Isayas 42:11 - Hanunuu

¹¹ Dayawun niyu siya, kamu pag manga asan sa pangawakawaan hanggan manga taga Kidar. Pagkanta kamu sa kabayaan, kamu manga taga Sila. Pamagrit kamu may pagdayaw sa katayung-tungan manga bantud.

Isayas 42:11 Iomraidhean Croise

Gimpuunan 25:23

“Ginan sa kanmu duwa ka lapsag asan sa kanmu basad tiyan ti gimpuunan duwa ka nasyun; duwa ka puru tawu ti manlalabanan. Kay usa bumaliw makapangyarihan kaysa usa. Kay akaan sumirbi sa kay ari.”

Kanta 120:5

Kaawaawa aku dahil mag-uli aku kaibahan sa kanyu parihu ka daut sa manga mag-uli sa Misik ag sa Kidar.

Isayas 12:5

Pagkanta kamu sa Panginuun dahil makadululaw kay manga binuwat. Itultul niyu inda sa buu kalibutan.

Isayas 16:1

Ti manga taga Muab nagpalagiw sa Sila, usa ka banwa sa pangawakawaan, nagpadara manga anak karanidu bilang pamakaun sa hari Hirusalim.

Isayas 21:16

Magkun ti Panginuun sa kangku, “Sa sulud usa ka timpu, matapus ti kapangyarihan Kidar.

Isayas 32:16

Lumantap ti katadlungan ag katuwiran sa pangawakawaan hanggan sa maabunu pag daga.

Isayas 35:1

Ti tigangan makabaya ga tawu. Mamurusang ti manga halaman sa pangawakawaan.

Isayas 35:6

Mangutbaw ga karasyaw ti manga pilay, ag manringgit sa kabayaan ti buyun. Mamulus ti danum sa tigangan ag bumulus ti danum sa manga sapa sa pangawakawaan.

Isayas 40:3

May manugbarita maghuyaw magtudlu sa manga tawu, “Ialistu niyu ti dalan sa pangawakawaan para sa Panginuun. Tadlunga ti dalan lakawan nita Diyus.

Isayas 43:19

dahil tuhay yi maan pag bagay kang buwatun. Magpangyari yi ngani inda. Unman aw lugud niyu mag-akitan? Mamuwat aku dalan hanggan manga bulbugan sa tigangan.

Isayas 52:7

Marinu bantayan ti manga manugbarita maglakaw sa kabantudan magdara mayad pag barita kahusayan hanggan kaayadan sa Hirusalim, dahil iribri yi inda Diyus. Sabihun nida sa manga taga Hirusalim, “Maghari yi kanyu Diyus!”

Isayas 60:7

Daran-un manga taga Kidar hanggan manga taga Nibayut kanda manga karanidu tabug sa kanmu, bag-u ihandug tunda sa harandugan Panginuun hampay makabaya siya. Lalu waya pahalgaan Panginuun kay Balay.

Hirimyas 21:13

Kalaban niku kamu manga taga Hirusalim, kamu pag manga mag-uli sa mapag-un pag rugar sa babaw maratag pag bantud. Magpalabaw-labaw kamu magkumun, ‘Ribri kita sitay! Unman may manggira sa kanta, sa mapag-un pag rugar atay sa babaw maratag pag bantud!’

Hirimyas 48:28

Pag ighit yi kamu sa kanyu banwa ag pangulian sa yangpas, ga sa manga kalampati magpugad sa manga gil-ang tunu ag mabatu pag rugar.

Hirimyas 49:16

Ipagpadayaw niyu kuntay mag-uli kamu sa mabatu ag sa arabwat pag rugar. Dapat sa pagpalabaw ag pagpadala niyu tunda sa iba, pagdayaun niyu kanyu sadili. Dahil una mag-uli kamu sa pinakaabwat pag rugar parihu sa pagpugadan agila, ipaababa waya diman niku kamu. Aku, ti Panginuun, ti magsabi inda.”

Hirimyas 49:31

Aku, ti Panginuun, ti nagsugu sa kanda kuntay, ‘Giraha niyu ti usa ka nasyun magkabuhi may kahusayan ag abunda. Unman may agad kanda manga puwirtahan banwa ag magkabuhi sida-sida lang.

Isikil 27:21

“ ‘Nakipagnigusyu diman sa kanmu ti manga taga Arabya hanggan ti tanan takinan sa Kidar. Kanda ibinayad sa kanmu manga karanidu bag-u manga kambing.

Ubadyas 1:3

Magkumun kamu unman may tumalu sa kanyu dahil mag-uli kamu sa mabatu ag abwat pag rugar. Dapat ay sa inda pag magpayabang niyu, pagdayaun lang niyu kanyu manga sadili.

Nahum 1:15

Bantayi niyu manga taga Huda! May magras-ug manugbarita ginan sa manga kabantudan manultul mayad pag barita hanggan kahusayan sa kanyu rugar. Nakan idaus niyu kanyu manga pista ag tupada niyu kanyu manga taratu sa Panginuun. Dahil ti daut pag nasyun Asirya balaw yi gid gumira sa kanyu, dahil rurisun sida tanan.