Isayas 42:10 - Hanunuu

¹⁰ Pagkanta kamu manga bag-u pag kanta sa Panginuun! Pagkanta kamu manga pagdayaw sa kanya, una kamu ti asan sa pinakaarayu pag bahagi kalibutan. Dayawun niyu siya, kamu pag manga magpanakayan hanggan kamu tanan pag manga linalang sa dagat, ag kamu pag manga mag-uli sa ararayu pag rugar.

Isayas 42:10 Iomraidhean Croise

1 Krunika 16:32

Pagbaya diman lubus ti kalalawdan, manga karatagan, ag ti tanan asan sa kanda.

Kanta 150:6

Ti tanan magkabuhi mandayaw sa Panginuun. Dayawun ti Panginuun!

Kanta 33:3

Kantahi niyu siya manga bag-u pag kanta; patunugi niyu siya mayad, ag paghuyaw kamu sa kabayaan.

Kanta 40:3

Tinudluan niya aku bag-u pag kanta, kanta pagdayaw sa kanya, sa kanta Diyus. Mayamu pag tawu ti kumakit inda, gumalang sida ag sumarig sa kanya.

Kanta 65:5

Diyus kanmi manugribri, pagsagtun nimu kami sa panab-anan makadululaw pag pagribri nimu sa kanmi. Kawu ti pag-asa tanan tawu, una ti pinakaarayu pag bahagi kalibutan hanggan sa pinakaarayu pag dagat.

Kanta 72:10

Mana ti manga hari sa Tarsis, sa manga puru sa dagat, sa Shiba, ag sa Siba mangayaw sa kanya manga pamakaun sa pagpakakit magpasakup sida sa kanya.

Kanta 96:11

Pagmasulung ti kalangitan hanggan ti kalibutan, hanggan yi ti kalalawdan, ti karatagan, ag ti tanan asan sa kanda. Ti tanan kayu sa katalunan manganta sa kabayaan

Kanta 97:1

Maghari ti Panginuun! Nakan pagbaya ti kalibutan, hanggan yi ti manga puru.

Pag-ighit 15:1

Kinmanta si Muysis hanggan ti manga Israilita inda pag kanta sa Panginuun: “Kantahan niku ti Panginuun dahil lubus siya magpanalu. Iyinamut niya sa dagat ti manga kabayu hanggan ti manga masakyan siyun.

Pag-ighit 20:11

Dahil sa sulud unum ka sirang, linalang niku ti langit, ti daga, ag ti dagat, hanggan ti tanan-tanan asan, dapat nagpahari aku sa ikapitu pag sirang. Nakan pinapaladan niku ti Sirang Pamahari ag binwat niku inda mahalaga pag sirang para sa kangku.

Isayas 11:11

Sa ati pag sirang utru gamitun Panginuun kay kamaskihan hampay pauliun ti manga nasawad pag nasakupan niya dinara-bihag sa Asirya, sa Ihiptu, sa Patrus, sa Itiyupya, sa Ilam, sa Babilunya, sa Hamat ag sa iba waya rugar arayu.

Isayas 12:5

Pagkanta kamu sa Panginuun dahil makadululaw kay manga binuwat. Itultul niyu inda sa buu kalibutan.

Isayas 42:4

Balaw gid siya manlumuy ngatay maduraan pag-asa hanggan sa unman niya lubus naipalantap ti katadlungan sa buu kalibutan. Una ti manga tawu sa ararayu pag rugar manpatigagad sa kay manga tudlu.”

Isayas 44:23

Langit, pagkanta kawu sa kabayaan! Kalibutan, pagringgit kawu kamatnug! Manga bantud hanggan manga kayu sa katalunan, pagkanta kamu. Dahil iribri Panginuun ti linahi ni Hakub; ipakakit niya kay kadayawan sa Israil.

Isayas 48:20

Pag-ighit kamu sa Babilunya! Ipaburayhaw niyu may kabayaan sa buu kalibutan kuntay irinibri Panginuun kay manugsirbi, ti nasakupan Israil.

Isayas 49:13

Kalangitan, pagkanta kawu sa kabayaan. Pagmasulung kawu, Kalibutan! Pagkanta kamu, kamu pag manga bantud. Dahil kaawaan ag pasulungun Panginuun kay manga nasakupan magkakurian.

Isayas 49:6

Magkun siya, “Kawu kang manugsirbi, mayamu waya pag manga buruwatun ti ipabuwat niku sa kanmu, purya sa pagpabalik nimu sa kang pag-alagaan pag manga Israilita. Buwatun waya niku kawu sulu manga nasyun, hampay maribri ti buu kalibutan.”

Isayas 51:5

Arani yi niku kamu pakan-an panalu. Udyi dumugay, iribri yi niku kamu. Aku ti mandumara sa manga nasyun. Ti manga sa ararayu pag rugar mag-alagad sa kangku, maghingabut sa kang kamaskihan.

Isayas 60:6

Mapnu kanmu daga manga kamilyu manga taga Midyan hanggan manga taga Ipa. Rumas-ug sida sa kanmu ginan sa Shiba may dara manga gintu hanggan manga kamangyan para sambahun ti Panginuun.

Isayas 62:11

Pagpatingi kamu! Nagpadara tultulanun ti Panginuun sa buu kalibutan, magkumun, “Sabiha niyu sa tanan taga Israil kanda Manugribri rinmas-ug yi may dara pirimyu, ti irinibri sa pagkabihag!

Isayas 65:14

Manganta sida sa kabayaan, dapat kamu lumumi sa karukuan hanggan sa daut pag nalub-anan.

Sipanyas 2:11

Padalaun sida Panginuun dahil papasun niya ti tanan manga diyus-diyusan sa buu kalibutan. Ag sambahun siya manga tawu sa tanan nasyun sa kanda manga banwa.”

Ipinakakit 14:3

Magkanta sida usa ka bag-u pag kanta sa atubangan tukawan hari hanggan upat ka linalang may buhi hanggan sa atubangan duwapulu may upat ka gurangun. Unman may makatau sa tunda pag kanta nu ud tunda lang pag usa ka gatus may upatpulu may upat ka libu ka tawu manga linukat ginan sa babaw daga.

Ipinakakit 5:9

Nagkanta sida inda pag bag-u kanta magkun, “Kawu ti may karampatan magbuul sa kasuratan malulunan ag magbukas kay manga kula, dahil kawu ti minatay ag dahil sa kanmu dugu may linukat kawu manga tawu ginan sa kada linahi, pamagaw, banwa ag nasyun hampay sida manga sakup yi Diyus.