Isayas 42:7 - Hanunuu

⁷ hampay pamuklatun ti manga buta, palpasan ti manga bihag, hanggan ti ipinaslud sa madlum pag pirisuhan.

Isayas 42:7 Iomraidhean Croise

Kanta 97:7

Nangay-a ti tanan magsamba sa manga diyus-diyusan hanggan ti magpalabi-labi kanda manga diyus-diyusan. Ti tanan diyus magluhud magsamba sa Diyus.

Isayas 29:18

Sa ati pag sirang, ti bungul makadnug sa pagbasahun pag ribru. Ag ti buta, kumakit yi, madi unman may mag-akitan nu unman ti kaduluman lang.

Isayas 35:5

Bag-u nu mangyari tunda, kumakit ti manga buta ag makadnug ti manga bungul.

Isayas 42:16

Abatun niku kang manga nasakupan buta sa katutuuhanan, tabug sa dalan udwaya nida nalakawan. Rayawan niku ti paglakawan nida madlum ag tadlungun niku ti manga nangunha-kunha pag dalan kanda paglakawan. Buwatun niku inda ag balaw niku sida pabay-anan.

Isayas 42:22

Dapat taynguna kay manga nasakupan tinakawan, inagawan kasiyunan, ilinagpak sa kali ngatay ipinaslud sa pirisuhan, ag ud may nanribri sa kanda.

Isayas 49:9

Sabihun nimu sa manga Israilita nabihag hanggan sa napirisu sa kadudulman, ‘Pagluwas kamu! Ribri yi kamu!’ “Miparihu sida sa manga karanidu magharab sa saruy manga dalan ngatay sa manga padang.

Isayas 61:1

Ti Ispiritu Panginuun Diyus sa kangku. Dahil pinili niya aku hampay manudlu mayad pag barita sa manga makuri. Sinugu niya aku hampay libangun ti manga nabiyagan kay tagipusuun ag para ibarita sa manga bihag hanggan sa manga pirisu sida malaya yi.

Isayas 9:2

Ti manga tawu sa kadudulman makakit masyadu gid pagkarayawan, ag marayawan ti may manga kakurian.

Mikas 7:9

Dahil nagkasala kita sa Panginuun, kailangan nita agwantahun kay parusa sa kanta tugka sa kampihan niya kita ag pakan-an katadlungan. Makitan nita kay pagribri sa kanta sa panab-anan pagdara niya sa kanta tag sa karayawan.

Matiyu 11:5

Maghiling yi ti manga buta, maglakaw yi maan ti manga pilay, naayadan ti may manga dilikadu pag sakit sa lukub, magdungug yi ti manga bungul, nabuhi maan ti manga namatay. Pag-itudlu sa manga pugri ti Mayad pag Barita.

Lukas 24:45

Bag-u binukasan niya kanda manga naisipan hampay maintindihan nida ti manga Kasuratan.

Huwan 9:39

Sinabi ni Hisus magkun, “Nagsitay aku sa kalibutan hampay sintinsiyahan niku ti kasalanan manga tawu, hampay ti manga buta humiling yi, ag ti manga maghiling bumaliw ngap ga buta.”

Huwan 9:7

Bag-u kay sinabi niya magkun, “Pag-ati duy kawu pag-iram-us sa may pararigsan sa Siluam.” (Tunda pag bagaw Siluam kay kahulugan sinugu.) Nag-ati ngani ti tawu buta nangiram-us. Pagka siya binmalik, maghiling yi siya.

Binwat 26:18

Kailangan pamuklatun nimu kanda manga mata, kailangan bawiun nimu sida ginan sa kadudulman atag sa marayaw, ginan sa kapangyarihan ni Satanas tabug ngap sa Diyus, hampay nu sida sumarig sa kangku, patawadun kanda manga kasalanan hampay mipaminsan sida sa manga tawu napasakup sa Diyus.’

2 Kurintu 4:6

Dahil Diyus ti nagsabi magkun, “Ginan sa kadudulman pagsinggit ti karayawan.” Siya diman ti nagpakaun rayaw sa kanmi manga naisipan hampay makilala ti kadayawan Diyus mag-akitan sa uyahun ni Kiristu.

2 Timutiyu 2:26

Nu katunda marayawan kanda naisipan hampay makakalpas sa dit-ag diyablu imaw ti nagbutung sa kanda.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.

Ipinakakit 3:18

Nakan ngani kang pagsabihun sa kanmu, pagbili kawu sa kangku lunsay yi pag gintu hampay kawu ungud gid yumaman. Pagbili diman waydi kawu malagti pag rutay hampay kawu may isulung, udyi kawu mangay-a sa kanmu pagkalilus. Pagbili waydi pamulung sa mata hampay kawu kumakit maan.