Isayas 42:19 - Hanunuu

¹⁹ Kamu kang manga manugsirbi hanggan pinili. Pagsuguun niku kamu kang manga manugbarita, dapat ud may makatupung sa kanyu magpabungul-bungulun ag magpabuta-butaun.

Isayas 42:19 Iomraidhean Croise

Isayas 26:3

Panginuun, pakan-i nimu lubus pag kahusayan ti tawu kawu pirmi ti pag-isipun dahil magsarig siya sa kanmu.

Isayas 27:5

Dapat maribri siya nu pumakarani ag manhagad awat sa kangku.

Isayas 29:18

Sa ati pag sirang, ti bungul makadnug sa pagbasahun pag ribru. Ag ti buta, kumakit yi, madi unman may mag-akitan nu unman ti kaduluman lang.

Isayas 41:8

“Dapat kawu, Israil, kang manugsirbi ag pinili ginan sa linahi ni Hakub, ag ginan sa linahi ni Abraham kang ampud,

Isayas 43:8

Magkun waya ti Panginuun, “Tawaga nimu kang manga nasakupan may manga mata, dapat unman makakit; may manga tuli dapat unman magdungug.

Isayas 44:26

Dapat pagtupadun niku ti hula niku manugsirbi hanggan manga manugbarita. Pagsabihun niku ti Hirusalim ulianan uman, hanggan ti iba waya pag banwa Huda nagkaradaut utru maan ipatindug.

Isayas 56:10

Dahil ti manga takinan Israil manga manugbantay mana sa inda pag nasyun nagbaliw ngap ga manga buta ag unman may alam. Ga manga idu sida magbantay ud magsubang. Kanda gustu pahuway, maturug, ag managin-up.

Isayas 6:9

Magkun siya, “Pagginan yi kawu sabiha nimu sa nasakupan Israil, ‘Una kamu magpakapatingi, unman diman kamu makaintindi. Una kamu magpakabantay, unman diman kamu kumakit!’ ”

Hirimyas 4:22

Magkun ti Panginuun, “busal ti manga nasakupan niku; unman nida aku magkakilala. Sida manga kurang-kurang pag kalay-awan ag unman makaintindi. Anad sida magbuwat daut, dapat unman madunung magbuwat mayad.”

Hirimyas 5:21

Patingihi niyu inda, kamu pag manga luku-luku ag supakil. May manga mata kamu, dapat unman makakit, may manga tuli dapat unman makadnug.

Isikil 12:2

“Anak tawu, mag-ulian kawu kaibahan sa manga maglaban pag nasakupan. May manga mata sida dapat balaw makakit, may manga tuli sida dapat balaw makadnug, dahil manga maglaban sida pag nasakupan.

Matiyu 13:13

Magbagaw aku sa kanda sa manga pahalimbawa dahil una magbantay sida unman waydi kumakit. Una magpatingi sida unman diman makadnug ag unman diman waydi makaintindi.

Huwan 12:40

“Binuta Diyus kanda manga mata agud unman sida makakit. Pinaganit Diyus kanda tagipusuun agud unman sida makaintindi. Sinabi Diyus magkun, nakan katida kang binwat sa kanda hampay sida unman bumalik tag sa kangku. Dayu waydi paayadun niku sida.”

Huwan 9:39

Sinabi ni Hisus magkun, “Nagsitay aku sa kalibutan hampay sintinsiyahan niku ti kasalanan manga tawu, hampay ti manga buta humiling yi, ag ti manga maghiling bumaliw ngap ga buta.”

Huwan 9:41

Sinmagut si Hisus magkun, “Nu abi kamu manga buta unman mana kamu may kasalanan. Dapat taynguna kanyu pagsabihun magkun, ‘Kami maghiling’, nakan unman mab-ul kanyu kasalanan.”

Ruma 11:25

Manga patar-ari, gustu niku maalaman niyu ti usa ka katutuuhanan udwaya maburayhawan, hampay balaw mag-isip kamu palabi-labi sa kanyu sadili. Ti kaganitan nasyun Israil balaw padayun-dayun, balaw hanggan aban. Inda magkadugay lang hanggan sa udwaya makapakarani sa Diyus ti tanan manga ginayak niya pag manga balaw Hudiyu.

2 Kurintu 4:4

Unman sida magsarig, dahil kanda naisipan binuta ni Satanas, imaw tig hari sa manga taga kalibutan. Binuta sida hampay balaw makitan nida ti karayawan Mayad pag Barita tungkul sa kadayawan ni Kiristu imaw ti histuda Diyus.