Isayas 42:5 - Hanunuu

⁵ Inda ti pagsabihun Diyus, ti Panginuun naglalang langit ga kay linadlad inda ga rutay. Linalang niya ti kalibutan hanggan ti tanan asan. Siya diman ti magpakaun buhi sa manga tawu ag sa tanan linalang magkabuhi sa kalibutan.

Isayas 42:5 Iomraidhean Croise

Gimpuunan 1:1

Sa kabag-u linalang Diyus ti langit hanggan ti kalibutan.

Gimpuunan 2:7

Linalang Panginuun Diyus ti tawu ginan sa daga. Inarupan niya sa irung ti tawu arup magpakaun buhi. Nakan ti tawu may buhi yi ngani.

Hub 12:10

Sa kamang niya ti buhi una ti arup tanan linalang, hanggan yi ti tawu.

Hub 27:3

Habang mag-arup waya aku, ag pagpahintulutan waya aku Diyus mabuhi,

Hub 33:4

Ti ispiritu Makamaskihan pag Diyus imaw ti nagbuwat sa kangku ag ti nagpakaun buhi.

Hub 34:14

Nu nalub-anan Diyus bul-un ti buhi ipinakaun niya sa tawu,

Kanta 136:6

Ipinauli niya ti daga sa babaw danum. Kay pagmahal unman may katapusan.

Kanta 33:6

Sa panab-anan bagaw Panginuun, nalalang ti kalangitan; ginan sa kay arup ti init, ti bulan, hanggan ti manga pamgasan.

Kanta 96:5

dahil ti tanan diyus iba manga nasyun unman may pulus, ti Panginuun imaw ti naglalang kalangitan.

Isayas 37:16

“Panginuun, Diyus Israil matukawan sa turukawan sa tab-anan manga kirubin, kawu lang duy ti Diyus magdumara sa tanan kaharian sitay sa kalibutan. Linalang nimu ti kalangitan ag ti kalibutan.

Isayas 40:12

Si unu ti tumakal sa danum dagat sa panab-anan niya manga dalukap, ngatay sumukat sa langit sa panab-anan niya dangaw? Si unu ti makapauli tanan daga sa usa ka sukadan, ngatay ti makatimbang manga bantud hanggan manga tagudtud?

Isayas 40:22

Linalang inda Diyus matukawan siya sa kay tukawan hari sa tungud kalibutan. Sa pamantay niya, ti manga tawu sa sirung ga manga liyung lang. Ilinadlad niya ti langit ga limbun rutay, ngatay ga usa ka turda hampay ulianan.

Isayas 40:26

Pagbantay kamu sa langit! Si unu nguna ti naglalang sa tunda pag manga pamgasan? Ti Diyus ti naglalang tunda. Ipinalwang niya tigus-a tigus-a tunda mintaras pagtawagun kanda manga ngaran. Dahil sa kay kamaskihan, una di usa unman may nadura.

Isayas 40:28

Unman aw niyu alam ngatay unman aw niyu nadnugan ti Panginuun imaw ti unman may katapusan pag Diyus ti naglalang buu kalibutan? Balaw siya magkagasa ngatay magpanlumuy, ag unman may makasalum sa kay isip.

Isayas 44:24

Inda ti pagsabihun Panginuun kanyu Manugribri ti naglalang sa kanyu: Aku ti Panginuun ti naglalang tanan bagay. Aku lang usa ti nagladlad sa langit ag aku diman ti naglalang sa kalibutan.

Isayas 45:12

Aku ti nagbuwat kalibutan hanggan ti tanan magpangulian siyun. Kang manga kamang ti nagbuklad sa langit, aku ti nagsugu sa init, sa bulan hanggan sa manga pamgasan kuntay pagluwang.

Isayas 45:18

Kawu, Panginuun, ti Diyus. Kawu ti naglalang langit hanggan kalibutan. Balaw nimu binuwat ti kalibutan ud may magkabuhi. Binuwat nimu inda hampay ulianan. Magkun kawu, “Aku ti Panginuun, udyi may iba waya.

Isayas 48:13

Aku ti nagpauli paratukawan kalibutan hanggan aku diman ti nagbuklad kalangitan. Nu magsugu aku sa kanda, pagsundun nida.

Isayas 57:16

Sa tutuu, balaw niku kamu kalabanun ngatay unu-unuhun sa tanan udas, dahil nu buwatun niku inda magkaramatay ti linalang niku pag manga tawu.

Hirimyas 10:12

Dapat Diyus ti naglalang langit ag daga sa panab-anan niya kamaskihan ag kadunungan.

Hirimyas 27:5

Sa panab-anan niku kamaskihan linalang niku ti kalibutan, ti manga tawu hanggan ti manga hayup. Aku ti may karampatan nu si unu kang piyaran inda.

Hirimyas 32:17

“Panginuun Diyus, linalang nimu ti langit ag ti daga sa panab-anan nimu kamaskihan. Unman may una hintay pag bagay ti unman nimu mabwat.

Hirimyas 38:16

Dapat lihim nagsumpa si Hari Sidikyas sa kan Hirimyas. Magkun siya, “Magsumpa aku sa buhi pag Panginuun, ti nagpakaun buhi sa kanta, balaw niku kawu matyun ngatay ipakaun sa manga magkaibug mumatay sa kanmu.”

Isikil 18:4

Patingihi niyu inda! Ti tanan buhi tawu kangku — ti buhi gurang ag anak. Ti nagkasala pag tawu imaw ti mamatay.

Danyil 5:23

Bagkus ngap binwat nimu kanmu sadili abwat man sa Panginuun sa langit. Ipinab-ul nimu ti manga irinman ginan sa Balay Diyus ag ininman niyu inda kaibahan kanmu matinudukun pag manga bisita, manga asawa, ag iba waya asawa panawuhun. Bukud waya siyun, sinamba nimu ti manga diyus buwat sa pilak, gintu, galang, baul, kayu, ag batu — manga unman maghiling pag diyus, unman magdungug, ag unman makaintindi. Dapat unman nimu dinayaw ti Diyus, ti maghiyaput kanmu buhi ag magpapalad sa tanan nimu pagbuwatun.

Amus 9:6

Ti Diyus ti nagbuwat kay ulian sa langit. Siya diman ti nagbuwat kalayawan sa tungud daga. Siya diman ti magtipun danum dagat sa manga rurum ag pag-ipauran niya inda sa daga. Kay ngaran imaw ti Panginuun.”

Sakaryas 12:1

Inda ti sinabi Panginuun tungkul sa Israil: “Aku ti Panginuun ti nagbuwat kalangitan ag kalibutan, ag aku ti magpakaun buhi sa tawu.

Binwat 17:24

Diyus ti naglalang sa daga hanggan sa tanan-tanan bagay sa babaw daga. Siya yi tig hari sa langit una sa daga, nakan unman siya nangulian sa manga balay simbahan binwat tawu kamang.

Binwat 17:25

Una siya pagsirbihan tawu, ti Diyus unman magkaibug kanda manga handug, dahil siya ngani tigpakaun kinabuhi, arup hanggan karabuhian sa tanan tawu.

Hibriyu 1:2

Pagka kainda arani yi ti katapusan kalibutan, kay Anak ngap ti nagpadakit sa kay manga binagaw Diyus sa kanta. Ti Anak ti pinili pag manugkarubut sa tanan manga bagay, dahil ginan lang sa kanya pag binwat Diyus ti kalibutan.