Isayas 42:6 - Hanunuu

⁶ Magkun siya sa kay manugsirbi, “Aku ti Panginuun magtawag sa kanmu hampay ipakakit kang katadlungan. Awatan ag alagaan niku kawu, sa panab-anan nimu mamuwat aku kasunduan sa manga tawu. Buwatun niku kawu parihu sa sulu magpakaun rayaw sa manga nasyun,

Isayas 42:6 Iomraidhean Croise

Isayas 26:3

Panginuun, pakan-i nimu lubus pag kahusayan ti tawu kawu pirmi ti pag-isipun dahil magsarig siya sa kanmu.

Isayas 27:3

Aku ti Panginuun ti mag-alaga sa ubasan. Pagbunyagan niku inda ag pagbantayan sirang yabi hampay balaw madaut.

Isayas 32:1

May usa ka hari humari may katadlungan, kay manga takinan mandumara may kahusayan.

Isayas 41:13

Dahil aku, ti Panginuun kanmu Diyus, imaw ti magpabisug sa kanmu ag ti magsabi danga kawu magkadala dahil awatan niku kawu.

Isayas 41:2

Si unu ti nagpadara usa ka tawu ginan sa butlakan ag nagpakaun sa kanya panalu sa labanan, una naan siya pag umatag? Si unu ti nagpasakup sa kanya sa manga hari ag manga nasyun? Winayak niya ti manga nasyun ag pinanmatay ti manga hari sa panab-anan baladaw ag ugyung. Ag inda nagbaliw ga taypuk pag ipayag durus.

Isayas 42:1

Magkun ti Panginuun, “Inda kang pag pabisugun pag manugsirbi. Pinili niku siya ag magbaya aku sa kanya. Asan sa kanya kang Ispiritu, ilantag niya ti katadlungan sa manga nasyun.

Isayas 43:1

Dapat taynguna inda ti pagsabihun Panginuun ti naglalang sa kanmu, Ungud Israil: “Danga kawu magkadala dahil iribri niku kawu. Tinawag niku kawu sa kanmu ngaran, dahil kangku kawu.

Isayas 45:1

Pinili si Sayrus Panginuun hampay pabisugun kay kapangyarihan, ag hampay sakupun ti manga nasyun, taluhun ti manga hari. Bukasan niku ti manga sabian nida banwa bag-u agawun, danga yi tunda pagtalakpi. Inda ti pagsabihun Panginuun sa kan Sayrus:

Isayas 45:13

Aku ti nagtawag kan Sayrus hampay buwatun kang manga turunu. Buwatun niku kang-ud ti tanan palakaw niya. Ipatindug niya uman kang banwa ag palpasan niya kang manga nasakupan binihag. Buwatun niya inda balaw dahil sa pinakan-an siya upa aw ngatay pinirimyuhan. Aku, ti Panginuun Makamaskihan, ti magsabi inda.”

Isayas 49:6

Magkun siya, “Kawu kang manugsirbi, mayamu waya pag manga buruwatun ti ipabuwat niku sa kanmu, purya sa pagpabalik nimu sa kang pag-alagaan pag manga Israilita. Buwatun waya niku kawu sulu manga nasyun, hampay maribri ti buu kalibutan.”

Isayas 49:8

Inda ti pagsabihun Panginuun, “Sa kang-ud pag kaudasan iribri niku kawu, dungugun ag awatan. Alagaan niku kawu, sa panab-anan nimu, bumuwat aku kasunduan sa manga tawu. Utru nimu ipatindug ti daga Israil nawayak, bag-u ipakaun nimu inda sa kang manga nasakupan.

Hirimyas 12:16

Basta nu tanggapun nida buu tagipusuun ti pagsarig niku manga nasakupan ag nu manumpa sida sa ngaran niku, parihu sa itinudlu nida sa manga nasakupan niku kuntay pagsumpa sa ngaran ni Baal, mahimu miminsan diman sida sa nasakupan niku.

Matiyu 26:28

Dahil inda kang dugu itinalaghut Diyus sa taratu. Ibuhus kang dugu sa ikapatawad manga kasalanan mayamu tawu.

Lukas 2:32

usa ka sulu hampay marayawan ti manga balaw Hudiyu, ag hampay ipakilala ti kadayawan nimu nasyun Israil.”

Huwan 8:12

Nagbagaw maan si Hisus sa manga Parisiyu magkun, “Aku ti sulu sa kalibutan. Nu ti tawu magpasakup sa kangku, sa kanya yi ti karayawan tigpakaun buhi ag balaw yi siya lumakaw sa madlum.”

Binwat 13:47

Dahil kainda kay isinugu Panginuun sa kanmi magkun, ‘Ipinakana niku kawu ga sulu sa manga balaw Hudiyu hampay ibarita nimu ti karibrihan sa tanan tawu sa bilug kalibutan.’”

Binwat 26:23

Sinabi kabay nida magkun, kailangan mamatay ti Pinili Diyus Manugribri pag Hari bag-u un-an gid sa tanan tawu siya ti buhiun maan hampay ipakilala niya sa manga Hudiyu hanggan sa manga balaw Hudiyu nu kabitay sida maribri agud sida sa marayaw yi.”

2 Kurintu 1:20

Dahil ngani si Kiristu ti ipinatupad sa tanan manga itinaratu Diyus. Dahil sa kan Kiristu kita makasagut magkun, “Amin” tungkul sa tanan itinaratu Diyus, sa ikadayaw sa kanya.

Hibriyu 12:24

Ag kamu nagpakarani sa kan Hisus. Sa kanya pag itinalaghut ti bag-u taratu. Kay dugu ni Hisus ti magtudlu sa kanta mayad man pag manga katutuuhanan, balaw lang ga kay dugu ni Abil.

Hibriyu 13:20

Diyus ti gimpuunan kahusayan. Binuhi niya uman kanta Panginuun Hisus. Nakan si Hisus ti makamaskihan pag manug-alaga sa manga karanidu. Dahil sa kanya pag dugu pag itinalaghut ti unman may katapusan pag taratu.

Hibriyu 7:2

Inayawan waydi ni Abraham si Milkisidik kay ikasampulu pag bahagi sa tanan bagay kay nab-ul sa gira. Un-an sa tanan ti kahulugan kan Milkisidik ngaran ay “Hari Katadlungan.” Hari diman siya sa Salim, kay gustu sabihun “Hari Kahusayan.”

Hibriyu 7:26

Si Hisus imaw gid ti pangulu manughandug kanta kailangan. Banal siya, unman gid may kasalanan, unman may huput una di ga buhuk, apinablag siya ginan sa manga makasalanan, ag binwat siya mataas man sa langit.

Hibriyu 8:6

Lalu gid mahalaga kay natanggap ni Hisus pag katungkulan sa manughandug balaw lang ga kanda ni Aarun pag katungkulan. Dahil ti taratu kay pagpamahalaan ni Hisus lalu diman waydi mahalaga, inda pag taratu kay pinagkapuun lalu mayad pag manga itinaratu.

Hibriyu 9:15

Sa kay pagkamatay linukat ni Kiristu ti manga tawu ginan sa manga kasalanan kanda binwat sa kanda di waya sakup sa un-an pag taratu. Nakan si Kiristu ngani tigpamahala sa bag-u pag taratu hampay ti manga pinili Diyus makatanggap sa kay itinaratu pag papalad unman may katapusan.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.