dalan sa karaw-an dagat.

Isayas 43:16 Iomraidhean Croise

Nihimyas 9:11

Sa atubangan nimu nasakupan tinunga nimu ti dagat ag sa karaw-an inda linmakaw sida sa mamara pag daga. Dapat linimus nimu ti manga kalaban maglagas sa kanda. Parihu sida sa batu nitalnud sa maghagunung pag dagat.

Kanta 106:9

Binilinan Panginuun ti Marara pag Dagat kuntay mak-at, ag nak-at ngani; ag giniyahan niya kay nasakupan sa pagdipay sa dagat ga maglakaw lang sida sa pangawakawaan.

Kanta 77:19

Dinipay nimu ti dagat may daraka pag manga humbak, dapat unman kawu mag-akitan.

Kanta 77:20

Sa panab-anan ni Muysis ag ni Aarun giniyahan nimu kanmu nasakupan parihu sa manga karanidu.

Kanta 78:13

Tinunga niya ti dagat ag ipinalawuy sida; binwat niya ti danum ga manga alad batu.

Pag-ighit 14:16

Antayan kanmu sugkud sa dagat hampay maayaw ti danum ag makadipay ti manga Israilita sa mamara pag daga.

Pag-ighit 14:29

Dapat ti manga Israilita linmakaw sa mamara pag daga sa karaw-an dagat, bilang ga alad batu ti danum baliw-baliw habig.

Isayas 43:2

Nu lumakaw kawu sa danum, kaibahan nimu aku. Nu dumipay kawu sa manga sapa, balaw kawu malimus. Nu lumakaw kawu sa apuy, balaw kawu mairub; kay labdab balaw umunu sa kanmu.

Isayas 44:27

Nu sabihun niku mak-at ti sapa, mak-at gid inda.

Isayas 50:2

Hayga balaw niyu aku binati katpung sa kang pagras-ug? Hayga balaw kamu nagsagut katpung pagtawagan niku kamu? Balaw aw lugud niku kamu kaya iribri? Kaya ngani niku pak-atun ti dagat sa usa lang ka bagaw. Kaya diman niku buwatun tigangan ti sapa hampay mamatay ti manga isda.

Isayas 51:10

Bukun aw kawu diman duy ti nagpak-at dagat, nagbuwat dalan sa kay karaw-an inda hampay makadipay kanmu nasakupan, ti irinibri nimu sa Ihiptu?

Isayas 51:15

Dahil aku, ti Panginuun niyu Diyus, ti magpatandug sa manga humbak dagat bag-u maghagunung inda. Kang ngaran Yawi, ti Panginuun Makamaskihan sa tanan.

Hirimyas 31:35

Magkun waya ti Panginuun, “Aku ti nagsugu sa init hampay magpakaun-rayaw sa buu sirang, hanggan sa bulan ag manga pamgasan magpakaun-rayaw sa buu yabi. Ag aku ti magkuyikaw sa dagat tugka sa maghagunung ti manga humbak. Aku ti Panginuun ti Makamaskihan sa tanan.

Ipinakakit 16:12

Ibinuhus maan ikan-um pag anghil kay sukad ginan sa kay pinggan malukung tag sa laun pag sapa Iyupratis. Nak-at kay danum bag-u alistu yi ti dalan para lakawan manga hari ginan sa butlakan init.